माझी चिडचिड आणि यथा प्रजा तथा राजा

झकास्.माझी चिडचिड वाढते आणि रक्तदाब देखील. शेवटी गेंडा आणला त्याची चामडी सोसली आणि त्याचा कोट मनावर आणि शरीरावर घातला.तात्पर्य हल्ली सुखी आहे.

<याचा प्रत्यय तर मायबोलीवर इतकेवेळा येत असतो. वय जास्त म्हणून सगळे गप्प रहातात त्यामुळे आपल्याला वाटेल त्याला आणि वाटेल ते बोलायचं लायसन्स मिळाल्यासारखं बोलतात. >

वय जास्त असलेले असे कितीसे लोक आहेत हो मा बो वर? एक मी नि दुसरे सुधीर काळे. ते तर चांगलेच लिहीतात. बाकीचे मला माहित नाहीत, कुणि एव्हढे मोठे असतील.

म्हणजे मुद्दा असा की माबो वर येऊन केवळ वयाने मोठे आहे म्हणून वाट्टेल ते लिहिणार्‍यांचे प्रमाण कमी आहे. त्यामुळे फक्त वयाने मोठे असलेल्यांनी लिहीले म्हणून तुमची चिडचिड होते असे असेल तर, आशा आहे की फार वेळा नाही.

साजिर्‍या, अरे मायबोलीवरच मला असे विचारण्यात आले, पण मायबोलीवरचेच लोक मला भेटायला नि फार एंडला भेटायला प्रेमाने आले होते, त्याचा उल्लेख करायलाच पाहिजे, नाहीतर मी कृतघ्न ठरेन.

आता असा प्रश्न विचारून माझी चिडचिड कमी केल्याबद्दल त्यांचे आभारच मानले पाहिजेत. उगाच जिथे तिथे वाईटच बघायचे ही भूमिका हळू हळू कमी करायला पाहिजे.

कुणितरी लिहीले लोक परदेशात नीट रहातात पण भारतात येऊन घाण करतात!! धन्य, धन्य!
अहो, भारताची लोकसंख्या किती, तिथे येणारे परदेशी किती? काही विचार करा! परदेशातून आलेल्या लोकांनी किती घाण केली नि नेहेमी तिथे रहाणार्‍यांनी काय केले? जिथे घाण आहे तिथे परदेशातील किती लोक जातात? झोपडपट्टीत कोण रहातात? मुंबईच्या लोकलने नेहेमी प्रवास कोण करतात? परदेशातलेच फक्त? क्कैच्च्या क्कै! उगाच आपले काही पण सांगायचे!

फारच सुरेख

झक्कीसाहेब,
तुमच्या प्रतिसादात तुम्ही जे लिहिल आहे "कुणीतरी...." ते बहुधा माझ्या प्रतिसादाबद्दल आहे. मी लिहिल आहे की
"४. रस्त्यात, बागेत कुठेही कचरा टाकणारे लोक. यातलेच बरेचजण दुसर्‍या देशात गेले तर तिथे टाकणार नाहित कचरा पण आपल्या देशात असतील तेव्हा काय वाट्टेल ते करतील. "

मी अस अजिब्बात म्हणालेले नाही की देशातला सगळा कचरा परदेशात रहाणारे लोक येऊन करतात. झोपडपट्टीमधले लोक घाण करतात म्हणुन बाकिच्या सुजाण लोकांनीही तसच करायच असतं का? परदेशात ट्रिपला जाणारे, छोट्या काळासाठी जाणारे, रहाणारे तीथे रस्त्यावर कचरा टाकत नाहीत. पण त्यातलेच काहीजण भारतात असताना हा विचार करत नाहीत. यांचा राग येण्याच कारण दुट्प्पीपणा. चांगल वागणे माहीत असुनही कायदा नाही, कोणाची भिती नाही म्हणुन वाईट वागणं हे कसल लक्षण!

आता जे लोक अस करत नाहीत त्यांना माझ्या अशा लिहिण्याबद्दल राग यायची गरजच नाही कारण मी अशा सुजाण लोकांविषयी काहिच्या काही लिहिलेलं नाही.

