निसर्गाच्या गप्पा (भाग-१३)

बरेच दिवसांनी आले इथे. नेहेमी वाचायचं पेंडींग रहातं ते वाचून होईपर्यंत पुढे जातो धागा.

सगळे फोटो मस्त.
मामी, स्वीस एकदम सही.

खराटा पुराणात एक गोष्टं - त्याची टोके वळवळीत असली की सुकलेल्या पानांचा उडालेला कचरा झाडायला सोपे पडते. शिवाय शेणाने सारवलेली जमिन उखडली जात नाही. टोके एकसारखी केली की जोर लावावा लागतो त्याने शेणजमिन उखडली जाते.
आणि टोकं सारखी केल्याने झाडूची उंची कमी झाली की वाकून कचरा काढावा लागतो हा एक त्रास

असो. एक माहीती हवी होती.

मला कॉटेज गार्डन सारखे फुलांचे गार्डन ( आईच्या घरी) करायची इच्छा आहे. त्यात फुलझाडे प्लॅन / आखणी न करता एकत्र लावली असतात आणि एका सिझन मधे सतत कुठली ना कुठली फुलं फुलत असतात. एखादा बागेचा कोपरा निवडून अशी लावणी व्यवस्थित केली तर कोपरा गच्च आणि फुललेला रहातो.

तर मला वेगवेगळ्या काळात फुलणार्‍या फुलांची नावे फुलणार्‍या सिझनसह हवीत. आणि मिळाले तर त्यांचे कांदे /बीयाही हव्यात. रोपं फार मोठी होणारी नकोत. प्लिज सुचवा.

मला सुचलेली

लिली
कर्दळ
पॅराकीट
कोरांटी - पिवळी , अबोली, जांभळी
झेंडू
सदाफुली,
गुलबक्षी
सोनटक्का , निशीगंध ( यात खरच साप येतात का? असल्यास नको )

अजुन एक. माझ्याकडे गुलाबी शंकासुर / शंकेश्वराच्या बीया आहेत. लगेच रुजतात कोणाला हव्या असल्यास सांगणे.

अर्रर्र.........आमचा लोकसत्ता बहुतेक नगर आवृत्ती आहे. कारण आज चतुरंग येतो. तो मी संपूर्ण वाचून काढते. आणि इथे वास्तुरंग वेगळ्याच वारी येतो की कायसं वाटतं.
गच्चीतल्या एडेनियमला मस्त शेंगा आल्यात. माळ्याने सांगितल्याप्रमाणे दोर्‍याने बांधल्या आहेत. नाहीतर आतल्या बीया,,,,,शेंगा फुटून उडून वाया जातात. आता मला एडेनियमच्या बीया मिळतील.

नि.ग.-१३ पान क्र. २२ वर मधु-मकरंदने उल्लेख केलेले झाड म्हणजे Baringtonia acutangula तर नाही? ह्याचीही फुले गुलाबी असतात आणि फुले ए़का लांब दांड्यावर येतात आणि कळ्या असताना किंवा फुले गळून गेल्यावर हे लांब दांडे पारंब्या किंवा लोंबत्या मुंडावळ्यांसारखे दिसतात. मला वाटते शरदिनीबाईंनी या झाडाचे नामकरण 'मुंडावळ्यांचे झाड' असे केलेले आहे. ह्याला कुठे कुठे नीवर म्हटलेलेही वाचले आहे. फाइव गार्डन्समधील झाड सध्या गुलाबी फुलांनी बहरले आहे.

वाचतेय वाचतेय्..सर्वकाही..
इथे धुआँधार पाऊस पडतोय...
उद्या नाही पडला तर इथल्या बोटॅनिकल गार्डन मधे जाणारे..
चायनीज नावं लिहून आणीन बापडी.. तुम्हा सर्वांना होमवर्क देईन भारतीय नावं सांगण्याची

यांच नावं सांगा

शांकली, हा करंज ना?

दोन्ही फोटो मोबाईल कॅमेराने काढले आहेत त्यामुळे प्लीज.....

अजुन एक, या झाडाच ही नाव सांगा..

झाडाचं खोड पांढर होत आणि त्याची खाली पडलेली फळं साधारण पेवंदी बोराच्या आकाराची होती. ह्यांची माझी भेट नागपूरात झाली निवांतपणे

मागच्या सगळ्या छान गप्पा वाचुन काढल्या ..

स्निग्धा,
दुसरा फोटो करंजच आहे..

