भोवताली आज माझ्या दांभिकांचा गाव आहे

Submitted by विशाल कुलकर्णी on 21 April, 2011 - 07:50

भोवताली आज माझ्या दांभिकांचा गाव आहे
कोण नाही चोर? जो तो भासवी "मी साव आहे!"..

देव तो माझाच होता, माणसांची साथ होती
राहिलो ना तोच मी पण सभ्यतेचा आव आहे...

आरशाला सांगतो मी रोज गोष्टी वंचनेच्या
काळजावर आजही माझ्या पुराणा घाव आहे...

जोडली होती न तेव्हाही कधी नाती सुखांशी
आजही "आहे सुखी मी" हाच खोटा भाव आहे...

सोडले आहे कधीचे माणसांना शोधणे मी
ना कुणाची आस आता, ना कशाची हाव आहे!

विशाल...

गुलमोहर: 
मराठी गझल
शब्दखुणा: 
व्योमगंगा
शेअर करा

Pages