तो

Posted
9 वर्ष ago
शेवटचा प्रतिसाद
9 वर्ष ago
Time to
read
<1’

डोळ्यांतून भरलेली लाचारी सांडणारा
मनातल्या मनात स्वत:शीच भांडणारा
आतड्यातला पीळ लोकांसमोर मांडणारा
तो...

माध्यान्हीला पाय पोळत अनवाणी चालणारा
अर्ध्यामुर्ध्या चिंध्या कपडे म्हणून घालणारा
स्वत:च्या आयुष्याला स्वत:च सलणारा
तो...

जगाच्या दृष्टीने कोणीही नसलेला
कचर्‍याचा भाग बनत कचर्‍यावर पोसलेला
मरण येत नाही म्हणून जगत असलेला
तो...!

प्रकार: 
शब्दखुणा: