लतादेवीची आरती

जय देवी जय देवी जय लता देवी
शंभर वर्षे माझेही करियर करवी |

त्रिभुवनी भुवनी पाहता तुज ऐसे नाही
सारे श्रमले तरीही तू गात राही
काही विवाद करिता पडले प्रवाही
तुझा गायन निर्झर अखंड हा वाही |१| जय देवी...

सांगलीवरुनी उड्डाण मुंबई-पंढरी
किती गायिकांची भरली शंभरी
वीणा, नुपूर आणि आली बासुरी
तुझिया वाणीमध्ये परा वैखरी |२| जय देवी....

हृदयामध्ये उमले नित्य नवी उषा
मीनासंगे सागर रमवी जगदीशा
अंबे तुजवाचून कोण पुरवील आशा
सारेगमपधनी पळवी निराशा |३| जय देवी...

तुझ्या कृपेने सारे मंगल होऊ दे
पेडर रोडवर माझा बंगला होऊ दे
भारतरत्न माझ्या घरात येऊ दे
'कोल्हापूर-नंदन' सुखिया होऊ दे |४| जय देवी...