हे सकलमतिप्रकाशिनी.....

Submitted by पुरंदरे शशांक on 1 February, 2011 - 22:14

हे सकलमतिप्रकाशिनी......

तारकात तूचि दिप्ती कला शशिची दाविसी
प्रकाशू दे मति मदीय ठाव देई मानसी

धरेवरि नभातही विहरसी मनस्विनी
शब्दवस्त्र लेऊनि कधि होई हंसगामिनी

सहज सुलभ सलग सरळ आशयासी येऊ दे
जळ वाहे झुळुझुळु का अर्थवाही शब्द दे

नाद मधुर करित जासी तूचि निसर्गातुनि
पदरव तव येऊ दे काव्यातुनि मधु गुंजुनि

भ्रांति ती नसो कदा "कवि" उपाधी ही जळो
अवतरिता तूचि देवि मतिमंदीर मम उजळो

आवाहना प्रतिसाद देई दुर्बळ मी याचक
वर मागे हाचि पायी व्हावे न मी कधी निंदक

गुलमोहर: 
शब्दखुणा: 

कसं सुचते हे सर्व.. भन्नाटच... माझ्या निवड्क दहा मधे...

धरेवरि नभातही विहरसी मनस्विनी
शब्दवस्त्र लेऊनि कधि होई हंसगामिनी

सहज सुलभ सलग सरळ आशयास येऊ दे
जळ वाहे झुळुझुळु का अर्थवाही शब्द दे

नाद मधुर करित जासी तूचि निसर्गातुनि
पदरव तव येऊ दे काव्यातुनि मधु गुंजुनि

भ्रांति ती नसो कदा "कवि" उपाधी ही जळो
अवतरिता तूचि देवि मतिमंदीर मम उजळो

खूपच सुंदर...

नाद मधुर करित जासी तूचि निसर्गातुनि
पदरव तव येऊ दे काव्यातुनि मधु गुंजुनि

सुरेख! अप्रतिम!