स्तोत्रे, श्लोक, प्रार्थना यांचा संग्रह

Submitted by अश्विनी के on 19 January, 2010 - 03:10

नमस्कार,

लहानपणी शुभंकरोती म्हणताना आपण काही काही स्तोत्रे, श्लोक म्हणत असू. आपल्या ऋषी-मुनींनी तपसाधना करुन अनेक स्तोत्रे, स्तवने सिद्ध केली आहेत. त्यातील काही आपल्या नित्य पठणात असतात तर काही तात्कालीक कारणासाठी उपासना म्हणून म्हटली जातात. ह्या स्तोत्रांमधे बीजमंत्र सामावलेले असतात व त्यांचे जमेल तसे पठण निश्चितच सकारात्मक बदल घडवून आणते, आपल्या विचारात, प्रारब्धात. विचार सात्विक व्ह्यायला लागले की हातून चूका कमी कमी घडू लागतात, मन (जे आपले प्रारब्ध घडवते) आपल्या ताब्यात येऊ लागते. सगळ्यात ओढाळ मनासारखे काहीच नाही. आजच्या पिढीला व पुढच्या मोठे होऊ घातलेल्या पिढीला मनावर ताबा मिळवण्याची खूप गरज आहे. पुढची पिढी दहशतवादी विचारांची बनायला नको आहे.

प्रकाशाचे उपासक हे शुद्ध दैवतांचीच उपासना करतात ज्यामधे स्वतःचे, कुटुंबाचे, समाजाचे, प्रदेशाचे भले व्हावे, रक्षण व्हावे हा हेतू असतो तर अंधाराचे उपासक हे क्षुद्र दैवतांची उग्र प्रकारे उपासना करतात ज्यामधे दुसर्‍याचे वाईट व्हावे हाच मुख्य हेतू असतो, तंत्रविद्येचा, जारण मारणाचा वापर असतो.

इथे शुद्ध दैवतांच्या उपासनांमधे समावेश होऊ शकणार्‍या स्तोत्रं, श्लोक, प्रार्थना शक्य असल्यास कारण व फलितासह लिहिणे अपेक्षित आहे (मायबोलीवर दुसर्‍या प्रकारचे सदस्य असूच शकत नाहीत म्हणा ) जेणेकरुन मायबोलीवर एकेच ठिकाणी सगळे मिळू शकेल, गूगलवर शोधत बसायची आवश्यकता नाही. स्तोत्र, अध्याय, श्लोक मोठे असतील तर लिंकही देण्यास हरकत नाही (अ‍ॅडमिनची हरकत असल्यास तसे कृपया कळवावे व त्यांच्या आदेशानुसार लिंका देऊ नयेत.)

सर्वांना धन्यवाद आतापर्यंत खालील स्तोत्रे इ. जमा झाली आहेत. जसजशी भर पडेल तसतशी यादी अपडेट करायचा प्रयास करेन.

http://sanskritdocuments.org/sanskrit/by-category/stotra.php इथे भरपूर स्तोत्रं पीडीएफ मध्ये आहेत.

****************************************************************************************************
(खालील स्तोत्रांच्या लिंक अनुक्रमणिका रुपाने देण्याचे काम शाम भागवत ह्यांनी केले आहे. त्यांना मनःपूर्वक धन्यवाद)

***********************************************************************************

पान १

१) गायत्री मंत्र २) दत्तबावनी ३) श्लोक ४) घोरकष्टोद्धरण स्तोत्र
५) तुळजा भवानी - लिंक ६) श्री भवानी अष्टक ७) श्री साईसच्चरित - लिंक
८) शिवपञ्चाक्षर स्तोत्र ९) करुणा त्रिपदी १०) धन्य धन्य हो प्रदक्षिणा
११) श्री दत्तस्तव स्तोत्र
आणि श्री वासुदेवानंदसरस्वती (टेंबेस्वामी) यांच्याबद्दलची लिंक केदार जोशी यांच्या पोस्टमधे.

