....डोळ्यांनी

Submitted by वैवकु रीटर्न्स on 26 February, 2013 - 07:32

टा़क मिटवून प्यास डोळ्यांनी
तू पुन्हा गोड हास डोळ्यांनी

मी तुला काय , पाहतो आहे?
पाह , घेतोय श्वास डोळ्यांनी !

मी मनानेच पाहतो आता
फक्त दिसलेत भास डोळ्यांनी

हा पहाराय सख्त दुनियेचा
येच , खेळूत रास डोळ्यांनी

स्वप्न विरते तुझे ..बघू जाता
आज धरलाय ध्यास डोळ्यांनी

विषय:

काव्यलेखन

साहित्य

Groups audience:

गुलमोहर - गझल

Group content visibility:

Public - accessible to all site users

शेअर करा

(No subject)

Submitted by वैवकु on 26 February, 2013 - 08:04

वैवकु आपणास धन्यवाद म्हणायची गरज वाटत नाही आहे आपण प्रतिसादात केवळ एक स्मायली दिली आहे आपण् काय प्रा. देवपूरकर आहात काय असे करायला ??
(असो ;धन्यवाद!!!... एकमेव प्रतिसाद आला आहे तुमचा हेही उपकारच म्हणायचे )

असो

घोर निराशा झाली मायबबोलीवरील गझल्प्रेमीनी माझ्या काव्याकडे इतके दुर्लक्ष केले हे पाहून खूप वाईट वाटले
मी हे सहन करू शकत नाही आहे

काही चुक्लेमाक्ले माफ करावे क्षमस्व

आपलाच् नम्र व कृपाभिलाषी
~नवाच एक कुणीतरी

Submitted by वैवकु रीटर्न्स on 27 February, 2013 - 11:41

तुमचा प्रतिसाद पाहिल्यावर

तुमचा प्रतिसाद पाहिल्यावर आपली गझल वाचली.
आपण नवशिके तर नक्कीच वाटत नाही.
आपण ज्या वृत्ताला हात घातलाय ते माझ्यामते मराठीत मोजक्याच गझलकारांनी यशस्वीरित्या निभावलेय.
जमीन फारच बिकट आहे, आणि त्यामुळे अर्थाच्या दृष्टीने फार मजल घेता येणे खूप अवघड आहे.

स्वप्न विरते तुझे ..बघू जाता
आज धरलाय ध्यास डोळ्यांनी

हा शेर आवडला.
काही ओळीही आवडल्या. जसे मी तुला काय , पाहतो आहे?
शुभेच्छा.

Submitted by समीर चव्हाण on 27 February, 2013 - 11:43