असा मी तसा मी भाग-२

Submitted by अविनाश खेडकर on 15 November, 2011 - 12:56

सत्तेच्या त्या खुर्चीसाठी
सगळेच कसे खेळ खेळतात
शेंडीवाले ब्राम्हणही आता
सुंथेवाल्याच्या पायी लोळतात
............................................................

तु निघुन गेल्यावर
नेहमिच असं घडणार
डोळे कोरडे ठेवतांना
मन मात्र रडणार
..............................................................

आठवतय मला अजून
झुल्यावर आपण झुललेलं
तुझ्या अधरावर होतं
प्रेमगीत खुललेलं
...............................................................

गावकुसाच्या वडाची
पाने असतात झडलेली
जशी गावातील माणसचं
म्हसणवाट्यात गाडलेली
...............................................................

ध्येय आणि प्रयात्नासोबत
दिशा जेंव्हा ठरवतो
एक शुद्र कासव मग
सशालाही हरवतो
..............................................................

कोणीतरी ओळखावं म्हणून
आपण सगळ करत असतो
किर्तीच्या मोहापायी
रात्रन् दिवस झुरत असतो
............................................................

रोजगार हमीच्या कामात
शासनाने कहर केला
तरुणपणी काम केलं
म्हातारपणी पगार झाला
...............................................................

आपण लावलेले आंबे
यंदा खूप मोहरले पण
तु दुखावलेले मन
आणखी नाही सावरले
...............................................................

आपल्या पहिल्या भेटिचा प्रसंग
अजुन मनात लपलाय
तु चुकून दिलेला गुलाब
मी आत्तापर्यंत जपलाय
..............................................................

गुलमोहर: 
कविता
शब्दखुणा: 
भाऊबाबा
शेअर करा

मस्त आहेत...........

आवडल्या.................

Submitted by सुन्या on 16 November, 2011 - 08:23