केला ईशारा जाता जाता...

नविन वर्ष काही दिवसांवर येऊन ठेपलंय. बघता बघता २०१२ ला निरोप द्यायची वेळ आली. काहि दिवसात नवीन वर्षाची पहाट उजाडेल. सहजच मागे वळुन बघताना माझ्या या वर्षीच्या भटकंतीचा आढावा घेतला. या वर्षात पाहिलेल्या ठिकाणांची, सह्याद्री, समुद्रकिनारा, रीसॉर्ट, गडकिल्ले यांची यादी आठवली. या वर्षात मी गड/किल्ले (राजमाची, कोरलई, सिंधुदुर्ग, विजयदुर्ग, नाणेघाट, पुरंदर-वज्रगड, लोहगड, सुधागड, हडसर, तुंग आणि तेलबैला), समुद्रकिनारे (मांडवा-आवास, मालवण, तारकर्ली, निवती, मोचेमाड, वेंगुर्ला आणि कुणकेश्वर), महाराष्ट्राबाहेर (कश्मिर आणि दिल्ली), पावसाळी भटकंती (पवना, मुळशी, लवासा, ताम्हीणी घाट, माळशेज घाट, भंडारदरा), इतर (भिगवण पक्षी निरीक्षण, करमरकर शिल्पालय, राणीबाग फुल प्रदर्शन, ओझर, भीमाशंकर) इ. ठिकाणी भटकलो.

सरत्या वर्षाला निरोप द्यायला आणि नविन वर्षाच्या स्वागतासाठी मी उद्यापासुन पुन्हा एकदा ५ दिवसाच्या मालवण दौर्‍यावर चाललोय (२०१२ ने जाता जाता केलेला इशारा :फिदी:). तेंव्हा यावर्षीच्या माझ्या भटकंतीतील निवडक १२ प्रचिंच्या "आठवणींचा कोलाज" मी नविन वर्षाच्या शुभेच्छांसहित सादर करतोय. यातील सर्व प्रचि तुम्ही माझ्या त्या त्या मालिकेमधील पाहिलेली आहे.
=======================================================================
=======================================================================