चव अळणी, वास खमंग.... दुसरा दबंग (Movie Review - Dabangg - 2)

हेच अपेक्षित होते

कालच पाहिला....

पुर्ण भ्रमनिरास !

गाणीतर एकदम बकवास!

फार अपेक्षा नव्हतीच. दबंग १ प्रमाणे हा चित्रपटही टीव्हीवर लागल्यावर बघेन.
"तोरे नैना बडे दगाबाज" हे गाणं चांगलं आहे.

'पहिला दबंग सल्लूपटांतला शिरोमणी होता'...+१
दिग्दर्शक अरबाज खान..:हहगलो:

बनियानमध्ये पाल सुरसुरावी तसं वाकडं-तिकडं होऊन हसणं आलं आणि शेवटच्या दृश्यात सल्लूभायच्या शर्टाने लाजणंही आलंच>>> तू खास लिहीतोस

मजा आली वाचून...

छान लिहीले आहे. म्हणूनच जायला कसेतरी होत होते. गाणी ऐकावीत झालं.

"बायकोचं आणि माझं डोकं काढून ठेवायला' असं पाहिजे ना? मै कन्फ्युजिया गयी.

लोकसत्ताने यापेक्षा चिरफाड केलीय.. ! प्रेक्षकांचे मानसिक वय किती मानतात हे लोक ? आणि स्वतःचे किती असते मानसिक वय ?

असाच असणार याची कल्पना होती.. बरं झालं नाही गेलो १५०-२०० रु. उडवायला धन्यवाद.

टी. व्ही. वर येईलच महिनाभरात तेव्हां पाहण्याचे कष्ट घेतले जातील..

खरे तर इथे हे लिहायला नको,
पण यातल्या हिडीस गाण्यावर लोकसत्ताने ताशेरे ओढलेत, तरी याचा दृष्य स्वरुपातला मारा देशभर होतच राहणार. करोडो रुपये घेऊन करिना हिडीस नाचली, त्या गाण्यावर खानबंधु करोडो रुपये कमावणार.. पण देशभरातल्या अशिक्षित / बेरोजगार तरुणांना वाटणार, भारतातली प्रत्येक स्त्री, अशीच उपलब्ध आहे.

करावा तितका निषेध कमी आहे, भले त्या गाण्याचे कुणीही कितीही समर्थन करो !

दिनेश, जोरदार अनुमोदन. पण कलेसाठी कला वगैरे मंडळींना हे पट्त नाही.

हो अश्विनी, कपडे घालून नाचलीय ना ? ( हे उपकारच आपल्यावर.) आपलेच मन असंस्कृत. आपल्याच मनात वाईट्ट विचार येतात. नाही का ?

दबंगकडुन हीच अपेक्षा होती आणि ती पुर्ण झाली. मी पहिला पाहिला नव्हताच त्यामुळॅ दुसरा कशाला पाहायचा??

कलेसाठी कला एका दृष्टीकोनातुन मलाही पटते पण भारतातली आम जनता, ज्यांच्यासाठी खास असली गाणी चित्रित होतात, त्यांना ह्याच्यात तीच कला दिसते जी त्यांच्या मनात आहे. मग भले दिग्दर्शकाला केवळ विसंगती दाखवण्यासाठी साऊथ स्टाईलची गाणी दाखवायची असोत किंवा मग बिहारच्या गावातल्या अशाही गोष्टी आहेत म्हणुन वर उल्लेख केलेल्या गाण्याटाईपची गाणी दाखवायची असोत. त्यातली कला केवळ दिग्दर्शकाला आणि मुठभर जाणकार प्रेक्षकांनाच कळते. जनतेला दिसते ते उघडे शरीर आणि त्याला दिलेले आडवेतिडवे हिसके... तसेही मी टिवी फारशी पाहात नाही पण गमछा वगैरे गुंडाळून नाचणा-या लोकांचा ताफा, त्यांच्या मध्यभागी शक्य तितके त्रोटक कपडे घालुन हलणारी सुंदरी शक्य तितका जाडा आवाज काढुन बागडतेय असे दृश्य टिवीवर चॅनेल सर्फ करताना दिसले तर लगेच पुढचे चॅनेल बदलते. किळस वाटते हे सगळॅ बघायला.

