मायबोलीने मनाची एक ख्नन्त दुर केली

Submitted by आकाश नील on 19 December, 2012 - 13:59

अनेक वर्षे संगणक क्षेत्रात काम केले तरी मराठी पाने आंतर्जालावर (अजून सगळे मराठी प्रतीशब्द माहित नाहीत). वाचली नव्हती. सध्या ती वाचायचा योग आला, आणि नंतर गेले २ महिने फार खन्त वाटत होती. (शुध्द-अशुद्ध नव्हे, पण विचित्र मराठी वाचून). नुसते साधे मराठी वाचण्याची तळमळ लागली होती.

आज सुदैवाने मायबोलीची ओळख झाली. अजून सगळे वाचले नाही, पण खूप वाचले. कल्पना नव्हती की नवीन पिढी इतक्या दमाचे मराठी लिहू शकते. कविता, विनोद, कथा, अनुवाद (शेरलॉक होम्स) आणि इतर सदरे (Comments ना काय म्हणतात? शेरा? प्रतिसाद?).

मायबोलीला अनेक धन्यवाद. माझ्या सर्व परिचितांना आणि संगणक विद्यार्थ्यांना मायबोलीची ओळख लवकरच करून देईन.

विषय:

शब्दखुणा:

Groups audience:

Group content visibility:

Public - accessible to all site users

गूड स्वागतम 'अभिप्राय'ही

गूड

स्वागतम

'अभिप्राय'ही म्हणता येईल, शेरा यापेक्षा

Submitted by बेफ़िकीर on 19 December, 2012 - 14:01

अभिप्राय : उत्तम पर्याय

Submitted by आकाश नील on 19 December, 2012 - 14:04

शोधा म्हणजे सापडेल... तुमचं

शोधा म्हणजे सापडेल...
तुमचं स्वागत...

Submitted by परदेसाई on 19 December, 2012 - 14:20

आकाश नील, ३ वर्षांपूर्वी माझी

आकाश नील, ३ वर्षांपूर्वी माझी सुद्धा अशीच स्थिती होती. इथे अमेरिकेत मराठी गप्पा अगदी दुर्मिळ नसल्या तरी चांगलं, स्वच्छ मराठी बोलणे, लिहिणे दिसतच नाही. आमच्या मराठी मंडळाचे कार्यक्रम सुद्धा बर्‍यापैकी इंग्रजीमधेच होतात. खंत आहे ही. पण मित्रमंडळींमधे शुद्ध मराठी बोललं, एखादा थोडा जुना शब्द वापरला तर कोणत्या ग्रहावरून आली ही असा आविर्भाव असतो.
मग इथे माबोवर येऊन नवे, चांगले साहित्य वाचायला मिळते.