पान २

१२) येई वो विठ्ठले १३) श्री समर्थ रामदास - लिंक १४) नव-नाग स्तोत्र
१५) गणपती अथर्वशीर्ष - लिंक १६) नि:शंक हो निर्भय हो मना रे (श्री स्वामी समर्थ तारक मंत्र)
१७) दत्तमाला मंत्र

पान ३

१८) श्री स्वामी समर्थाष्टक १९ ) श्रीगणपती स्तोत्र 20) श्री मारुती स्तोत्र (भीमरुपी महारुद्रा)
२१) नवग्रह स्तोत्र २२) महारुद्र अवतार हा सूर्यवंशी २३) हनुमंताचा धावा २४) श्लोक
२५) तीर्थप्राशन, करदर्शन व भूमीवंदन श्लोक २६) संपूर्ण नवनाग स्तो��्र २७) शुभंकरोति कल्याणम
२८) कालभैरवाष्टक २९) श्री गणेश पन्चरत्न स्तोत्र ३०) शनी मंत्र ३१) रुद्र

पान ४

३२) संपुर्ण आरती सन्ग्रह /मनाचे श्लोक/ भगवद गीता - लिंक (गौतम्७स्टार यांची पोस्ट)
३३) श्री आदि शंकराचार्यांनी रचलेली स्तोत्रे - लिंक (चिनूक्स यांची पोस्ट)
३४) जयजयाजी गणपती (गणपती स्तोत्र) ३५) जगन्नाथपंडितांचं गंगालहरी - लिंक (चिनूक्स पोस्ट)
३६) प्रार्थना ३७) श्रीसूक्त - लिंक (चिनूक्स पोस्ट) ३८) विविध स्तोत्रं (ऑडियो) - लिंक (चिनूक्स पोस्ट)
३९) गणेश / विष्णू / राम / हनुमान इत्यादींची स्तोत्रे - लिंक्स (मीनल यांचे पोस्ट) ४०) आद्य शंकराचार्य विरचित तुलजाष्टक ४१) सुंदरकाण्ड - लिंक (GauriC यांची पोस्ट) ४२) पुरुषसूक्त ४३) http://khapre.org/ (स्तोत्रे / पोथ्या व इतर वाड्मयाचा संग्रह (महेश यांची पोस्ट) 44) दत्तलीला मंत्र ४५) मंगलाष्टके - लिंक (महेश यांची पोस्ट) ४६) लक्ष्मी श्लोक / शारदा स्तवन / गणपती श्लोक

पान ५

४७) स्वामी समर्थ माला मंत्र ४८) सूर्याष्टक ४८) हनुमान चलिसा - लिंक (GauriC यांची पोस्ट) ४९) वदनी कवळ घेता - मातृभूमीसाठी ५०) भगवद्गीता / दासबोध - लिंक (saket यांची पोस्ट) ५१) अष्टलक्ष्मी स्तोत्र - लिंक (GauriC यांची पोस्ट)
५२) शांती मंत्र ५३) शिवताण्डव स्तोत्र ५४) श्रीरामाचा पाळणा (pdf फाईल) ५५) महारुद्र अवतार हा सूर्यवंशी - संपूर्ण - जयवी यांची पोस्ट ५६) श्री समर्थ रामदासकृत मारुती स्तोत्र (राष्ट्राच्या सर्वांगिण रक्षणासाठी) ५७) मेधासूक्त - लिंक (कदंब यांची पोस्ट) ५८) विष्णूसहस्रनाम / भगवद्गीता - लिंक (महेश देशपांडे यांची पोस्ट) ५८) चर्पटपञ्जरिका स्तोत्रम.

पान ६

५८) नुपेक्षी कदा राम दासाभिमानी ५९) सूर्यनमस्कार ६०) नवग्रहपीडाहरस्तोत्र ६१) रुद्राष्टक - लिंक (माधव यांची पोस्ट)

पान ७

६२) श्री दुर्गासप्तशती सार ६३) ॠणमोचनमहागणपतिस्तोत्रम् ६४) दत्तदशक स्तोत्र ६५) श्रीमहिषासूरमर्दिनी स्तोत्र ६६) कैलासराणा शिवचंद्रमौळी...

पान ८

६७) श्रीमहालक्ष्मी नमन अष्टक ६८) आदिमाता महिषासुरमर्दिनी चण्डिकेची आरती ६९) श्रीविष्णो: षोडशनामस्तोत्रम् ७०) रामरक्षा ७१) श्री हनुमंतांच्या उपासनेचे कारण व कार्य.