पण यातल्या हिडीस गाण्यावर लोकसत्ताने ताशेरे ओढलेत, तरी याचा दृष्य स्वरुपातला मारा देशभर होतच राहणार. करोडो रुपये घेऊन करिना हिडीस नाचली, त्या गाण्यावर खानबंधु करोडो रुपये कमावणार.. पण देशभरातल्या अशिक्षित / बेरोजगार तरुणांना वाटणार, भारतातली प्रत्येक स्त्री, अशीच उपलब्ध आहे.

करावा तितका निषेध कमी आहे, भले त्या गाण्याचे कुणीही कितीही समर्थन करो !
<<
Hmm.. गाणं मलाही नाही आवडलं.
गाण्याचं समर्थन नाहीच करणार, करीनाही नाही आवडली, कोरिओग्राफी- चाल काहीच नाही आवडलं.
पण '"अशीच उपलब्ध" शब्दप्रयोग मात्रं खटकला !
अशीच म्हणजे ?
नाचणारी 'तशी' नाचते म्हणून ती 'उपलब्ध' आहे असं का assume करायचं मुळात
बाकी अशिक्षित लोक काय विचार करतील , कसे वागतील हे पुढचं, पण एखादी बाई आयटेम नंबर करते म्हणजे ती अ‍ॅव्हेलेबल असते हे निदान सुशिक्षित समाजाने तरी गृहित धरु नये.
असो.. विषयांतरा बद्दल सॉरी.

थोडक्यात काय..................
अभिनयाच्या आणि सगळ्याच बाबतीत बोंब आहे..
असे ही सलमान कडुन काहीच अपेक्षीत नसते असे म्हणण्यापेक्षा त्याच्या कडुन काही अपेक्षा ठेवणेच चुक असते..

दीपांजली,
अशी गाणी कुठला प्रेक्षकगट डोळ्यासमोर ठेवून निर्माण होतात ? आणि त्यावर काय प्रतिसाद अपेक्षित असतो निर्माता दिग्दर्शकाचा ? मी जो प्रेक्षकगट उल्लेखलेला आहे, त्यांच्या मनात असे विचार येणे, हेच अपेक्षित आहे ना ? त्या प्रेक्षकाला करीना आणि रस्त्यावर दिसणारी एखादी तरुणी यांच्यातला भेदभाव कळतो ?
भारतात सुशिक्षित लोक किती टक्क्याने आहेत ? जर मला "सुशिक्षित" गटात धरत असाल तर असल्या गाण्यांकडे मी ढुंकून बघत नाही.

ढुंकून न बघताही ते अश्लील आहे हे कसे कळते?

दिनेशदा,
'अशीच उपलब्ध' हे तुम्ही लिहिलं म्हणूनच तो शब्द प्रयोग टाळावा असं लिहिलं.
स्त्री आयटेम गर्ल असो किंवा अजुन कोणी, कुथलीच स्त्री उपलब्ध असते हे कोणीच गृहित दरु नये.

बाकी मला नाही वाटत निर्माते आयटेम साँग्ज कोणी एका सामाजालाच टार्गेट करतात.. मुन्नी-शीला-जिलेबीबाई-दम मरो दम-अनारकली डिस्को चली सगळ्याच पार्टीज मधे वाजतात, किती तरी लोक ऐकतात, बघतात... काही आवडीने काही टिका करत !
असो.. विषयांतर फार झालं, हा टॉपिक इथे थांबवते.

त्यांनी कुठे पाहिलेय? त्यांनी लोकसत्ताने ओढलेले ताशेरे वाचले. मीही हे गाणे पाहिलेले नाही, पण या प्रकारच्या गाण्यात काय काय असते त्याचा अंदाज आहे. हे काही पहिलेच नाही या प्रकारचे गाणे. चॅनेल सर्फिंग करताना दिसते काय दिसायचे ते.

