कितीक प्रश्न...

Submitted by तुषार जोशी on 25 March, 2012 - 00:09

तिला विचारण्यास मन सदैव भीत राहीले
कितीक प्रश्न का असे अनुत्तरीत राहिले?

पुन्हा पुन्हा वळून काल काय पाहिले तिने,
खुळ्या मनास काय जाण? ते खुशीत राहिले

कसे कळायचे तिला तिच्याविना नको जिणे
अबोल चित्त नित्य याच काळजीत राहिले

तिने दिला गुलाब लाल कोणत्या तरी दिनी
सुगंध कोवळे अजून ओंजळीत राहिले

कधीच 'तुष्कि' तू तिला विचारले, न जाणले
तिच्या मनातले गुपीत ठेवणीत राहीले

~ 'तुष्की'

+९१ ९८२२२ २०३६५
२५ मार्च २०१२, ०१:००

गुलमोहर: 
मराठी गझल
शब्दखुणा: 
तुषार जोशी
नागपूर
तुष्की
शेअर करा