कवितेची कविता

मला वाटले एकदा, आपणही करावी कविता |
कोण जाणे हे कवी, कश्या करतात कविता |
बहु केली चिरफाड, शब्दांची |
तरी कविता होईना, चार ओळींची |
एक एक अक्षर,जुळवताना |
करत होतो कसरती नाना |
शब्द जुळवताना, अर्थ काही साधेना |
अर्थ साधला तर, शब्द काही जुळेना |
ओळींमागे ओळ, लिहित होतो |
वाचल्यानंतर लगेच खोडीत होतो |
(मग माझ्या लक्ष्यात आले )
कविता ह्या ओढून ताढून, करायच्या नसतात |
त्यातर अंतस्फूर्तीने, आपोआपच उमटतात |