पण रस्त्याने जाता येता फुटपाथच्या बाजुला असलेल्या झोपड्यांमधुन साधारणपणे अशाच प्रकारची गाणी ऐकु येतात. एफेमवर हेवी ट्रॅफिकच्या वेळीस असलीच गाणी सुरू असतात. हल्ली किराणावालाही दुकानात छोटा टिवी ठेऊन असतो, मी जिथे कपडे इस्त्रीला देते त्या दुकानातही कोप-यात एक टिवी चालु असतो. टाईमपास म्हणुन गाण्यांचे चॅनेल चालु असते. आता कोणी मुद्दामहुन शोधुन फक्त असलीच गाणी लावते असे नाही. पण नॉर्मली टिवी लावला की असलेच काहीतरी चालु असते.

पण जाऊदे, या विषयावर उगीच चर्चा कशाला? आपण मायबोलीवर जमणारी मंडळी असली गाणी पाहणार नाही आणि जे पाहतात त्यांना आपण इथे काय बडबड करतोय याच्याशी काही देणेघेणॅ नाही.

आपण मायबोलीवर जमणारी मंडळी असली गाणी पाहणार नाही <<<
माफ कर साधना यावर माझा विश्वास नाही. अनेक जण असू शकतात आवडीने पाहणारे. ज्याची त्याची आवड म्हणून मी सोडून देईन.
मी ’काय केलंय तरी काय नक्की?’ म्हणून कधीतरी टिव्हीवर लागल्यास पाहीन (माझे पैसे खर्च करून सलमानचे सिनेमे बघू शकत नाही पण त्याचा अश्लीलतेशी काहीही संबंध नाही.) वाचनामधे जसा भेळेच्या पुडीचा कागदही मी वर्ज्य मानत नाही तसेच कुठल्याही प्रकारचे दृकश्राव्य माध्यमातले प्रकरण.

जर तथाकथित अश्लील गाण्यांनी समाजाला अतिशय भयंकर वळण लागतेय तर मग धो धो देशभक्ती, सदाचार असलेल्या सिनेमांच्या नंतर भ्रष्टाचार गायब झाल्याची लाट का येत नाही?

नीधप, / रसप. मी लोकसत्ताचा संदर्भ दिलाय. ( प्लीज जे लिहिलय तेच वाचावे.) इथल्या थिएटरात भारतीय चित्रपट लागत नाहीत. माझ्याकडे इथे टिव्ही नाही, त्यामूळे अर्थातच बघितले नाही आणि अजिबात बघणारही नाही.

असो. या विषयावर आपले यापुर्वीही मतभेद झाले होतेच. माझी मते ठाम आहेत. वादाला वैयक्तीक वळण लागण्यापुर्वीच मी माझ्यातर्फे पूर्णविराम देतोय.

दिपांजली, माझ्यातर्फेही सन्मान्य असहमती.

विद्या बालनला जामच सिरीयसली घेऊन मनोरंजन-मनोरंजन-मनोरंजन करतो.

तुमची ठाम मते असतील तर असूदेत. वैयक्तिक वळण तेव्हा येते जेव्हा
’कलेसाठी कला लोकांना हे पटत नाही, त्यांना समजत नाही, अश्या प्रकारच्या गोष्टी बघणारे मानसिक रूग्णच असतील’ अश्या तर्‍हेचे उल्लेख यायला लागतात.

नीधप, माझ्यातर्फे पूर्णविराम म्हणजे पूर्णविराम !
आणि जिच्या मताचा उल्लेख वर झालाय, ती अश्विनीमामी यापुढे उत्तर देईलच.
आणि तिनेही कुठे मानसिक रुग्ण हा शब्द वापरलेला नाही. परत एकदा तूम्ही असे म्हणालात म्हणजे यापुढे असेच म्हणणार, असले कल्पनाविलास थांबबावेत. प्लीज लिहिलेय तेच वाचावे.

रसप जी..
.
.
सिनेमावर काही बोलण्यासारखेच नाही.. कौतुक तर जाउ द्या अहो निंदा सुध्दा करता येत नाही सिनेमा बद्दल
.

दबंगवर काही वाचावं असं वाटलं नाही, त्यामुळे लेख अन चर्चा नाही वाचली. पण नावच भारी आवडलं मला, खुदकन हसू आलेच

असं असेल तर भांडाच !! >>> ते ही केले असते ...पण ........कारण पण सापडत नाही भांडायला
तुम्ही करा सुरुवात...मी आहेच
.
.
ते जी आहे ना त्या कडे लक्ष देउ नका....तो पार्लेजी वाला जी आहे .;)