होकार

शाळेत असतांना एक मुलगी मला चोरून बघायची
तिच्या अश्या बघण्याची मला सवय नसायाची

एकटं-दुकटं दिसलं कि हसायची कारण नसतांना
तिचं अस वागणं कळलं, आमच्या सार्‍या दोस्तांना

डब्यातील जेवनावरून ओळख आमची वाढली
एक दिवस तिनं मला चिठ्ठी एक धाडली

चिठ्ठींमधील शब्द होते भलतेच करारी
एका क्षणात मनाने घेतली आकाशात भरारी

दुसर्‍या दिवशी माझी शाळेची बस चुकली होती
सुन्या म्हणाला दिवसभर ती तुलाच शोधत बसली होती

परत शाळेत गेल्यावर ती उदास-उदास दिसली
मला नाही कळलं मैना का बरं रूसली?

खेळाच्या तासाला सर म्हणाले मैदानावर चला
गुपचुप तिच्या मैत्रिनिने मला एक निरोप दिला

मी वर्गात गेलो तेंव्हा ती एकटीच होती
इतिहासाच्या वहित गणित सोडवित होती

मला समोर पाहताच ती जराशी बावरली
खोटं-खोटं हसून दुसर्‍या क्षणी सावरली

आमचं असं बसण मला सिनेमासारखच वाटलं
हळूच म्हनली ती कालच उत्तर नाही भेटलं?

तिच्या या प्रश्णाने माझे रोम-रोम पेटले
जवळ ओढत तिला मी ओठांवर ओठ टेकले

माझ्या या कृत्यानं ती लाज-लाज लाजली
जवळ येत हर्षाने छातीलाच बिलगली

माझ्या-तिच्या प्रेमात तिचा पत्ररूपी पुढाकार होता
तिच्या मनातील प्रितीला माझा तिच्या आधीच होकार होता