चार्डची भाजी

Submitted by मेधा on 19 April, 2010 - 21:51
प्रत्यक्षात लागणारा वेळ: 
१५ मिनिटे
लागणारे जिन्नस: 

एक जुडी चार्ड
एक छोटा लाल कांदा बारीक चिरून
कडिपत्ता, मोहरी , हिंग , हळद , तेल - फोडणीसाठी,
मीठ
दाण्याचं कूट १ मोठा चमचा भरून
दोन -तीन जाड्या लसूण पाकळ्या किसून
१ चमचा तिखट.

क्रमवार पाककृती: 

चार्डची पाने धुवून , मधला देठ काढून बारीक चिरुन घ्यावीत.
तेलावर फोडणी करून त्यात कांदा परतून घ्यावा. कांदा मऊ झाला की चिरलेला चार्ड टाकून परतून मीठ घालावे. ३-४ मिनिटे झाकून शिजू द्यावे. मग तिखट, दाण्याचं कूट अन लसूण एकत्र करून ते भाजीत मिसळावे. नीट मिसळून एक वाफ काढावी. भाजी तयार!

वाढणी/प्रमाण: 
२ -३ जणांना
अधिक टिपा: 

चार्डची मिनोतीच्या रेसिपीने भाजी बरेच वेळा करत असते. यावेळेस ' कुछ अलग तरीकेसे बनाओ' अशी रिक्वेस्ट आली म्हणून केलेला प्रयोग.

माहितीचा स्रोत: 
स्वतःचे प्रयोग
आहार: 
शाकाहारी
पाककृती प्रकार: 
भाज्या
प्रादेशिक: 
दाक्षिणात्य
शब्दखुणा: 
पालेभाजी
चार्ड
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

छान आहे रेसिपी. मला कधीपासून खाऊन बघायची आहे चार्डची भाजी पण रेड चार्ड दिसतच नाही कुठे. आता इथे होल फूड्स आहे तिथे मिळतो का ते बघते.

Submitted by अगो on 19 April, 2010 - 22:39

आमच्याकडे इथे शॉपराईट मध्येही मिळतो चार्ड.मला हिरवा चार्ड अजिबात आणावासा वाटत नाही. मिनोतीच्या स्टाईलची भाजी आवडती कारण काहीच करायला लागत नाही.

Submitted by सायो on 19 April, 2010 - 22:55

माझी एक काकू लाल माठाची अशी भाजी बनवते Happy मस्तच लागते.
चार्डचा एक फोटो इथे आहे. पाने नीट दिसत नाहीयेत. http://vadanikavalgheta.blogspot.com/2008/03/blog-post_10.html
पण बीटची असतात तशीच असतात साधारणपणे.

Submitted by क्ष... on 20 April, 2010 - 00:09

वेगळी वाटते आहे हि रेसिपी. ट्राय करेन.

रेड चार्ड आणि मसुर यान्चे दबदबीत पण छान लागते. गरम गरम चपाती बरोबर तर मस्तच.

Submitted by पिन्कु on 20 April, 2010 - 11:45

मला आत्ताच क्रोगरमधे नवलकोलची भाजी मिळाली. वा वा. किती वर्षांनी खायला मिळणार.
इथे त्याला Kohlrabi म्हणतात.
एवढा आनंद झालाय की कुठे लिहावे हे न सुचून सरळ इथे लिहित आहे. Happy
क्षमस्व.

Submitted by तेजी on 22 April, 2010 - 22:05