पान ९

७२) श्रीरामांची कर्पुरआरती ७३) मारुती स्तोत्र आणि त्याचे निरुपण (लिंक) ७४) संगितातल्या विविध रागांमधे गायल्या गेलेल्या दत्तबावनीची लिंक (अभि यांची पोस्ट) ७५) पवमान सूक्त - लिंक (अभि यांची पोस्ट) ७६) गणपती स्तोत्र (मराठी) ७७) गायत्री मुद्रा (व्हिडियो) - अभि यांची पोस्ट

पान १०

७८) दयाळू तू देवा खचित आहे��ि - संत एकनाथांची रचना ७९) श्री आदिमाता शुभंकरा स्तवनम् ८०) श्री आदिमाता अशुभनाशिनी स्तवनम् ८१) सनातनदेवीसूक्त ८२) शिवषडाक्षर स्त्रोत्र ८३) श्री महालक्ष्मी स्तोत्र ८४) देवीची आराधना ८५) स्वामी समर्थांना स्नान घालताना किंवा स्वामी समर्थांच्या पादुकांवर अभिषेक करताना म्हणावयाचे पद ८६) श्रीमद आद्य शंकराचार्य विरचित नर्मदाष्टक ८७) श्री. प.पू. वासुदेवानंद सरस्वती लिखित "आरती नर्मदेची" ८८) श्रीदासगणूंनी रचलेले श्रीसाईबाबांवरील पद

पान ११
८९) धर्मराजाचे दुर्गास्तवन ९०) अन्नपूर्णास्तोत्रम् ९१) श्रीवासुदेवानंदसरस्वती विरचित "उद्धरी गुरुराया, अनसूया तनया दत्तात्रेय'' ९१) सद्गुरु स्तोत्र ९२) विविध आरत्या ९३) श्री रंग बावनी ९४) आपल्या मुलांच्या सुखी भविष्यासाठी देवाची प्रार्थना

पान १२
९५ ) दत्तबावनी (मराठी) ९६) नृसिंहसरस्वतीस्वामी महाराजांवरचे एक मराठी कवन ९७) अमोघशिवकवचम ९८) प्रभो बालांचा तू अससि एक मित्र थोर ९९) अंबे जगदोद्धारिणि गे | १००) नृसिंहसरस्वती अष्टक
१०१) सत्राणे उड्डाणे हुंकार वदनी.. १०२) लतादीदीं च्या आवाजातली रामरक्षा - श्रीकांत यांच्या पोस्टमधील लिंक १०३) सूर्यस्तुती

पान १३

१०४) दुर्गाकवच - लिंक (माधव यांची पोस्ट) १०५) बजरंग बाण १०६) प्रज्ञाविवर्धन स्तोत्र - लिंक १०७) श्रीदेवी अपराधक्षमापन स्तोत्रम् १०८) शांतीपाठाचा अर्थ १०९) शिव आरती ११०) या कुन्देन्दुतुषारहार धवला १११) नवनाथ कथा सार - लिंक (माधव यांची पोस्ट) ११२) करुणाष्टकं

पान १४

११३) करुणाष्टकांवर चैतन्य महाराज देगलुरकर यांचे प्रवचन - लिंक ११४) श्री लिंगाष्टकः ११५) व्यंकटेश स्तोत्र - लिंक (हसरी यांची पोस्ट) ११६) ५२ श्लोकी गुरुचरित्र ११७) सार्थ दत्तबावनी

पान १५

११८) श्री अक्कलकोट स्वामी स्तोत्र --- महात्म्य ११९) श्री अक्कलकोट स्वामी मानसपूजा १२०) श्री स्वामी समर्थ स्तवन (नाही जन्म....) १२०) विविध स्त्रोत्रांची लिंक - joshnilu यांची पोस्ट १२१) GOD grant me the SERENITY... १२२)सर्वसिध्दी मंत्र १२३) श्री स्वामी समर्थ मानस पूजा १२४) श्री शिव मानस पूजा १२५) शनी स्तोत्र

पान १६

१२६) श्री दत्तात्रेय स्तुती १२७) नवरात्र अष्टमी होम १२८) देवीची गाणी, संबळ गीत, जोगवा, आरत्या इत्यादी. १२९) श्रीमहिषासुरमर्दिनी स्तोत्र यूट्यूबवर.

