रितेपण

Submitted by पुरंदरे शशांक on 29 October, 2010 - 07:22

रितेपण

पडक्या भिंती उरल्या नुसत्या
दरवाजे निखळून गेले
छप्पर जरी का नावापुरते
जागोजाग उसवलेले

संपून गेले घरपण अवघे
रितेरितेपण भरले ते
उदास वारा कोंदून राही
साकळले क्षण जेथ तिथे

संगीत- गाणे विरून गेले
विराणी ना कुणी आळवते
बेतालाचा अंमल सगळा
भकासपण वस्तीस असे

गुलमोहर: 
कविता
शब्दखुणा: 
नवीन
शेअर करा

नमस्कार - आर्या व चातक,
मनापासून धन्यवाद, मरहब्बा - विशेष आवडला.
शशांक

Submitted by पुरंदरे शशांक on 15 November, 2010 - 00:05