मंदार .. एकदम मस्त लेख..
संजय दत्त आणी सलमान खान या दोघांकडे पैसा आणी प्रसिध्दी ह्या दोन्ही गोष्टी आहेत..
आणी आपल्या देशात पैसा आणी प्रसिध्दी असेल तर सर्व काही निभाऊन जाते... कारण त्यांच्यामागे त्यांना वाचवणारे मोठे हात असतात..
आणी ते मोठे हात निर्मान करणारे तुम्ही आम्ही आहोत..
आज एकजण पण भारतात आपण दिलेल्या टॅक्सच्या रक्क्मेचा कुठे कुठे आणी कसा विनियोग झाला हे विचारत
नाही..
माझ्या गावी आज २०१० मधे घरापर्यंत जायला फक्त मातीची पाऊल वाट आहे.. त्यातुनच टु व्हीलर न्यावी लागते..
१९८६ पासुन आज पर्यंत २० वरुन अधिक लोक प्रतिनीधीनी घरी येऊन मते मागितली रस्ता करणार ह्या आश्वासनाखाली..
आता अजुन पर्यंत रस्ता नाहीये.. किंवा पुढील १०-२० वर्षात बनेल की नाही ठाऊक नाही..
त्याच लोकप्रतिनीधींकडे आज परदेशातल्या टॉप मॉडेल्स च्या कार आहेत.. ऊ.दा. बी. एम. ड ब्ल्यु, मर्सीडीज..
आता ते परत मत मागायला आले की त्यांना आम्ही घरासमोर पण ऊभे राहु देत नाही.. अर्थात त्याचा काहीही ऊपयोग नसतो.. कारण खालेल्या पैशाचा निवडणुकीच्या वेळेस कसा ऊपयोग करायचा हेही त्यांना चांगले ठाऊक
असते..
गावातुन ट्रकच्या ट्रक भरुन माणसे आणली जातात.. त्यांना निवडणूकीच्या वेळेस दारु, मटण आणी चिकण दिले जाते ... ते दिले की ती लॉबी आपली ..

आता हे सगळे सर्व डोळ्यांसमोर आसुन काहीही करु शकत नाही ह्याची खंत वाटते...

असो.. पण ह्यातुन घडलेला एक किस्सा येथे सांगावासा वाटतोय..

आपल्या महाराष्ट्र राज्याच्या सध्याच्या आरोग्य मंत्री.. त्यांनी आमच्या गावातील सरकारी हॉस्पीटल मधला
कॅन्सर ट्रीट्मेंट चा कोबाल्ट युनीट १९९८ साली बंद पाडला..
आमच्या गावाच्या व आजुबाजुच्या २५० कि.मी. पर्यंत परिसरातील लोक त्या कोबाल्ट युनीट द्वारे मोफत ट्रीटमेंट घेत..
तो बंद पडल्यापासुन गरीब लोकांना ३००-३५० कि.मी. लाल पिवळ्या गाडी ने मराठवाड्यातील रस्त्याचे अंतर पार करुन जावे लागे...

आणी तो युनीट बंद पाडण्यामागे १९९८ ला राजकारण असे होते की.. हॉस्पीटलचा जो डीन आहे त्याच्या नातात्ल्या कोणीतरी प्रायव्हेट हॉस्पीटल सुरु केले.. गावापासुन ४० कि.मी. अंतरावर.. म्हणजे ते हॉस्पीटल चालायला नको का??? म्हणुन हे सरकारी बंद पाडले गेले...

आता आज १२ वर्षानंतर मला सांगण्यास अत्यंत आनंद होत आहे..
त्या डीन च्या मुलाने आत्महत्या केली.. एम.बी.बी.एस पास होत नाही म्हणुन...
त्यांच्या पत्नी त्यांना सोडुन गेल्या... आता ते एकटेच राहतात.. म्हातारपणी पहायला मागे पुढे पण कुणी नाही

आणी एस्स्स्स्स्स्स.. आप्ल्या आरोग्य मंत्र्यांना कॅन्सर झाला आहे...
त्यांनी अमेरिकेत येउन करोडो रुपये (तेच जनतेचे लुटुन खालल्ले) कॅन्सर ट्रीटमेंट वर खर्च केले..
पण अमेरिकेतल्या डॉक्टरनी पण त्यांना सांगीतले.. आजुन फार तर फार १.५ -२ वर्ष जगाल

ही बातमी गावभर वार्यासारखी पसरल तेंव्हा ज्यांचे रुग्ण आणी नातेवाईक आजही ३०० कि.मी. प्रवास करतात कॅन्सर ट्रीटमेंट साठी त्यांनी देवाचे शतशः आभार मानले...