पान १७

१३०) श्री ज्ञानदेव हरिपाठ १३१) श्री देवी कवच १३२) सिद्धमंगल स्तोत्र १३३) रघुपति राघव राजा राम - भजन १३४) पंचमुखी श्रीवीरहनुमत्कवच स्तोत्र १३५) श्रीपञ्चमुख हनुमत्कवचमंत्र

पान १८
१३६) श��री महालक्ष्मी माहात्म्य १३७) संस्कृत स्तोत्रांच्या लिंक्स (वरदा यांची पोस्ट) १३८) काकड आरतीच्यावेळचा अभंग १३९) भग्वद्गीता ऑडियो लिंक (monalip यांची पोस्ट) १४०) महालक्ष्म्याष्टक स्तोत्रा - ऑडियो लिंक (भरत मयेकर यांची पोस्ट)

पान १९
१४१) चंदन चावल बेल की पतिया - संत मीराबाईंचे भजन १४२) कालभैरव अष्टकम् (यूट्युब लिंक) - tapasvi यांची पोस्ट १४३) कुबेर मंत्र (यूट्युब लिंक) - tapasvi यांची पोस्ट १४४) श्रीगजाननमहाराजांचे प्रति २१ नमस्कारांचे स्तोत्र १४५) स्वामी स्वरुपानंद - ज्ञानेश्वरी (mukti यांच्या पोस्टमधील यूट्यूब लिंक) १४६) दत्तलीलामृत आणि सिद्धलीलामृत - लिंक - राधिका यांची पोस्ट १४७) प्रारंभी विनती करु गणपती... १४८) श्रीगुरुचरित्र - अध्याय १४वा १४९) वदनी कवळ घेता, नाव घ्या मातृभूचे ! १५०) श्रीज्ञानेश्वरस्तोत्रम् १५१) गजानन बावनी

पान २०
१५२) स्तोत्रांच्या ऑडियो फाईल्सची लिंक (श्रीकांत यांची पोस्ट) १५३) श्रीवासुदेवानन्दसरस्वतीविरचित गणपतिस्तोत्र १५४) श्रीगणेशकवच : संकटनाशन श्रीगणेशस्तोत्र १५५) श्रीसदाशिवेन्द्रस्तवः १५६) श्रीदिनेशस्तवः १५७) ललितापञ्चरत्नम् १५८) त्रिपुरा सुन्दरि स्तोत्र १५९) विंध्यवासिनीचे स्तोत्र १६०) श्री विंध्यवासिनी माता आरती १६१) मह��षासुरमर्दिनी स्तोत्रम १६२) पाण्डुरङ्गाष्टकम

पान २१
१६३) स्वामी स्वरुपानंद (पावस) यांची रचना १६४) सद्गुरु सुबोध - श्री गोंदवलेकर महाराज १६५) रामदासस्वामी रचित अंबेची नवरात्राची आरती १६६) संत एकनाथ महाराज रचित अंबेचा जोगवा १६७) एकश्लोकी रामायण १६८) एकश्लोकी मारुती स्तोत्र १६९) एकश्लोकी भागवत १७०) श्रीविष्णोषोडशनामस्तोत्रं १७१) वाढदिवसाला म्हणावयाची प्रार्थना १७२) श्री तुळजाभवानी अध्याय व तुळजाभवानी कवच - केदार लसणे याच्या पोस्टमधली लिंक १७३) स्वा.सावरकर रचित स्वतंत्रतादेवी-स्तोत्र : जयोस्तुते १७४) जिव्हा प्रार्थना

पान २२

१७५) श्रीराधाकृतं गणेशस्तोत्रम् - अभी यांची पोस्ट्/लिंक १७६) श्री दत्त अथर्वशीर्ष १७७) एम. एस. सुब्बलक्ष्मी यांच्या आवाजातील महिषासुरमर्दिनी स्तोत्र डाउनलोड करण्यासाठी.लिंक १७८) ए. आर. रेहमान यांच्या अल्बम मधील महिषासुरमर्दिनी स्तोत्र डाउनलोड करण्यासाठी लिंक १७९) दत्तमंगलचण्डिकास्तोत्रम् १८०) ज्वरनाशकस्तोत्रः १८१) दशरथ महाराज रचीत शनैश्चर स्त्रोत्र १८२) श्री गणपती विघ्ननाषना मंगलमुर्ती मुषकवाहना १८३) संपूर्ण अच्युताष्टक - लिंक (अभी यांची पोस्ट) १८४) महामृत्युंजय जप

पान २३
१८५) शनि वज्रपंज्जर कवचम १८६) दासबोध (लिंक) - श्रीकांत यांची पोस्ट १८७) गजेंद्रमोक्ष स्तोत्र १८८) कौसल्या सुप्रजा रामा

