मी आहे!!

Submitted by मंदार-जोशी on 31 August, 2011 - 04:22

तुझा निरोप घेऊन
तीनदा 'येतो गं' म्हणून
जड पावलांनी मी निघालो
हळूच माझ्या मागे येऊन
खांद्यावर हात ठेऊन म्हणालीस...
"मी आहे!"

पाठ वळताच भयाण पोकळी जाणवू लागली
तुझ्याविना जगाची तसवीर मला भिववू लागली
जलतरंगाचा नाद व्हावा असा तुझा आवाज
पुन्हा कधी ऐकायला मिळेल
असं वाटू लागलं, तेव्हा
फोन आलाच तुझा, म्हणालीस...
"मी आहे!"

घरी आलो, अगतिकपणे बसलो खिडकीत
गाडी सुटली असेल का तुझी, असा खिन्न विचार करत

श्रावणातला ऊन-पावसाचा खेळ चालला होता बाहेर
धावत येऊन तुला भेटण्याची ओढ दाटून आली
तुझा मेसेज आलाच, "मी निघालीये रे..."

वाटलं कळवावं का तुला,
गर्दीत आहे, सार्‍यात आहे... पण एकटाच मी!

आणि नकळत, माझ्याच आतून आला गं आवाज....

आश्वासक...

"मी आहे रे, मी आहे!!"

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
ब्लॉगवर पूर्वप्रकाशित
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

गुलमोहर: 

छान Happy

मंदार, काही वर्षापुर्वी मी एक इमेल वाचले होते त्याची आठवण झाली..
त्यात, 'तुला जेव्हा माझी गरज भासेल मी तुझ्या सोबत असेन...' वैगरे वैगरे..
तसेच काहीसे वाटले..
बाकी छान रचना आहे..

तुझा मेसेज आलाच, "मी निघालीये रे..."

वाटलं कळवावं का तुला,
गर्दीत आहे, सार्‍यात आहे... पण एकटाच मी!

"मी आहे रे, मी आहे!!" >> "जान लेवा" लिहलं आहेस रे मंद्या......आणखी काहीच बोलत नाही!!!

वाटलं कळवावं का तुला,
गर्दीत आहे, सार्‍यात आहे... पण एकटाच मी!

आणि नकळत, माझ्याच आतून आला गं आवाज....

आश्वासक...

"मी आहे रे, मी आहे!!">>>> मस्तंच.. आवड्ली..:)

Mandar, Great
Be yourself; everyone else is already taken, Its better than flocci­nauci­nihili­pili­fication

माझ्यासारख्या बयोवृद्ध मनुष्यालाही प्रेमाचे अंकुर फुटावेत इतकी ताकद आहे तुमच्या या प्रेमकवितेत. नक्कीच मोही प्रेरणा, साधना असेल यामागे.
अजूनही लिहीता का तुम्ही अशा प्रेमकविता ?

अप्रतिम... मस्तच!!!
श्रावणातला ऊन-पावसाचा खेळ चालला होता बाहेर
धावत येऊन तुला भेटण्याची ओढ दाटून आली>>> भारी Happy

Pages