२ ऑक्टोबर ०६ चा सिंहगड

पावसाळा संपला, ऑक्टोबर आला पण ऑक्टोबर हिट अजून सुरू झाली नव्हती,
२ तारखेला अनायसे सुट्टी आली म्हणून सिंहगडावर जाऊ असं ठरलं. निघताना
पावसाचा मागमूसही नव्हता... पोचलो तेव्हा वातावरण असं होतं.....

क्षणात कुठूनसा एक मोठ्ठाच्या मोठ्ठा ढग वेगाने आमच्याकडे सरकताना दिसला...
मग चित्रं थोडं बदललं आणि वातावरण किंचित अंधूक झालं....

जसा जसा ढग जवळ यायला लागला तसा तसा हवेतला गारवा वाढला, ढग जेव्हा
अगदी जवळ आला तेव्हा, आमचे कपडे आपोआप् भिजायला लागले, आणि
मुसळधार पाऊस सुरू झाला... अंधार आणि वारा प्रचंड होता, एक क्षण वाटलं आता आपण उडून जातोय की काय?....

मोजून २ ते ३ मिनिटं पाऊस पडला, ज्या वेगाने ढग आले त्याच वेगाने भिजवून परत ही गेले. वातावरण स्वच्छं झालं, मावळतीचा सुर्य पुन्हा दिसायला लागला...