पाककृती हवी आहे. माहिती आहे का? -१

अमेरिकेत पोहे अजिबात चांगले मिळत नाहीत आणी मला फक्त तेच चांगले बनवता येत होते भारतात होतो तेंव्हा..

ईकडे २ प्रकारचे पोहे मिळतात .. POHA THIN and POHA THICK

POHA THIN -- पाण्यात किती वेळ भिजवु तेच कळत नाही(१,२,३ मि .. ट्राय केले) .. एकदम चिखल होतो ,, मग त्या चिखलाचे समोसे/वडे करावेसे वाटतात ..

POHA THICK-- पाण्यात कितीपण वेळ भिजवले तरी हे पोहे कडक होतात.. एकदा जाम चिडलो.. ह्य पोह्याला जवळ्पास १०-१५ मि. भिजवले.. थोडे ठिक भिजल्यासारखे वाटले.. पण सगळे रबरा सारखे झालेले :(...

हा एकच माझ्या आवडिचा पदार्थ आहे जो मला बनवता येतो आणी सिंगल असल्यामुळे हॉटेल शिवाय पर्याय नाही ऊरत बाकीच्या डिशेश साठी :(...

कुणाकडे काही आयडिया असतील तर जरुर कळवा

किशोर, कांदेपोह्यांसाठी पोहा-थिक हेच पोहे वापरा किंवा मिडीअम मिळतात का ते पहा. जाडे पोहे असतील तर चाळणीमधे न भिजवता पातेल्यात पाणी घालून आपण तांदूळ धुतो तसे धुवा/भिजवा. पाणी किंचीत राहिले तरी हरकत नाही.

जर पातळ पोहे असतील तर दडपे पोहे, लावलेले पोहे असले प्रकार करता येतात.

पातळ पोह्यांना फक्त पाण्याचा हबका मारत भिजवायचे तेही जस्ट फोडणित घालायच्या आधी.

क्रोसंट्स घरी बनवता येतात का? येत असतील तर कृती माहीत आहे का?

ज्वारीच्या लाह्यांचे काय करतात? चिवडा करता येईल का? आणखिन काय काय करता येईल?

ज्वारीच्या लाह्यांचा चिवडा मस्तच होतो. लाहीपीठ करुन- दूध-साखर घालून किंवा ताक-मिरची घालून मस्त लागते.

लाह्यांच्या पीठाचे लाडूही होतात छान आणि गोकुळाष्टमीला करतात तसा लाह्यांचा गोपाळकालाही करता येतो, दही, मिरची, लोणच्याचा खार, पोहे वगैरे घालून. तसेच आटवलेल्या दुधाला उकळी आणून त्यात साखर, वेलदोडा पूड व लाह्यांचे पीठ घालून खीरही बनवता येते.

गोपालकाला... धन्यवाद अकु.. मिनोती चिवडा नक्की करते आहे. नेहेमीच्याच चिवड्याच्यासारखाच न??

आंब्याच्या रसाचं काय करता येइल? शक्यतो जास्त साखर न घालता.

आंब्याच्या रसाची शंकरपाळी छान होतात!! कृती हवी असल्यास सांग मी टाकते !!

मँगो-शेक्,मँगो-लस्सि,मँगोपाय सगळ्या रेसिपी आहेत इथेच..

खुप जास्त रस उरला असेल तर तो आटवुन ठेव. घट्ट गोळा होईपर्यंत. पाण्याचा अंश निघुन जायला पाहिजे. हा आटवलेला रस नंतर बर्फी, पेढे, आंबा आईस्क्रिम, आंबा पोळी वगैरे साठी वापरता येतो. टिकतो ही खुप दिवस. नुसता खायला पण मस्त लागतो

Thank you Arundhati and Priti. ५ वाट्या तान्दुळ बरोबर झाला.

आंब्याच्या रसाची शंकरपाळी >> क्रुती द्या प्लिझ

आटवायचा कसा? ग्यास वर?

कस्टर्डची रेसिपी द्या

आटवायचा कसा? ग्यास वर?<<< हो. किंवा मी स्लो कुकर मधे करते. लोएस्ट सेटिंगवर ठेवते. मधे मधे फक्त स्पॅत्युलाने बाजुने स्क्रेप करायचा. बाकी काहिही लक्ष ठेवाव लागत नाही. मस्त घट्ट गोळा जमतो.

माझ्याकडे ओटस , सोयामिल्क , भरपुर आहे. ते सम्पवण्यासाठी काय करता येइल?
सोयामिल्क आणि ओटस मिक्स कोणाला आवडत नाही खायला. ते मलाच सम्पवावे लागते. ह्याच्याव्यतिरिक्त अजुन काही करता येणार असेल तर सान्गाल का?
सोयामिल्क नुस्ते प्याय्ला पण आवडत नाही. काय करु????

निर्मयी, लोण्यावर आवडीच्या भाज्या परतून (बटाटा, कांदा, गाजर इ.) त्यात सोयामिल्क घालून उकळायचे, मीठ, मिरपूड घालून सूप बनवायचे.

केळी, चिक्कू वगैरे फळे वापरून त्यांना सोयामिल्कबरोबर ब्लेंडरमधून काढायचे (साखर/ मध आवश्यक वाटल्यास) व मिल्कशेक करायचा.

सॉयमिल्क वापरून कढीची रेसिपी अलीकडे इथे वाचली:
http://evolvingtastes.blogspot.com/2010/01/soy-milk-kadhi.html

मी करून नाही पाहिली, पण वाचून तरी बरी लागेल असं वाटतंय.

सखीने लिहीलेली रेसिपी मी करुन पाहिली आहे. छानच होते. नक्की करायला हरकत नाही.

बेळगावचा कुंदा अर्धा किलो आहे. त्याचे काय करता येइल ?

जयु, इथे पाठवुन दे

जयु, कुंदा हाताने बारीक कुस्करुन त्याचे सारण भरुन मस्त कुंदा पोळ्या होतात.
कुंदा फारच तुपकट असेल तर त्यात थोडा भाजलेला खवा घाल आणि एकदा परतुन घे. आणि मग आपण खव्याच्या/सांज्याच्या पोळ्या करतो तश्या कर

कुंदा संपवायचा कसा हा विचार करावा लागतो?? खराच मलाही चालेल. पाठवुन द्या

बेळगावचा कूंदा. मस्तच. मलपण थोडा.

कुंदा वापरून खीरपण बनवता येईल.

सगळ्यांना पाठ्वते ,पण final product मला पाठ्वा म्हणजे झालं....
प्रतिसादाबद्दल थन्क्स .

घरि गोड्खाउ कुणि नाहि. पण गुलाबजाम मधे घालता येइल काय ?
पोळ्या करुन बघते.

गुलाबजाम मधे नको. अगदीच जास्त असेल तर बटाट्याच्या रस्सा भाजीत टाकता येईल.

लसणीची पात घालून चटणी / ठेचा / कोशींबीर टाइपचे पदार्थ काय करता येतील ?

मेधा, सिंडिने मिरचीचा ठेचा वगैरेमधे दिली आहे बघ काही रेसिपी लसणाची पात घालून.