निसर्गाच्या गप्पा (भाग - ५)

जिप्सी, या बाफवर असले फोटो टाकणे हा दंडनीय अपराध आहे. असा गुन्हा पुन्हा घडल्यास एक महिना कॅमेर्‍याशिवाय रहायची शिक्षा किंवा / आणि मेनलँड चायना / स्पगेटी किचन यातल्या एका ठिकाणी पार्टी (देणे) अशी शिक्षा होइल याची नोंद घ्यावी.

कबुतर जा जा जा .... हुर्र... हुर्र.. पांढरे असते तर ठीक होते.. साधना कुठे आहे? तिला भारी आवडतात कबुतरे...

आमच्याकडे पण कबुतरांनी नुसता त्रास देऊन ठेवला होता. एका खोलीत आत येऊन लाकडी कपाटावर घर करायचा प्रयत्न करायचे. आमच्याकडे चिमण्या आहेत भरपूर पण कबुतरे खूप कचरा करून ठेवतात म्हणून शेवटी हुसकून लावले..

हे बघा काही फोटो आमच्याकडच्या चिमण्यांसाठी लावलेले फिडर आणि घरे..

आता असे अजून एक फिडर लावलंय. पावसाळ्यात किमान ५० चिमण्या खिडकीवर बसून चिव चिव करतात. आम्ही जवळ असलो तरी घाबरत नाहीत आता. ह्यावेळी फोटो घेणार काही त्यांचे..

ह्यात एका चिमणीने घर केले होते.

हे गच्चीतले फिडर आणि त्यांचे घर.. इथे खायला उड्या पडतात पण अजून राहायला कोणी आलेले नाही...

धन्यवाद शशांक.

हे गुरुशिखर येथले एक फुल... तिथे आख्खी चादर पसरली होती ह्यांची..

हजारावी पोस्ट !!

सेनापती, चिमण्यांची घरे मस्तच. फिडरमधे बाकीचे पक्षी पण येतील.

जागू त्याला पांढरी फुले येतात. (गाजर, बडीशेप या कूळातले झाड आहे ते.)
ते फळ मात्र मी नाही खाल्ले कधी. पुढच्या वेळी फळाच्या गराचा फोटो हवा.

चिमणीचे घर छान आहे.

जागू.. चिमण्या इतक्या सरावल्यात ना की कधी खायला टाकायला विसरलो तर चिवचिव करून आठवण करून देतात. आम्ही बाहेरच्या किंवा आतल्या खोलीत दिसलो नाही की बरोबर किचनमध्ये खिडकीवर येऊन चिव-चिव करून बोलावतात. हे असे अनेकदा होते. मग त्यांच्याशी बोलून त्यांना बाजरी दिली की काय खुश्श ..

फिडरमधे बाकीचे पक्षी पण येतील.

>> अहो दा.. शमीका सांगत होती की हल्ली एक खार येऊन बसते. फिडर मध्ये बसून मस्त बाजरी खाते. तिच्यासाठी आता बाजूला नट्स ठेवलेत शमिकाने.

मी एकदा आमच्या बाल्कनीसमोर नवल बघितले होते. कोळ्याने जाळे विणले होते आणि चांगला गलेलठ्ठ झाला होता. एक शिंपी पक्षी त्याचे निरीक्षण करुन गेला. मग एक चिमणी आली तिने तो कोळी खाल्ला. मग शिंपी आला आणि त्याने ते जाळेच ओढून नेले. त्यातल्या धाग्याच्या मदतीने त्याने, जंगली बदामाचे पान शिवले, आणि घरटे केले.
म्हणजे त्या शिंप्याने, चिमणीला सांगितले असेल का, कि तो कोळी खा, म्हणजे मला धागा मिळेल ?

इथे केनयात एक पक्षी असतो. तो इथल्या लोकांना मधाच्या पोळ्याकडे घेऊन जातो. त्याला स्वतःला मध हवा असतो, पण झाडाच्या ढोलीत तो शिरत नाही. ते काम तो माणसांकडून करुन घेतो. पोळे दाखवल्याबद्दल त्याचा वाटा त्याला द्यावाच लागतो. नाही दिला तर तो पुढच्यावेळी मुद्दाम दिशाभूल करुन, अलगद एका जंगली श्वापदाकडे नेतो. (ही दुसरी शक्यता केवळ समज असावा, सहसा त्याचा वाटा त्याला दिला जातोच.)