पान २४
१८९) कुंजिका स्तोत्र १९०) मंदिरात पादुकांना नमस्कार करतांना म्हणायचा श्लोक. १९१) श्री रेणुका स्तोत्र १९२) मानसपूजा (आत्मपूजा) १९३) गायत्री मंत्राचा अर्थ (शशांक पुरंदरे आणि परब्रह्म यांची पोस्ट) १९४) श्री दत्त कवच १९५) नवग्रह स्तोत्र (पौराणिक आणि वैदिक मंत्रांचे संकलित स्तोत्र) १९६) गुर्वभिन्न गणेश स्तुति १९७) गीतिपूर्वं श्रीगणपतिस्तोत्रम्

पान २५
१९८) नारायण सूक्त १९९) नारायण कवच २००) व्यंकटेश स्तोत्र २०१) श्रीगुरुपादुकाष्टम् २०२) स्वर्णाकर्षण भैरव स्तुती

पान २६
२०३) श्री गुरुगीता २०४) श्रीहरि स्तोत्र २०५) श्रीदुर्गापदुद्धारस्तोत्रम् २०६) समर्थ वाड्मयासाठी लिंक - मी_आर्या यांची पोस्ट २०७) रात्री शांत झोप लागण्यासाठी श्लोक २०८) तुळस तोडतांना म्हणायचा मंत्र २०९) भगवान शिव प्रात: स्मरण स्तोत्र २१०) श्रीदत्तदास नारायण गोविंद उकिडवे विरचित प प टेंबे स्वामींची आरती

पान २७
२११) गणेश स्तुती २१२) रामदास स्वामी रचित संपूर्ण गणपती आरती २१३) ऋण विमोचन नरसिंह स्तोत्रं २१४) लक्ष्मी सूक्त २१५) श्री सूक्त २१६) श्री प्रज्ञावर्धि��ी स्तोत्र २१७) मंत्रमातृकापुष्पमालास्तवः २१८) अन्नपूर्णास्तुतिः २१९) श्री बालमुकुन्दाष्टक. २२०) शाकंभरी (शताक्षी) माहात्म्यम्

पान २८
२२१) आरती भुवन सुंदराची | इंदिरावरा मुकुंदाची - लिंक (माधव यांची पोस्ट) २२२) ऋणविमोचन गणपति स्तोत्र २२३) अर्गला स्तोत्र २२४) श्री हनुमान वडवानल स्तोत्र २२५) निर्भय निर्गुण (संत कबीर) २२६) शुन्य गढ शहर, शहर घर बस्ति, कोन सुता कोन जागे है (गोरक्षनाथ) २२७) कबिर भजन - सुनता है गुरु ग्यानी २२८) लक्ष्मीनृसिंह करावलंबस्तोत्र २२९) शनैस्चर कृत श्री नृसिम्ह स्तुति २३०) कार्थ वीर्यार्जुन द्वादश नाम स्तोत्रम

पान २९
२३१) गोविंद नामावली २३२) श्री अक्कलकोट स्वामी स्तवन २३३) "आरती संग्रह (मराठी)" अ‍ॅन्ड्रॉईड अ‍ॅपची लिंक २३४) गोंदवलेकर महाराजांची प्रवचने (अ‍ॅप्लिकेशन लिंक) २३५) अन्नपूर्णा स्तोत्र २३६) श्रीहनुमदष्टकम्‌, शिवकवच (सम्पूर्ण) (लिंक) २३७) वराह कवच - बाधामुक्तीसाठी (लिंक) २३७) चिदम्बरेश्वर शिव स्तोत्र (लिंक) २३८) नारायण स्तोत्र २३९) सीतानवमीच्या दिवशी म्हणायचा जप २४०) श्री साईनाथांची अकरा वचने २४१) शतश्लोकी रामायण २४२) श्रीरामहृदयम् २४३) ब्रह्मचिंतन २४४) सर्व-कामना-सिद्धि स्तोत्र

पान ३०

२४५) मृत्युंजय कवचम् २४६) अनसूयेचे स्तोत्र २४७) अष्टक १ ले (नवरात्रात रोज म्हणायचे. वृत्त चामर.) २४८) गुरु शरणम् २४९) लक्ष्मी कवच २५०)अन्नपूर्णाष्टकम् स्तोस्त्रम् २५१) व्यंकटेश्वर वज्र कवच स्तोत्र २५२) श्रीपरशुराम स्तुती

