रंगीत सिमला मिरचीची भाजी..फोटोसह.

सिमला मिरचीतल्या बिया काढुन फोडी करुन घ्या.
कांदा व टोंमॅटो च्याही बेताच्या फोडी करुन घ्या.
कांद्याच्या फोडीच्या पाकळ्या सुट्या करुन घ्या.
पनीर लांबट आकारात कापुन घ्या.
कढईत तेल तापत ठेवावे.
१ चमचा कॉर्नफ्लोअर मधे पनीरचे तुकडे घोळवुन ,मंद आचेवर ,हलके गुलाबीसर होईपर्यंत तेलात तळुन घ्या.किंचित पिवळसर गुलाबी रंग आला कि पनीरचे तुकडे लगेच काढुन घ्या.तसेच एकावेळी ३-४ तुकडेच तळा.
ही या भाजीची प्राथमिक तयारी आहे.

आता उरलेल्या तेलाची मोहोरी-जिरे व हिंग घालुन फोडणी करा.
त्यात हिरवी मिरची,लसुण,किसलेले आले व कांदा घाला.परता.कांदा कच्चा असतानाच चिरलेल्या मिरच्या व टोमॅटो च्या फोडी,तळलेले पनीर घाला.तिखट,मीठ,धनेपुड घाला एक वाफ येवु द्या.यासाठी २ मिनिटे झाकण ठेवुन पुरतील.कारण मिरची अर्धकच्ची राहिली पाहिजे.
आता उरलेले कॉर्नफ्लोअर पाण्यात कालवुन ते पाणी भाजीत घाला.टोमॅटो केचप घाला.भाजी ढवळा.कॉर्न-फ्लोअर लगेच शिजते.
२-३ मिनिटात थोडीशी रसदार अशी भाजी तयार होईल.
ही अशी दिसली तयार झालेली भाजी..

चिली-पनीर करण्यासाठी भाजीची तयारी केली होती.पण काल घरी जेवायला आलेल्या दोघा मध्यमवयी आप्तांपैकी एकाना सोया सॉस /चिली सॉस वर्ज होते पण टोमॅटो केचप चालणार होते.त्यामुळे सिमला मिरचीची ही भाजी आवडली.हिंग-जिरे-धणेपुड ची किंचित चव मस्त लागली.ही भाजी तिखट,मसालेदार ही नव्हती सौम्य चवीची पण आलेल्यांसाठी वेगळ्या चवीची झाली होती.त्यामुळे इथे लिहीण्याचा प्रयास केला आहे.