माझी कविता-९: मनपाखरू........

या मनाचं सालं काही समजत नाही
जडल कुणावर काही उमगत नाही

लाल हिचे गाल कधी
लांब तिचे केसा कधी
घारे हिचे डोळे कधी
गोरा तिचा रंग कधी

भावल कुणाच काय नेमच नाही
या मनाचं सालं काही समजत नाही

जाईल तिथं घात करील
दिसेल तिला डोळा मारील
ही आली, धड-धड झाली
चाल तिची तुडवून गेली

कुठ काय कधी होइल नेमच नाही
या मनाचं सालं काही समजत नाही

आज पहा हिच्या प्रेमात
उद्या पहा तिच्या नादात
आज म्हणे "ही चांगली"
उद्या म्हणे "तीच बरी"

एकीवर पक्कं कधी बसताच नाही
या मनाचं सालं काही समजत नाही

-अशोक