खंत

खंत

दिवस निघून हि गेला तरी
तुझी आठवण काही जात नाही
उद्या परत भेटणार आहेस तरी
हृदयातील घालमेल काही थांबत नाही

तू सतत नजरे समोर असतेस
तेंव्हा ओठांना शब्द सुचत नाही
तू नजरे आड होताच
डोळ्यातील अश्रू काही थांबत नाही

तुझे माझ्या आयुष्यात असणे
बरेच जणांना रुचत नाही
बोचरे काटे असतात म्हणून
कोणी गुलाब फुलवायचे थांबत नाही

आपण एकमेकांसाठी जगाव
हे नियतीला मान्य नाही
विरहाची जाणीव असते तरी
कोणी प्रेम करायचे थांबत नाही
कोणी प्रेम करायचे थांबत नाही