गंध

गंध पाहिला अखेर.
पुष्कळ म्हणजे पुष्कळ त्रुटी जाणवतात आख्ख्या सिनेमात पण तरीही पहावासा वाटतो शेवटपर्यंत यातच काय ते आले. ठरवून अतिस्टायलाईझ केले की कसे अनैसर्गिक वाटते ते या चित्रपटात कळले. पण वुडीअ‍ॅलन किंवा कुरोसावा तसेच करतात, मग फरक का जाणवतो पाहताना? असो.

नीना कुलकर्णी जरा त्या पात्रापेक्षा म्हातार्‍या वाटतात बॉ.. तरीही त्यांचे काम सुरेखच. आणि तो छोटा मुलगा राघव, त्याचे काम भारी आहे..
कविता काय सुरेख आहेत त्यातल्या.
'खूप या वाड्यास दारे, एक याया, कैक जाया
दो घडी येतात तेही, लावून जातात माया
पाखरांची मुक्त मांदी, गात ये आल्हाद नांदी
अंगणी तालात डोले, एक न्हाती शुभ्र फांदी
आणखी रात्री पहाटे चांदणे शेजेस येते
आणि फुले वेढुन माती स्वप्नीच्या राज्यात नेते
मी खरा तेथील वासी, हा न वाडा ही सराई
पाहुणा येथे जरी मी, जायची माते न घाई'

अमृतासुभाष चक्कं झेपली या चित्रपटात. त्यातल्या स्टॅकॅटो मुव्हमेंट्स आणि फिल्मी ट्रीटमेंट मस्त वाटते पहायला.
सोनालीकुलकर्णी केवढी जाड दिसते यात. मिलिंद सोमणचे काम पहिल्यांदा आवडले.

साजिर्‍या- मिलिंद नाही मंगेश !!

मी पण पाहिला अखेर.. आवडलाच.
दिनेशदांनी लिहिल्याप्रमाणे काही तृटी जाणवल्या पण तरी एक नविन (जमलेला) प्रयोग म्हणून आवडला.

अमृता सुभाषची कथा ९६ सालाच्या पुढची असावी (सं. दिदुलेजा) त्या काळात टाइपरायटर अन नऊवारी-धोतर वाले आई-बाबा जरा विचित्र वाटले.

औषधं घेणारा माणुस मला नीट कळलीच नव्हती. इथे वाचून जरा हिंट मिळाली. मिसो अन सोकुल फार भारी.लीना भागवत तर मला आवडतेच. असे चकाचक पिक्चर का येत नाही मराठीत? नेहमीच काय ते ग्रामीण नायतर टिपिकल पुणेरी.. असो.

तिसरी कथा सगळ्यात जास्त आवडली. पण तिथेही नीना कुलकर्णी पात्राच्या वयापेक्षा फारच मोठ्या वाटल्या. त्यांचं काम सुंदरच झालंय पण ते वयाचं मिसमॅच खटकलंच. कोकण अन पाऊस याचं बॅकग्राउंड सही जमलंय.

नीना कुलकर्णी पात्राच्या वयापेक्षा फारच मोठ्या वाटल्या. >> +१

औषधं घेणारा माणुस मला नीट कळलीच नव्हती. इथे वाचून जरा हिंट मिळाली. >> +१
तसेच मलाही घरातल्या मोलकरणीला तरी मेलेल्या उंदराचा वास कळेल की, असे वाटूनच गेले होते.

अमृता सुभाष मलाही अभिनेत्री म्हणून कधीच आवडली नाही. पण लिहिते फार जबरदस्त! गेल्या वर्षापासून चतुरंग मध्ये एक कॉलम नियमित येतोय तिचा. ह्या वर्षी बाकी सगळे कॉलम्न्स बदललेत. तिचा कंटिन्यु राहिलाय. खूप सुंदर लिहिते. लेखिका म्हणून माझी तिला पसंती.

" गंध " चा पहिला भाग अमृता सुभाष वाला.. त्या एका भागावर तर आक्खा " अय्या " पिक्चर काढला आहे... तो नाही का कुणी पाहिला...
बकवास हा एकच शब्द असु शकतो ह्या पिक्चर साठी.

तेजस्विता, नवीन दिसताय इथे. भरपूर चर्चा झालीये इथे त्यावर, त्यातल्या गाण्यावर.

हो.. नविन आहे. आणी गाण्यावरची चर्चा पण बरीचशी वाचली आहे..

कोकण अन पाऊस याचं बॅकग्राउंड सही जमलंय.>>>> +१००
चिंब भिजावंसं वाटत होतं पिक्चर बघताना.

साजिरा, सुंदर लिहिलंय!

अच्छा त्या प्रेमा साखरदांडे नाही का! मला रेखा कामत वाटल्या.
पहिल्या कथेबद्दल मला एक कळत नाही, की अमृता सुभाषला त्या गिरीश कुलकर्णीचा सूक्ष्म गंध जाणवतो, हे दाखवलंय, तर तिला असे सूक्ष्म गंध जाणवतात हे आधी कुठेतरी दाखवायला नको का? की ही माझी अपेक्षा फारच ढोबळ आहे? मला तरी तिला असा हा सूक्ष्म गंध जाणवणं अविश्वसनीय वाटलं. पुढे ती त्याचा पाठलाग करते ते तर बोअर झालं. तिचा अभिनय लाऊड आहे हे तर झालंच.