पान ३१

२५३ ) परशुरामसहस्रनामस्तोत्र २५४) श्रीपरशुरामाष्टकम् २५५) परशुरामाष्टाविंशतिनामस्तोत्रम् २५६) परशुरामस्तोत्रम् २५७) http://sanskritdocuments.org/sanskrit/by-category/stotra.php २५८) कर्‍हाडच्या कृष्णामाईचं स्तवन

पान ३२
२५९) इंदुकोटी स्तोत्र २६०) इंदूकोटी स्तोत्र (यूट्यूब लिंक) २६१) दारिद्रयदुःखदहन शिवस्तोत्र २६२) गौरीची प्रार्थना

पान ३३
२६३) एकनाथी भागवत - भाग १४ मधील काही भाग २६४) हनुमंता रामदूता वायुपुत्रा महाबला २६५) दत्तात्रेय कवचम

विषय:

धार्मिक-साहित्य

शब्दखुणा:

स्तोत्र

Groups audience:

धार्मिक

Group content visibility:

Public - accessible to all site users

शेअर करा

॥श्रीमत् कार्तिकेयमहात्मे

॥श्रीमत् कार्तिकेयमहात्मे प्रज्ञाविवर्धन स्तोत्र॥

(प्रज्ञाविवर्धन स्तोत्र हे सर्व विद्यार्थ्यांना उपयुक्त असे आहे. कार्तिक मासात याचे रोज अकरा वेळा पठण केल्याने विद्यार्थ्यांना नक्कीच फायद्याचे ठरेल. सर्वप्रथम एकदाच संकल्प करावा. नंतर अकरा वेळा अठ्ठावीस नावांचे(पहिल्या चार ऋचा) पठण करावे. आणि शेवटी एकदाच फलश्रुती म्हणून स्तोत्रपठणाचा शेवट करावा.)

अस्य श्रीप्रज्ञाविवर्धन-स्तोत्र-मंत्रस्य सनत्कुमारऋषि:। श्रीमत् कार्तिकेयो देवता। अनुष्टुप् छंद:। मम सकल विद्यासिद्ध्यर्थं जपे विनियोग:।

श्री स्कंद उवाच।।
योगीश्वरो महासेन: कार्तिकेयोSग्निनन्दन:।स्कंद:कुमार: सेनानी: स्वामीशंकरसंभव: ।।१।।
गांगेयस्ताम्रचूडश्च ब्रह्मचारी शिखिध्वज:।
तारकारिरुमापुत्र: क्रौंचारिश्च षडानन: ।।२।।
शब्दब्रह्मसमुद्रश्च सिद्ध:सारस्वतो गुह:।
सनत्कुमारो भगवान् भोगमोक्षफलप्रद: ।।३।।
शरजन्मा गणाधीशः पूर्वजो मुक्तिमार्गकृत। सर्वांगमप्रणेताच वांछितार्थप्रदर्शन: ।।४।।

फलश्रुती
अष्टाविंशति नामानि मदीयानीति य: पठेत्।
प्रत्यूषे श्रद्धया युक्तो मूको वाचस्पतिर्भवेत् ।।५।।
महामंत्रमयानीति मम नामानुकीर्तनम्।
महाप्रज्ञामवाप्नोति नात्र कार्या विचारणा ।।६।।

|| इति श्री स्कंदपुराणे कार्तिकेयमहात्मे प्रज्ञाविवर्धन स्तोत्रं संपूर्णम् ||
॥श्रीमत्कार्तिकेयार्प्रणमस्तु॥

मंत्र:
नमस्ते शारदा देवी सरस्वती मतिप्रदे।
वसत्वं मम जिव्हाग्रे सर्व विद्याप्रदा भव॥

*॥ॐ शांति: शांति: शांति:॥*

Submitted by मां.रा.वे. on 20 November, 2020 - 00:57

माझ्या भाचीसाठी स्थळ शोधत

माझ्या भाचीसाठी स्थळ शोधत आहोत . पण काही ना काही अडचण येतेच आहेत. तिचे लग्न लवकर आणि चांगल्या ठिकाणी जमावे म्हणून काही उपाय आहेत का ?

