Submitted by स्वानंद on 6 September, 2010 - 11:40
कोणीच ना पहाते माझ्याकडे अताशा
नजरेत काय माझ्या दिसते अता निराशा ?
ढुंकून पाहण्याला नाही उसंत कोणा
जो तो पुढे निघाला बडवीत ढोलताशा
संघर्ष भावनांचा इतुका मनात होतो
गेली उडून माझ्या ओठावरील भाषा
माझे अबोलणेही भासे मला विषारी
कारण ठरे विखारी माझ्याच ते विनाशा
आनंद वा सुखांचे नसती प्रदेश ज्याला
माझा अनाम साथी असला सुना नकाशा
तू आंधळा प्रवासी तुज भूल मृगजळाची
तोडून चल पुढे तू भोगा, विलास, पाशा
गुलमोहर:
शेअर करा
छान! आता 'आनंद वा सुखांचे'
छान!
आता 'आनंद वा सुखांचे' ऐवजी 'स्वानंद वा सुखांचे' असे केले तर धमालच येईल!
आपल्याला शुभेच्छा!
-'बेफिकीर'!
'ढोलताशा' खास आवडला
'ढोलताशा' खास आवडला
धन्यवाद बेफिकीर आणि विजय.
धन्यवाद बेफिकीर आणि विजय.
वा वा स्वानंद.... चांगली
वा वा स्वानंद.... चांगली गझल....
मतला,ढोलताशा खास.
मतला भन्नाट आहे. गझल अल्टी!!!
मतला भन्नाट आहे. गझल अल्टी!!!
स्वानंद मस्त ..प्रसन्न वाटलं
स्वानंद
मस्त ..प्रसन्न वाटलं ही गझल वाचून. खूप छान आहेत शेर
मला लिंक द्या पुढच्यावेळी नक्की
मस्त मस्त गझल.
मस्त मस्त गझल.
सुंदर गझल.
सुंदर गझल.
नकाशा आणि भाषा आवडले..
नकाशा आणि भाषा आवडले..
सर्वांचे मनापासून आभार.
सर्वांचे मनापासून आभार.
ढुंकून पाहण्याला नाही उसंत
ढुंकून पाहण्याला नाही उसंत कोणा
जो तो पुढे निघाला बडवीत ढोलताशा
फार सुंदर शेर!!
अभिनंदन!!
अत्यंत सुंदर ग़ज़ल!
अत्यंत सुंदर ग़ज़ल! बेफिकीरच्या सुचनेचा विचार केलेला दिसत नाही. तसा आनंद आणि स्वानंदमध्ये फरक तो काय?
बादवे, स्वानंद किरकिरे तुम्हीच का?
स्वानंद वा सुखांचे केल्यास -
स्वानंद वा सुखांचे केल्यास - सुखांचे किंवा स्वतःचेही प्रदेश नसणे असे होऊ शकेल व एक वेगळीच मजा येईल.
(व्यक्तीगत मत)
धन्यवाद!
-'बेफिकीर'!