जॅकरन्डा

पहिल्यांदा बघितलं तेंव्हा मी हरखुन गेलो होतो. आपल्या कडे गुलमोहोर फुलल्या वर जसे संपुर्ण झाड
लाल लाल दिसते तसचं पण निळ्या/परपल रंगात.

या दिवसांत जोहनसबर्गच्या रस्त्यांवरुन फिरतांना निळ्या फुलांनी मोहरलेली जॅकरन्डा (Jacaranda) ची झाडे तुमचं लक्ष वेधुन घेतात.

जॅकरन्डा आणि माबोकरांची भेट घडवण्याचा मोह आवरला नाहि म्हणुन हा खटाटोप.

जॅकरन्डा बद्दल खालिल माहिती आंतरजाला वरुन साभार.
-----------------------------------------------
दक्षिण अमेरीकेचा ट्रोपिकल आणि सब ट्रोपिकल (मुख्यत्वे अर्जेंटिना, ब्राझिल, पेरु आणि उरुग्वे) हा भाग जॅकरन्डाचे उगमस्थान आहे. नंतर तो ऑस्ट्रेलिया, न्युझिलँड, भारत, फिजी आणि अफ्रिकेच्या काहि भागात पसरला.
जगभरात मिळुन जॅकरन्डाच्या ४९ जाती आढळतात. लहान झुडुप ते मोठ्ठे झाड अशा विस्त्रुत प्रकारात. दक्षिण अफ्रिकेत ते दिसतात झाड रुपात. पाचं पाकळ्या मिळुन जॅकरन्डाचे एक फुल बनते. निळा हा मुख्य रंग असला तरी काहि जातित या पाकळ्या पांढर्या रंगाच्या पण असतात.

दक्षिण अफ्रिकेचि प्रशासकिय राजधानी प्रिटोरीया "सिटि ऑफ जॅकरन्डा" म्हणुन ओळखली जाते. संपुर्ण शहरात, रस्त्याच्या दुतर्फा आणि पार्क मधे जॅकरन्डाच्या झाडांची भरपुर लागवड केली आहे.
ओक्टोबर्/नोव्हेंबर च्या दरम्यान आजुबाजुच्या टेकड्यांवरुन जर तुम्हि प्रिटोरीया शहरावर नजर टाकलित तर संपुर्ण शहर निळी दुलई पांघरल्याचा भास होतो.

जॅकरन्डाचा मुख्य उपयोग शोभेचि झाडे म्हणुन जरी केला जात असला तरी त्याचे ईतरहि उपयोग आहेत. जसे ब्राझेलियन जॅकरन्डाच्या लाकडाचा उपयोग एकोस्टिक गीटार बनवण्या साठी करतात तर दक्षिण चिन मधे जॅकरन्डाच्या पानांचा उपयोग निळ्या रंगाचा डाय बनवण्या साठी करतात.
----------------------------------------------------------------------------
प्रकाशचित्रे:

जॅकरन्डा माझ्या नजरेतुन - रिपब्लिक रोड, जोहनसबर्ग

खालिल प्रकाशचित्र आंतरजाला वरुन साभार:

जॅकरन्डा - १२ मुख्य रस्ता, बेंगलुरु, भारत ()