स्निग्धा, तिसरा फोटो बहुधा शिवणीच्या झाडाचा आहे असे वाटतेय, पण नक्की सांगू शकत नाही .

जागू, पाठवलेत गं>>>>>>>>>>>शांकली मला पण पाठव ना.

पहिला तामण असावा असे फुलावरुन वाटतेय पण मी पाहिलेल्या तामणाचे कळे गुळगुळीत असतात अशे मोदकासारखे नसतात. पण lagerstromia याचे अनंत प्रकार असावेत बहुतेक. आणि हा त्यातला एक असावा.

दुसरा अर्थातच करंज. तिस-याची पाने पाहिलीत खुप झाडांमध्ये, पण खाली पडलेले हिरवे फळ पाहिले नाही आणि पांढरे खोडही पाहिले नाहीय.

पहिला तामण असावा असे फुलावरुन वाटतेय >>>> मला सुध्दा हेच वाटल म्हणुन तर इथे विचारलं. काही काही रोजच्या पाहाण्यातल्या झाडाची नाव माहिती नसतात तसं त्या करंजाचं झालं होत. अगदि शाळेपासुन पाहातेय पण याला करंज म्हणतात हे ठाऊक नव्हत.

तिसरे झाड भोकर असवे का? पण भोकराचे खोड पांढरे नसते शिवाय पिकलेली फळे किंचित गुलाबी असतात. काकडही आठवून गेले पण पाने वेगळी आहेत.

भोकर म्हणजे ज्याच्या फळांच्या चिकाने आम्ही लहानपणी आजोळी गेल्यावर पतंग चिकटवायचो तेच का?

भोकर म्हणजे cordia dichotoma. गुजरातीत गुंडा. गुजराती लोकांमध्ये कच्च्या हिरव्या फळांचे लोणचे करतात. हे फळ आतून बुळबुळीत असते. पिकल्यावर बोरासारखे बुळबुळीत होते पण किंचित गोड लागते.

जागू, अभिनंदन.

आम्ही पण या तालिमखान्याला निळी कोरांटीच म्हणत असू. फुले वेचताना भरपूर काटे टोचवून घेतले आहेत लहानपणी !

चौदहवी का चाँद

काल मला हा कोळी दिसला. बहुतेक सिग्नेचर स्पायडरच असावा पण गोव्यात जे दिसायचे त्यापेक्षा आकार वेगळा होता आणि सिग्नेचर पण वेगळीच दिसतेय. मला जंगलात पॅशनफ्रुटचा वेल दिसला त्याच्या फुलांचे फोटो काढायला गेलो तर हा दिसला. मला चावला असता तर माझा स्पायडर मॅन झाला असतात. फोटोवरून कल्पना येणार नाही पण त्याच्या "उजव्या हाताच्या" अंगठ्यापासून "डाव्या पायाच्या" अंगठ्यापर्यंतची लांबी, ८ सेमी तरी होतीच !

प्रदूषणमुक्त हवा आणि आसमंतातली गुलाबी धूळ यामूळे आमच्याकडे असे काहीसे दिसते आता !

वाळवंटात हि फुले खुप दिसतात. खरं तर देठ पाने काही दिसतच नाहीत थेट फुलेच दिसतात. यांचे नाव सुझन.
केनयात ती साधारण २ सेमी व्यासाची असत तर अंगोलात ५ सेमी व्यासाची दिसतात. हा रंग खुप मोहक दिसतो. या रंगाला मुली काहीतरी खास नावाने ओळखतात ना ?

नि.ग.-१३ पान क्र. २२ वर मधु-मकरंदने उल्लेख केलेले झाड म्हणजे Baringtonia acutangula तर नाही?

नाही, ते झाड गुलाबी टॅबेबुयाचे आहे.