Submitted by सुखदा_ on 20 November, 2020 - 01:05

अस्मिता, सुंदर आहे ते

अस्मिता, सुंदर आहे ते लक्ष्मीस्तोत्र.
पण त्यातली लक्ष्मी मला मॉडेलसारखी वाटते. >>>>> या दिवाळीला रात्री महानिशीथकालीन पूजेची तयारी सुरु केली तेव्हाच एकाच फोन आला. महानिशीथकालीन पूजेत लक्ष्मीचे ध्यान कृष्णवर्णीय रूपात करायचे की श्वेतरूपात ? ध्यानात तिचे आसन घुबड घ्यायचे की कमळ असे बरेच लॉजिकल प्रश्न विचारले. मला पण शंका आली म्हणून मी कृष्णवर्णीय ध्यान केले.

Submitted by जिद्दु on 20 November, 2020 - 01:12

प्रज्ञावर्धन स्तोत्र अतिशय

प्रज्ञावर्धन स्तोत्र अतिशय आवडते आहे.

Submitted by सामो on 20 November, 2020 - 03:11

हे कसे घडले आय हॅव्ह अ

हे कसे घडले आय हॅव्ह अ‍ॅब्सोल्युटली नो आयडीया. पण मध्ये एकदा 'धं' नावाचा कुबेरमंत्र गंमत म्हणुन म्हटला. म्हणजे कोणतेही ध्यान न धरता, पण मोठ्याने व हसत खिदळत. दुसर्‍या अक्षरक्षः दुसर्‍या दिवशी माझ्या बँकेत जे पैसे होते त्याच्या जवळ जवळ दीडपट जास्त अमाऊंट अ‍ॅपवरती दिसली. मग फोन करुन रिपोर्ट केले. तेव्हा ती व्यक्ती म्हणाली - आमचे डेटा सोर्सेस चुकल्याने क्वचित असे दिसू शकते. वी आर वर्किंग ऑन इट. .
कुबेराने हसत खेळतच धपाटा दिल्याची जाणीव झाली.

Submitted by सामो on 20 November, 2020 - 04:01

सुखदा , रुक्मिणी स्वयंवर

सुखदा , रुक्मिणी स्वयंवर स्तोत्र म्हणतात अस ऐकून आहे. इथले जाणकार अधिक माहिती देतीलच

Submitted by जाई. on 20 November, 2020 - 03:41

@सुखदा >>> सुयोग्य वर व लवकर

@सुखदा >>> सुयोग्य वर व लवकर विवाहासाठी रुक्मिणी स्वयंवर स्तोत्र वाचायला सांगतात.

Submitted by MazeMan on 20 November, 2020 - 05:24

@जिद्दु.. दिवाळीच्या शुभेच्छा

@जिद्दु.. दिवाळीच्या शुभेच्छा. (उशीरा)

ती कांचीपुरम सिल्कची जाहिरात आहे ...म्हणून ती मॉडल आहे/ वाटते... पण खूप दिवसांनी काही तरी मंगल व शांत ऐकलं असं वाटलं.

Submitted by अस्मिता. on 20 November, 2020 - 09:53

अस्मिता, तुम्हालाबी

अस्मिता, तुम्हालाबी दिवाळीच्या उशिरा शुभेच्छा !
मेल टाकतो निवांत असल्यावर....ट्रेडसिक्रेट्स इथे नाय लिहता येणार

Submitted by जिद्दु on 20 November, 2020 - 08:46

>>>..ट्रेडसिक्रेट्स इथे नाय

>>>..ट्रेडसिक्रेट्स इथे नाय लिहता येणार Proud>>>सांगा की

Submitted by सामो on 20 November, 2020 - 08:55

नक्की वाट पहाते. आभार जिद्दु

नक्की वाट पहाते. आभार जिद्दु.

Submitted by अस्मिता. on 20 November, 2020 - 09:53

शिवशक्ती मंत्र...

शिवशक्ती मंत्र... शतांगौरमंत्र
ऐकायला जबरदस्त वाटते. अनुभूति संमोहक आहे.
माझ्या रिपीट मोडवर आहे. (श्रवणभक्ती)
कुणाला याबाबत अधिक माहिती असेल तर प्रकाश टाकावा.
फट् स्वाहा असल्याने कुणालाही जप करण्यासाठी सुचवत नाही. बीज मंत्र वाटतोयं.

Submitted by अस्मिता. on 20 November, 2020 - 18:39

सुखदा,

सुखदा,
रुक्मिणी स्वयंवर वाचणे हा स्टँडर्ड उपाय आहे.
जर मंगळ असेल तर मंगळवारी उपास करणे आणि/किंवा गणपतीस्तोत्र रोज किंवा दर मंगळवारी म्हणणे.
विश्वास असल्यास चांगल्या ज्योतिषांना पत्रिका दाखवून लग्नाचा योग आहे का , महादशा, अंतर्दशा कोणत्या आहेत हे बघणे. ते स्तोत्र तसेच रत्नही टिपिकली सुचवतात.