चांगल वागणे माहीत असुनही कायदा नाही, कोणाची भिती नाही म्हणुन वाईट वागणं हे कसल लक्षण!
---सावली यांच्या मताशी सहमत... बाहेरच्या स्वच्छ देशात राहुन आल्यावर मुंबईला विमान तळावरुन बाहेर पडल्यावर कागदाचा हातातला कचरा नकळत (?) रस्त्यावर भिरकावणारे काही शिकलेले महाभाग असतात.

कायद्याची नसलेली भिती तसेच लोकांमधे नसलेली जागृती हे मला कारण दिसते. येथे बेशिस्त पणा केला तर आजुबाजुच्या लोकांच्या नजरा तुमच्यावर खिळतांत, त्या लाजे साठी का असेना कचरा खिशात ठेवावा लागतो (किंवा रस्त्यावर थुंकणे टाळावे लागते).

>>त्या डीन च्या मुलाने आत्महत्या केली.. एम.बी.बी.एस पास होत नाही म्हणुन..

अरेच्चा! फारच साधा होता वाटतं हा मुलगा. डीनचा मुलगा म्हणून परिक्षेला न बसताही त्याला पास होता आलं असतं नाही का?

त्या डीन आणि आरोग्यमंत्र्याबद्दल वाचून तीळमात्र दु:ख झालं नाही. "करावे तसे भरावे" हेच खरं. आजकाल त्यासाठी दुसरा जन्मही घ्यावा लागत नाही. वर बसलेला "फैसला ऑन द स्पॉट" करतो पण फक्त त्याचा क्षण हा बहुतेक आपल्या अनेक वर्षांइतका असतो म्हणून आपल्याला "भगवानके घर देर है" असं म्हणावं लागतं अर्थात देव करेल किंवा सरकार करेल म्हणून काही न करता स्वस्थ बसता कामा नये हेही खरंच.

स्वप्नाशी सहमत.

मुळात हे सगळं का आणि कशामुळे होतं?
आपण आपल्या प्रत्येक वागण्याचा आणि आपल्याभोवती घडणार्‍या प्रत्येक गोष्तीचा काहीतरी संदर्भ मनाशी ठेवून जगत असतो. जगताना, वागताना प्रत्येक वेळी काहीतरी अपेक्षा ठेवून जगत, वागत असतो. मी असा वागतोय, मग त्याने किंवा त्यांनी असंच वागायला हवं, निदान कुठेतरी ताळमेळ ठेवायला हवा. पण असं होत नाही, कारण प्रत्येकाचे संदर्भ वेगवेगळे असतात, निकष वेगवेगळे असतात, अपेक्षा वेगवेगळ्या असतात. त्यामुळे त्या पुर्ण होण्याची शक्यता फार कमी असते.

म्हणुनच वरचा दिनेशदांचा प्रतिसाद १००% पटतो...
<<<मंदार,
माझ्या आयूष्याने मला एक शिकवलय, चिडचिड करुन काहिच होत नाही (आपल्यालाच त्रास होतो) त्यापेक्षा जिथे शक्य असेल तिथे, थेट कृति करणे योग्य असते, आणि मी ति करतोच.
आणि आपण विवेकानेच वागायचे, हा नियम मी कधीच मोडत नाही. मिडियामधल्या मूर्खपणाला, त्याला प्रतिसाद न देणे, हे तर आपण करु शकतो ना ?>>>>

पण हे प्रत्येकाला, प्रत्येक वेळी जमेलच असे नाही. मग काही वेळ आपण ते मनातल्या मनात दाबून ठेवण्याचा प्रयत्न करतो. पण एका ठराविक मर्यादेनंतर सहनशिलतेचा उद्रेक होतो आणि सगळी चिड चिड बाहेर पडते. माझी ही बर्‍याचवेळा होते. माबोवर नवीन होतो तेव्हा तर मी फारच चिडचिडा होतो
पण आता हळुहळु जाणिवपुर्वक बदल घडवून आणतोय स्वतःमध्ये. कुठल्या गोष्टीवर रिअ‍ॅक्ट व्हायचं आणि कुठल्या नाही हे ठरवता आलं की मग हळुहळु चिडचिड कमी व्हायला लागते. कुठ्ल्याही गोष्टीची चिड आली की मी मनाशी विचार करतो..आपण त्या ठिकाणी असतो तर कसे वागलो असतो आणि त्या क्षणी ते कितपत योग्य असले असते. बहुतांशी या प्रश्नांचे उत्तर अनपेक्षीत असेच मिळते. मग आपोआप चिडचिड कमी होत जाते.
अर्थात हा माझा अनुभव आहे, इतरांचे मत वेगळे असु शकेल

