कवडी पाट, हडपसर, पुणे

मागील शनिवारी हडपसर पासून जवळच असलेल्या 'कवडी पाट' येथे जाऊन आलो. पक्षीनिरिक्षणासाठी येथे बर्‍यापैकी हौशी लोक येतात. त्याचबरोबर इथला सूर्योदय देखील अनुभवण्यासारखा आहे.

जाण्याचा मार्ग -> पुणे-हडपसर-लोणी-कवडी
हडपसरहून अंतर – अंदाजे ६-७ किमी
शक्यतो पहाटे लवकर पोहोचण्याचा प्रयत्न करावा. सूर्योदयाच्या अथवा सूर्यास्ताच्या आसपासचा काळ फोटोग्राफीसाठी सर्वोत्तम. तसेच पक्षीदर्शन ही होते मस्त पैकी.

हडपसरपासून सोलापूर रोडमार्गे सरळ हायवे वरुन गेल्यानंतर पहिला टोल नाका लागतो. तो ओलांडल्यावर लगेच डावीकडे एक सर्विस रोड लागतो, त्यावरुन अर्ध-पाउण किमी गेल्यावर डावीकडे "कवडी पाट" चा बोर्ड लागतो तिकडे वळल्यावर सरळ जायचे. मध्ये एक रेल्वे फाटक लागते. तिथून १ किमी वर कवडी गाव लागतो. तिथेच शाळेसमोर पार्किंग करुन समोर असणार्‍या पूलावरुन संपूर्ण परिसराचे सुंदर दर्शन होते. आम्ही सूर्योदयाच्या आधीच गेलो असल्यामुळे संपूर्ण पात्रावर धुक्याचे लोट वाहताना दिसले.

हा पूल ->

प्रचि १

सूर्योदय होण्यापूर्वी ->

प्रचि २

धुक्याचा प्रवाह

प्रचि ३

सूर्यदेवाचं आगमन होताना

प्रचि ४

प्रचि ५

साधारणतः सूर्योदय झाल्याझाल्या पक्षांचे आगमण, प्रवास आदी क्रियांची सुरूवात होते. माझ्याकडे झूम लेन्स नसल्यामुळे काही फोटो क्रॉप करुन पक्षांच्या फोटोंचे समाधान मानून घेतले. बदक, खंड्या, बगळा सोडले तर बाकीचे पक्षी काय ओळखता आले नाहीत मोराचे केकाटणे ऐकू आले पण दर्शन नाही झाले. त्यात मुळा-मुठा मधल्या प्रचंड प्रदूषणामुळे कवडीच्या पाटात स्थलांतर करून येणाऱ्या पक्ष्यांचे प्रमाण खूपच कमी झालेय असे लोकांकडून ऐकले होतेच पण आज दिसले.

प्रचि ६

प्रचि ७

बगळा (प्रचि ८)

खंड्या (प्रचि ९ )->

प्रचि १०

या बदकाच्या जातीचे नाव लक्षात नाही

प्रचि ११

प्रचि १२

प्रचि १३

हा पूल ओलांडून पलीकडे झाडांच्या भागात गेला की आणखी पक्षी दिसतात.

प्रचि १४

प्रचि १५

पक्षी काय कॅमेरात सापडत नव्हते म्हणून फुलांवर हौस भागवून घेतली.

प्रचि १६

प्रचि १७

मंदिराजवळ असलेल्या विहिरीत सुगरणीचे खोपे.

प्रचि १८