Submitted by जागो मोहन प्यारे on 8 May, 2012 - 05:02
प्रेम म्हणजे काय मजला सांगते नसणे तुझे
जाणवे हर एक श्वासा अंतरी असणे तुझे
रातराणीच्या फुलांच्या गंधभरल्या तारका
पौर्णिमेच्या चांदव्यासम त्यामधे बसणे तुझे
अमृताचा कुंभ तव अधरांवरी का सांडला
अन तयाला रक्षण्या नजरेतुनी डसणे तुझे
सांज येता क्षीण होई हा मनाचा पारवा
ये उभारी त्यास जेंव्हा बरसते हसणे तुझे
मंदिरी आणी मशीदी रोज जागर चालला
जाणले नाही कुणी हृदयामधे वसणे तुझे
गुलमोहर:
शेअर करा
खूप छान! आधीपेक्षा सफाईदार !
खूप छान! आधीपेक्षा सफाईदार ! उत्तरोत्तर प्रगतीच दिसून येते आहे .
पण कुणा का जाणवेना हॄदयी वसणे तुझे>>> इथे जरा गडबड आहे बहुधा( वैयक्तिक मत!!) [हॄ= किति मात्रा हे नकी माहीत नाही म्हणून मला असे वाट्त असावे कदाचित ]
hRoo ऐवजी hRu असे टाईप करा म्हणजे 'हृ' होईल
Good !
Good !
माझीही तीच शंका होती.. हृ
माझीही तीच शंका होती.. हृ र्हस्वच आहे.. पण थोडा दीर्ग उच्चारला तर मात्रा जमतात.. हा दोष टाळायला काही बदल सुचतो का?
hRoo ऐवजी hRu असे टाईप करा
hRoo ऐवजी hRu असे टाईप करा म्हणजे 'हृ' होईल
किंवा सरळ "मन्मनी" करा मग काही बघायलाच नको
मन्मनी म्हणजे काय? माझ्या मनी
मन्मनी म्हणजे काय? माझ्या मनी की मनामनात?
माझ्या मनी...........माझ्या
माझ्या मनी...........माझ्या मनी
मम +मनो =मन्मनो या प्रमाणे सन्धी-विग्रह करावा
चालेल. मन्मनी केले. धन्यवाद
चालेल. मन्मनी केले. धन्यवाद
धन्यवाद/आभारी आहे ..इत्यादी
धन्यवाद/आभारी आहे ..इत्यादी इत्यादी............उगीचच औपचारिक वगैरे झाल्यासारखं वाटतंय नै !!!
ओके.
ओके.
जाणले नाही कसे हृदयामधे वसणे
जाणले नाही कसे हृदयामधे वसणे तुझे.... असाही होऊ शकतो
श्वासा, रक्षिण्या, कुणा ...मध्ये शक्यतो शब्दाचे पुर्ण रूप वापरावे...
गझल फुलते आहे.... शुभेच्छा!!!!
बदलले, हाच अर्थ अपेक्षित
बदलले, हाच अर्थ अपेक्षित होता.
छानच
छानच
मस्त.........
मस्त.........
मंदिरी मशिदीत नुसता व्यर्थ
मंदिरी मशिदीत नुसता व्यर्थ जागर मांडला
जाणले नाही कुणी हृदयामधे वसणे तुझे.... हे जास्त योग्य व्हावं (व्याकरण)
वाह्ह शाम जी पर्फेक्ट सुधारणा
वाह्ह शाम जी पर्फेक्ट सुधारणा सुचवलीत.........खूप छान!!
बदलले.
बदलले.
बर आता राहुद्या !! नाहीतर
बर आता राहुद्या !! नाहीतर बदलता बदलता अख्खी गझल बदलावी लागेल मग मूळ गझल पर्यायी होवून जाईल बिचारी...;)!!
(No subject)
वैभव, इतका वेळ नाही आहे
वैभव, इतका वेळ नाही आहे माझ्याकडे... सहज चर्चा वाचून सुचलेलं लिहलं.
जामोप्या,
मंदिरी मशिदीत नुसता व्यर्थ जागर मांडला
जाणले नाही कुणी हृदयामधे वसणे तुझे....
आदबीने स्विकारल्या बद्दल आभारीये.. धन्यवाद!!
सांज येता क्षीण होई हा मनाचा
सांज येता क्षीण होई हा मनाचा पारवा
ये उभारी त्यास जेंव्हा बरसते हसणे तुझे
मंदिरी आणी मशीदी रोज जागर चालला
जाणले नाही कुणी हृदयामधे वसणे तुझे> >>
आवडले शेर
शुभेच्छा
एका ठिकाणी 'मध्ये' असे झालेले आहे तेथे 'मधे' असे हवे आहे बहुधा
गझल फुलत आहे हे नक्कीच
शाम जी तो डायलॉग तुम्हाला
शाम जी तो डायलॉग तुम्हाला नाहीय ; एका "पर्यायी गझलकारा"ला उद्देशून आहे तो!!
शेवटचा शेर आवडला.
शेवटचा शेर आवडला.
सगळेच शेर आवडलेत जामोप्या,
सगळेच शेर आवडलेत
जामोप्या, नवीन नवीन शिकला आहात असे वाटत नाहीये.
पुलेशु
रातराणीच्या फुलांच्या गंधभरल्या तारका
पौर्णिमेच्या चांदव्यासम त्यामधे बसणे तुझे >>> अहाहा!
गझल फुलते आहे....
गझल फुलते आहे.... शुभेच्छा!!!!