शेतकरी गीतः हाती नांगर आडवा धरा
हिरवीनः
धनी ऐका माझं बी जरा
हाती नांगर आडवा धरा
आपली जमीन हळूच उकरा ||धृ||
हिरो:
पाउस पानी काही नाही
पेरणीचीबी तयारी नाही
हातावर हात ठेवून निसती उभी
कशाला कामाचा करते पुकारा? ||१||
हिरवीनः
आत्ता ग बया!
हाती नांगर आडवा धरा
आपली जमीन हळूच उकरा
हिरो:
तण सारं माजलय लई
त्याला काढाया करावी घाई
नट्टापट्टा करूनी उभी
उगाच करते तू नखरा ||२||
हिरवीनः
आत्ता ग बया!
हाती नांगर आडवा धरा
आपली जमीन हळूच उकरा
हिरो:
घाई कर धर वर उचल काठी मोठी
तोंड घालतया जनावर मार त्याच्या पाठी
हातातलं काम बाजूला सारून जरा
लवकर इकडे ये तू भरभरा ||३||
हिरवीनः
आत्ता ग बया!
हाती नांगर आडवा धरा
आपली जमीन हळूच उकरा
हिरो:
बी बियाण्याची पेरणी आली
खोडव्या उसाची तयारी झाली
हातात धर पांभर बी पेराया
ठिबक हे चालू करतो जरा ||४||
हिरवीनः
आत्ता ग बया!
हाती नांगर आडवा धरा
आपली जमीन हळूच उकरा
हिरो:
हाती नांगर आडवा धरला
कामामधी येळ सारा सरला
आता जावू आपन घरला
जरा इचार करू म्होरला ||५||
इश्श....
ढिंच्याग ढिंच्याग ढिंच्याग ढिंग...
- पाषाणभेद (दगडफोड्या)
३०/०९/२०१०
लय भारी ! -हरीश
लय भारी !
-हरीश
क्या बात है !! वाव !! मस्त
क्या बात है !!
वाव !!
मस्त !!!!
मांसाहाराचा वास येतोय.......
मांसाहाराचा वास येतोय.......![Uhoh](https://dk5wv51hv3hj1.cloudfront.net/files/smiley/packs/hitguj/uhoh.gif)
पाषाणभेद उर्फ "दादा
पाषाणभेद उर्फ "दादा धोंडके"..........![Lol](https://dk5wv51hv3hj1.cloudfront.net/files/smiley/packs/hitguj/lol.gif)
क्षणभर दादा आणि उषा आले डोळ्यासमोर....!!!