झटपट मँगो केक

१ अंड फोडून काचेच्या भांड्यात फेटून घ्या
त्यात १ अंड्या एवढाचं मँगो पल्प घाला
त्यात २ ते ३ चिमूट बेकिंग पावडर घालून हे मिश्रण चांगलं घोटून घ्या.
त्यात २ चमचे गव्हाचं पीठ घालून पुन्हा घोटून घ्या. (हातावर काढायच्या मेंदीच्या कन्सिस्टन्सीचं मिश्रण तयार होईल. इतपत गव्हाचं पीठ)
मिश्रणाची चव बघून हवी असल्यास साखर घाला, वेलची पावडर घाला, एक ते दीड चमचा तूप घाला.
मिश्रण चांगलं घोटून ते काचेचं भांडं मायक्रोवेव्ह मधे ठेवा. २.५ मिनिट्स हाय वरती आच द्या
ह्या सगळ्या प्रकारात अंदाजे पाच मिनिट्स निघून जातील
आता ३-४ मिनिटस नुसतीच वाट बघा.. किंवा आणखीन थोडा पल्प वापरून आयसिंग तयार करा

टॅडा.... मँगो केक तयार!