जागू.. गेल्या ६-८ महिन्यात पोपट आणि साळूंख्याची संख्या लक्षणीय वाढली आहे आमच्यायेथे. काही भारद्वाज पाठव इथे.. मी हवंतर चिमण्या पाठवतो..

वा जिप्सी, मस्त फोटो.

दिनेशदा, ही मिलटरी झाडं फ्रान्समध्ये कान ला जाताना चिक्कार दिसली. लारानं त्यांना जिगसॉ पझल ट्री असं नाव दिलं. अपना अपना नजरिया!

हे फ्रान्समधलं झाड :

ही एका घरावर चढलेली आयव्ही :

ही मुसंबी लगडलेयत. अक्षरशः ढिगानी होती. कोणी ढुंकून बघत तरी होतं का त्यांच्याकडे देव जाणे.

हे तिथल्या बाजारातले विविध आकाराचे भोपळे. तो पांढरा भोपळा तर इतका गोड दिसत होता ना. त्याला बघून 'बेलुगा' चीच (पांढरा देवमासा) आठवण येत होती.

फ्रान्समधल्या माँटपालिये नावाच्या गावाजवळ जमिनीखालच्या गुहातून नैसर्गिक आकार निर्माण झाले आहेत. फोटो खूप छान आले नाहीत कारण फारच काळोखी होतं. आणि प्रत्यक्ष पाहताना जो अनुभव येतो तो कॅमेरात काही केल्या पकडता आला नाही. पण उदाहरणादाखल हे बघा.

आणि हा एक निसर्गाचा चमत्कार. परतीच्या प्रवासात आमच्याच विमानाची सावली अशी पडली होती. (आधी टाकलाय का हा फोटो?)

मामी.. फोटो मस्त.. शेवटचा फोटो सही.. मी बघितली आहे अशी सावली १-२ वेळा.. पण फोटो नाही काढला कधी..

इथे पहिल्यांदाच आलेय... एव्हड्या पोस्टी बघुन यायचा धीरच व्हायचा... आत्ताही सगळ्या पोस्टी नाही बघितलेल्या, पण साधारण २००-२५० बघितल्या असाव्यात...

मस्त आहे ही जागा आवडली...

सर्व निग. प्रेमींचे अभिनंदन!
जिप्सी, सेनपती, मामी, मस्त फोटो.
जागू, अबोलीची फुलं काय सुंदर दिसतायत ग. मस्त.

चिमुरी, सुस्वागतम्!

धन्यवाद जागु, शोभा...

निग-१ वाचायला सुरुवात केली आहे... इथे नियमीत लिहिणार्‍या सगळ्यांना खूप खूप धन्यवाद

मामे, एकसे एक फोटो. इतके दिवस का नाही टाकले ?

त्या गुहांमधे सहसा फोटोग्राफी नाही करु देत. आणि ते स्तंभ तसे नाजूकही असतात. आपल्या श्वासानेही त्यांचे नुकसान होऊ शकते. (निव्वळ फोटो काढू देत नाहीत, या कारणासाठी माझे वायटामो ग्लो वर्म गुहेत जाणे झाले नाही.)

आणि ते विमानाचे इंद्रवज्रच की. मला पण दिसले होते, पण फोटो काढायचा राहिला. पॅसिफिक वर भयानक टर्ब्यूलन्स होता.

त्या मोसंबी का लिंबू ? नायजेरियात पण भरपूर दिसतात. तिथे मिळतात तशा गोड रसाळ मोसंबी मी कुठेच खाल्ल्या नाहीत. पाणी पिण्यापेक्षा मोसंबी खात असू आम्ही. तिथे मोसंब्याचे वरचे पिवळे साल तासून, वरची चकती कापून, चोखून खाल्ली जाते. मस्त लागते तशी.

आणि ते भोपळे गोडच कि. (दोन्ही अर्थाने) आपल्याकडेच खप कमी झालाय. त्यांच्याकडे बेक करुन, उकडून, पाय करुन अनेक प्रकारे खातात.

आणखी असतील तर अवश्य टाक, फोटो.

सेनापती भारद्वाजना द्यायला अ‍ॅडरेस द्या.

>>>>संपर्कातून कळवतो... त्यांना उडत पाठवणार की आपण घेऊन येणार? तुम्हीच या म्हणजे आमची बाग देखील बघाल..