हीरा, तुम्ही झाडांचे निरिक्षण केले असेल तर एक गोष्ट लक्षात येईल. प्रत्येक झाडाचा बांधा पण वेगवेगळा असतो. आता हे टॅबेबुयाचे झाड, त्यातले दोन रंग मुंबईत दिसतात. (अजुन काही रंग असतील तर मला माहित नाही) दोन्ही रंगातली झाडे उंच, शिडशिडीत आहेत. त्यातही पिवळ्या रंगाचे टॅबेबुया पाने पुर्णतः गाळुन मगच फुलावर येतात. गुलाबी रंगाचे झाड मात्र कधीकधी पाने पुर्णपणे झटकुन तर कधीकधी पुर्ण पर्णसंभार संभाळून वर फुलेही मिरवते. मधु-मकरंदने उल्लेखलेले झाड पाने आणि फुले दोन्हीही बाळगुन आहे. चेंबुर-ट्रोंम्बेला अणुशक्ती नगरचा जो बस डेपो आहे तिथे सेम असेच उंच भरगच्च गुलाबी टॅबेबुया आहे. त्याच्या खालीही या दिवसात असाच गुलाबी सडा पडलेला असतो. त्या झाडाला या दिवसात पाने कमी आणि फुले जास्त असतात.

तिवर/निवराचे झाड सुबक ठेंगणे गुटगुटीत असते. त्याचा बांधा आडवा असतो.

बुचाचे झाडही नेहमीच उंच शिडशिडीत असते. कधीच सुबक ठेंगणे गुटगुटीत आडवे नसते.

वरचा चौदहवी का चाँद किती डागाळलेला आहे तो बघितलात ना ? चक्क वहिदा रेहमानचा अपमान कि.
पण काल एक नवल घडले. चक्क आमच्याकडे " चंद्रमे जे अलांच्छन" दिसला. खरं नाही वाटत ? हे बघा फोटो !

फसलात ? एप्रिल फूल केले.. तो चक्क " मार्तंड जे तापहीन " आहे.

येस मला वाटलेलेच...

दिनेशदा, नेहमी चांगले फ़ोटो देता. मग, आजच माझ्या शत्रूचा का दिलात?

माझा पण शत्रूच कि तो !

माझ्या या पानावरच्या दोन्ही पोस्ट अदृष्य आहेत का काय ?

थँक्यु जागु.

ओक्के. अबोली, तेरडा, शेवंती, सूर्यफुलं, डेलिया, अष्टर मोगरा, ऑफिसटाईम, झरबेरा टाकते त्यात.
चाफा , तगर, अनंत, मोगरा, जाई, चमेली, मधूमालतीच्या वेली वगैरे झाडं वेगळी आहेत आधीच.
पण या कोपर्‍यात फक्त छोटी रोपे ठेवायचीत. गुलाबही जास्त काळजी घ्यावी लागते जरा.

वॉव तुझ्याकडे रातराणी इतकी उंच झालीये! सहीच.

सुप्रभात

सावली माझ्याकडे अबोलीच्या भरपूर झाडे आली आहेत. सध्या बोटभर उंचीची झालीत. मी झाडाला आलेल्या बियाच कुंडीत पसरून लावल्या पण (बहुतेक) पाण्याबरोबर सगळ्या एका जागीच रूजल्या. आता उन्हाळा गेल्यावर त्यातील एक एक झाड थोड्या थोड्या अंतरावर लावणार आहे. सध्या भरपूर फुलं आणि बिया आल्या आहेत अबोलीला.

रच्याकने, अबोलीच्या वाळलेल्या बियांवर पाणी पडल्यावर मस्त तडतड आवाज येतो.

रच्याकने, अबोलीच्या वाळलेल्या बियांवर पाणी पडल्यावर मस्त तडतड आवाज येतो. >>>>>> रविवारीच हा अनुभव घेतला. कुंडीत बी घातले, त्यवर थोडी माती घातली आणि पाणी घातल्याबरोबर बिया तडतड करत उडू लागल्या. जर काही बिया राहिल्या असतील तर त्या मातीत रूजतील, वाट पहात आहे.

नि.ग.-१३ पान क्र. २२ वर मधु-मकरंदने उल्लेख केलेले झाड >>>>>>>>>>>>> हे झाड बरेच जुने आहे. सध्या ६ मजली ईमरती एवढे उंच झाले आहे. जमिनी पासून १०-१२ फुटांच्यावर विस्तार वाढलेला आहे. पण म्हणजे वडासारखे विस्तिर्ण नाही. फोटो काढायचा / मिळवायचा प्रयत्न करीत आहे. मिळाला की टाकीनच.

maajhya kundit ek vel aali aahe..jhambali fula yeta aahet. kasali kalat nahi

हुर्रे~~~~~~~~~ ! माझ्या कडीपत्त्याला नवी फांदी येवू लागली आहे.

प्रज्ञा...... काँग्रॅट्स

आता जिप्स्याकडे अबोली लागल्यावर जाणे कुणाला गजरे मिळणारेत!!!!!!