तुम्हाला सलमान आणि संजय बाबतच्या लोकमतावर चीड येते ?
ह्याचाहून कित्तेक मोठ्या गोष्टी आहेत चिडायला... !
'टेड बंडी' हे नाव ऐकलय का ? अमेरीकेतीत प्रसिध्द सिरीयल किलर होता .
तीसच्या वर निष्पाप मुलींचा बलात्कार आणि खून केला होता त्या नराधमाने !!
तो जेंव्हा जेल मध्ये होता तेंव्हा त्याच्यासाठी एका दिवसात दोनशे प्रेमपत्र यायचे.
मला त्या मुलींची चीड येते ज्यांच टेड बंडी वर प्रेम जडलं.
खरेतर कीव येते ..
आत्ता सुद्धा गुगल इमेजेस मध्ये सर्च करून पहा ... किती लोकांना तो आवडतो.
त्याचावर चक्क एक चित्रपट देखील बनलेला आहे !!

मंदार,
अगदी दिल से विषय आहे !
तुझी ही चिडचिड तर साहजिकच आहे, पण आजकाल असल्या गोष्टींच काहीच न वाटणारे आजुबाजुला दिसतात, असल्या कुठल्याही गोष्टींशी आपला काही सबंध नसतोच अस हे लोक (जास्त करुन परप्रांतीय) वागतात, तेंव्हा या वरुन माणुस हा दिवसेंदिवस आणखी संकुचित होतो आहे हेच खरं !
तु मात्र स्वतःपेक्षा लोकांचा,गावाचा,देशाचा,जगाचा विचार जास्त करतोस हेच दिसतेय, मग मात्र तुला त्रास हा होणारच !

चिडचिड करणं शरिराला घातक. त्यामुळे नो चिडचिड मंदार

भावना पोहोचल्या!
पण तुम्हिदेखील आता हा लेख लिहुन तेच तर करत नाहि आहात ना ? आणी प्रतिक्रियांमधे हि तेच दिसते - मुख्य म्हणजे चिडचिड क्रमांक दोन आणी तीन! - समाजातील खलप्रवृत्ती व लोकांच्या विसंगत प्रतिक्रिया आणि स्वतःमध्ये सुधारणा करण्याऐवजी व्यवस्थेला कायम दोष देणे.

तुम्हि जसे लेख लिहुन तुमची चिडचिड सांगीतली तसेच कोणीतरी वाहतूकीच्या नियमांचे मेल पाठवतो, कँटीनच्या व्यवस्थापनाबद्दल तक्रार करतात - त्यांच्या मते ते बरोबर असतात - जसे आता तुम्हि स्वताला समजत आहात.

चिडचिड क्रमांक एक बद्दल ठिक आहे. पण जास्त चिडचिड करु नका! तुम्हि क्रुती करणारी माणसे आहात.काहितरि भलतेच घडायचे.

सध्या माझे मत असे होत चालले आहे की भारतात लोकसंख्या जास्त असल्याने वाईट गोष्टी जास्त नजरेत येतात. इतर देशातहि बरेच काही काही वाईट असते, कचरा, घाण असते, पण दिसायला कमी दिसते. न्यू यॉर्क सिटी त जाऊन पहा, तिथल्यापेक्षा भारतातली खेडी नि लहान गावे जास्त स्वच्छ असतील.

त्याच न्यायाने भारतातले चांगले काय असे पहायचे ठरवले तर तेहि जास्त प्रमाणात दिसेल. तर असा एक धागा उघडला तर तोहि असा भरभरून वाहू लागेल, अशी आशा आहे.

दुर्दैवाने, सध्या इथे भारताबद्दल वाईटच जास्त ऐकू येते, काय मत होणार मग बाहेरच्यांचे?

मी एक दोनदा, मला भारतात आलेले चांगले अनुभव लिहीले तर भारतातल्याच लोकांनी मा़झी टिंगल केली, मला सांगितले की प्रामाणिकपणाचा नुसता आव आणला होता, खरे तुम्हाला फसवलेच, वगैरे.

पण वाईट लिहीले की लग्गेच शंभर प्रतिसाद. नि खरे असल्याने चांगलेच झोंबते लोकांना. मग काय वाट्टेल त्या शिव्या. पण त्यात खोटे काय होते ते नाही सांगणार. का बरे?

काही नाही तर वयाने मोठा म्हणूनच!!
नशीब, मी माझा फोटो नाही लावला, नाहीतर कुरुप माणसे इथे लिहितात म्हणूनहि कुणाची चिडचिड व्हायची!