समीकरण

Submitted by आनंदयात्री on 27 March, 2012 - 04:58

समीकरणाच्या दोन्ही बाजू समान झाल्या
की त्याला 'इक्वेशन सॅटीस्फाय' होणं म्हणतात...
कुठलीही एक बाजू वरचढ झाली की
समीकरण संपतंच!
समीकरण अस्तित्वात आल्या दिवसापासून
ते 'सॅटीस्फाय' व्हावं म्हणून माणूस
त्या 'क्ष' ला शोधतोय - अजूनही सापडत नाहीये!

नात्याचंही समीकरणासारखंच की!
नात्यामधला 'क्ष' तरी कुठं सापडलाय अजून?

फरक फक्त एवढाच आहे -
समीकरणामधल्या 'क्ष'चा शोध येणार्‍या पिढ्या
तितक्याच आतुरतेने घेत राहतील जगाच्या अंतापर्यंत!
नात्यामधल्या 'क्ष'चा शोध कुणाच्याही
इच्छा-अनिच्छांना न जुमानता थांबेल - प्रत्येकाच्या अंतापाशी!

- नचिकेत जोशी
(ब्लॉगवर प्रकाशित - http://anandyatra.blogspot.in/2012/03/blog-post_20.html)

गुलमोहर: 
कविता
शब्दखुणा: 
आनंदयात्री
क्ष
समीकरण
शेअर करा

क्या बात है.... कविता मस्तच झालीय ...
सहज गंमत म्हणुन आठवलं.....
" Dear Math..... I am sick and tired of finding your 'X' for last five years ... you better forget it now and move on..." Happy

Submitted by Girish Kulkarni on 27 March, 2012 - 06:57

नात्यामधल्या 'क्ष'चा शोध कुणाच्याही
इच्छा-अनिच्छांना न जुमानता थांबेल - प्रत्येकाच्या अंतापाशी!>>>>नाही पटल रे Sad
बाकी छान लिहली आहेस Happy

Submitted by अंकु on 31 March, 2012 - 01:36

फरक फक्त एवढाच आहे -
समीकरणामधल्या 'क्ष'चा शोध येणार्‍या पिढ्या
तितक्याच आतुरतेने घेत राहतील जगाच्या अंतापर्यंत!
नात्यामधल्या 'क्ष'चा शोध कुणाच्याही
इच्छा-अनिच्छांना न जुमानता थांबेल - प्रत्येकाच्या अंतापाशी!
शेवट आवडला.

सॅटिस्फाय? इंग्रजी शब्दांनी जरा चव गेल्यासारखे झाले.

Submitted by निनाद on 31 March, 2012 - 06:33