मी जाताना उरेल काही

Submitted by कल्पी on 16 April, 2011 - 14:01

मी जाताना उरेल काही
काही अधिक ,काही उणे
नकोस धुवु धुणे वेडे
दु:खाचे ते रडरड गाणे

तप्त निखारे डोक्यावरती
घेउन जेव्हा मी चाललो
राख त्याची तु अंगावरती
घे असे ,मी नाही बोललो

बागेमधली फ़ुले सुगंधी
फ़ुलली झुलली या फ़ांदीवरती
येउ दे ना हास्य "लकेरी"
गोड लोभस चेह-यावरती

जरी चाललो मी येथुनी
श्वास तुझाच मी बनलो आहे
बंध रेशमी युगायुगाचे
तुझ्याय रुजले , विणले आहे

कल्पी जोशी

गुलमोहर: 
कविता
शब्दखुणा: 
चंद्रपूर
शेअर करा