दुसऱ्या भागात ( मला मि. सो. आवडतो, तरीही) पेशन्सच नाही राहिला शेवटपर्यंत पाहण्याचा.

तिसरा भाग चांगला आहे. नीना कुलकर्णी ग्रेट. " होच का? " च्या आधीचा मुद्राभिनय बेस्ट.

वावे,
अय्या बघ ☺️☺️☺️
त्यात रामुला बरेच गंध येतात.
मला अमृता सुभाष च्या पात्राचं तो झोपला असताना वास घेणं वगैरे भयंकर अती वाटलं.

गंध नाहीये बघितलेला, अय्या बघितला. भयाण अ आणि अ आहे.
ते सूक्ष्म गन्ध वगैरे जाणवण मलातरी PERFUME - A STORY OF MURDERER वरून उचललेलं वाटत.

अय्या बघितला. भयाण अ आणि अ आहे. >>>>>>>> ++++++++१११११११११

अय्या मध्येही रामु त्या हिरोचा पाठलाग करत असते, नन्तर तिला कळत की तो अगरबत्तीच्या फॅक्टरीत काम करतो म्हणून त्याच्या अन्गाला असा सुगन्ध येतो. अस काहीतरी दाखवल होत.

अय्याचा ट्रेलर बघूनच मी घाबरले
ज्यांनी कुणी थिएटरमध्ये जाऊन पाहिला असेल त्यांचे काय हाल झाले असतील!!

अय्या मी पाहिलाय.मला शाल श्रीफळ द्या.
आता आठवत नाही पण बहुतेक तो मुलगा कापड रंगवणे की काय तरी धंद्यात असतो.

अय्या मी पण पाहिला आहे
अय्या मध्येही रामु त्या हिरोचा पाठलाग करत असते, नन्तर तिला कळत की तो अगरबत्तीच्या फॅक्टरीत काम करतो म्हणून त्याच्या अन्गाला असा सुगन्ध येतो. अस काहीतरी दाखवल होत.>>+१

आता आठवत नाही पण बहुतेक तो मुलगा कापड रंगवणे की काय तरी धंद्यात असतो.>>> नाही. तो चित्रकार असतो म्हणून रंग दाखविले आहेत. पैसे कमवण्यासाठी तो रात्री अगरबत्ती बनवण्याचे काम करत असतो. म्हणून तो आला कि हिला तो सुगंध जाणवत असतो.

अनु, होता है, होता है!
मीपण राजवाडे अॅंड सन्स पाहिलाय थिएटरमध्ये. मोठी नावं वाचून आपण जातो आणि अपेक्षाभंग होतो.

बहुतेक तो उदबत्त्या बनवतो हे कळायच्या स्टेज पर्यंत पिक्चर पोहचण्या आधी मी बेशुद्ध(निद्रिस्त) झाले असेन ☺️☺️☺️
गंध मध्ये तो इतर भाषेतले पिक्चर का बघत असतो म्हणे?
आणि सोकु अचानक आंघोळीला का जाते?

तो उदबत्त्या बनवतो हे कळायच्या स्टेज पर्यंत पिक्चर पोहचण्या आधी मी बेशुद्ध(निद्रिस्त) झाले असेन >>
गंध मध्ये तो इतर भाषेतले पिक्चर का बघत असतो म्हणे?>> काय माहीत!

आणि सोकु अचानक आंघोळीला का जाते?>> मी तिथपर्यंत पोचलेच नाही. स्मिता पाटीलच्या गौतम राजाध्यक्षांनी काढलेल्या सुप्रसिद्ध फोटोवर ती बोट फिरवते तिथेच मला कंटाळा आला. पुढे फार तर ५ मिनिटं पाहिला असेल. शेवटी शेवटी असलेलं रावी के उस पार गाणं मात्र सुंदर आहे.

म्हणजे कल्पना करा:
1. आपला नवरा एडस पॉझिटिव्ह आहे
2. त्याने कारण सांगितलेलं नाही
3. हा कधी झाला माहीत नाही(आपल्याला झाला असेल का त्याच्या मुळे?)
4. त्याच्या घरात डिव्होर्स मागायला 1 वर्षांनी आले
5. घरात सारखा वास येतोय

या सगळ्या टेस्ट केस सिणारीओ मध्ये 'मस्त पैकी आंघोळ करावी बाई' कुठून आलं? एखादी बाई पटापट काम निपटून निघेल त्या वास वाल्या घरातून.

याचं उत्तर शोधण्यासाठीसुद्धा मी तो परत बघणार नाहीये.

आणि ' वर पाहिजे' जाहिरात देताना नाव कुठे छापतात? गंध आणि अय्या दोन्हींमध्ये नाव पेपरात आलं असे डायलॉग आहेत.

गंध मध्ये तो इतर भाषेतले पिक्चर का बघत असतो म्हणे?>>> तेही विना सब टायटल.

mi_anu , ५ ही पॉईंट्स ला + १
त्या मोलकरणीला कसा काय वास येत नाही ते नाही कळाले.

पहिल्या 1 2 सीन मध्ये तिच्या फेशिअल एक्सप्रेशन्स नि तिला वास आलाय असे सूचित केले आहे,
पण ति तशीही कामे टाळणारी दाखवली आहे. त्यामुळे वास येतोय असे मुद्दामहून सांगून नवीन काम अंगावर का घ्या असा विचार करत असेल