सुरणाचे कुरकुरीत काप.

सुरणाचे साल काढुन त्याच्या पात़ळ चौकोनी फोडी/चकत्या करा.
एका पातेल्यात अंदाजे चकत्या बुडतील इतके पाणी घेवुन ते गॅसवर गरम करायला ठेवा.
पाणी गरम झाले कि त्यात आमसुले टाका .नंतर सुरणाच्या फोडी टाका.पातेल्यावर झाकण ठेवुन गॅस कमी करुन ठेवा.
अधुन मधुन ढवळा.
अंदाजे ८ ते १०मिनिटात फोडी थोड्याशा शिजतील.
फोडी चाळणीवर टाकुन पाणी काढुन काढावे.
सर्व मसाले एकत्र करावे.
या आहेत शिजलेल्या फोडी व सर्व मसाले एकत्र करुन तयार झालेले मिश्रण.

सुरणाच्या फोडींवर मसाला भुरभुरवुन घ्यावा.
फ्राय पॅन /तवा तापवुन त्यावर चमचाभर तेल पसरुन घ्यावे.
तांदुळ पिठी वर सुरणाच्या फोडी दोन्ही बाजुनी घोळवुन घ्याव्या .पॅन मधे दोन्हीकडुन खरपुस परतुन घ्याव्या.
मस्त कुरकुरीत सुरणाच्या फोडी तयार आहेत.

जेवताना स्टार्टर किंवा साईड डिश साठी करता येतील .तसेच चहाबरोबर ही आस्वाद घेता येतो.