Submitted by सनव on 20 November, 2020 - 19:28

नवनाथ कथासाराचा 28 वा अध्याय

नवनाथ कथासाराचा 28 वा अध्याय वाचायला सांगतात विवाह योगासाठी.

Submitted by अर्पणा on 20 November, 2020 - 20:08

वर प्रज्ञाविवर्धनस्तोत्राखाली

वर प्रज्ञाविवर्धनस्तोत्राखाली सरस्वतीचा मंत्र नसून श्लोक आहे आणि तो नमस्ते शारदा देवी नसून नमस्ते शारदे देवी असा आहे. श्लोक आणि स्तोत्रे हे वैखरीतच म्हणावे लागतात.

हे एक माझ्या वापरातील सरस्वती स्तोत्र -

Submitted by जिद्दु on 21 November, 2020 - 22:32

वैखरीत म्हणजे ?

Submitted by वर्णिता on 21 November, 2020 - 23:47

वाणीचे चार प्रकार आहेत वैखरी,

वाणीचे चार प्रकार आहेत वैखरी, मध्यमा, परा, पश्यंति. वैखरी- ऐकू येणारे शब्द. पुढे वैखरी, राम आधी वदावा...

Submitted by Barcelona on 22 November, 2020 - 00:44

ओके सीमंतिनी.

Submitted by वर्णिता on 22 November, 2020 - 01:32

वैखरी, मध्यमा, परा, पश्यंति.

वैखरी, मध्यमा, पश्यन्ती, परा . वैखरी म्हणजे मोठ्याने , मध्यमा म्हणजे पुटपुटत, पश्यन्ती म्हणजे ह्रदयात (जिभेची हालचाल नाही), परा म्हणजे कुठेच नाही तरीही श्वासाबरोबर आपोआपच होणारा अविरत जप... (हे कठीण आहे कारण आपण पुनःपुन्हा पश्यन्ती मध्ये परत येतो)

विकीकडून साभार----
नामस्मरण करताना आपल्याला चार वाणींचा आधार घ्यावा लागतो, त्या चार वाणी म्हणजे

1. वैखरी वाणी = जी आपण उच्चार करतो ती.

2. मध्यमा वाणी = जी आपण मंद मंद गुणगुणतो ती.

3.पश्यन्ती वाणी = नामस्मरण साधनेतील स्मरण निजध्यासन अवस्था म्हणजे पश्यन्ती वाणी होय यात साधक इंद्रियांच्या क्षुद्र आनंदाकडे खेचला जात नाही.

4. परा वाणी = या वाणीत साधक जास्तवेळ थांबुशकत नाही, पश्यन्ती वाणीतून साधक वीज चमकावी तसा परावाणीत पुन्हा पुन्हा प्रवेश करुन पुन्हा पुन्हा पश्यन्ती वाणीत परततो काही वेळा ती अवस्था तीव्र आंदोलीत होते त्या वेळी साधकाला अंतःकरणातील भगवंताचे काही क्षण का होईना दर्शन होते. त्या दर्शन होण्यालाच

"देवाचीये द्वारी उभा क्षणभरी ।"

असे संत ज्ञानेश्वर माऊलींनी संबोधले आहे.

Submitted by अस्मिता. on 22 November, 2020 - 08:37

इंटरेस्टींग! मग 'पुढे वैखरी,

इंटरेस्टींग! मग 'पुढे वैखरी, राम आधी वदावा' ह्याचा अर्थ काय? वदणे/बोलणे ह्यासाठी जिभेची हालचाल होते, मग ती वैखरीच झाली ना? मग मग पुढे वैखरी आणि आधी पण वैखरी असा अर्थ होईल, काहीतरी गडबड होते आहे. जाणकारांनी लॉजिकल प्रकाश टाकावा.

Submitted by हरचंद पालव on 22 November, 2020 - 08:50

मलाही फार सखोल माहिती नाही...

मलाही फार सखोल माहिती नाही... वाट बघू

Submitted by अस्मिता. on 22 November, 2020 - 09:23

पुढे वैखरी, राम आधी वदावा -

पुढे वैखरी, राम आधी वदावा - https://www.loksatta.com/manoyog-news/mind-meditation-1197253/
ध्वनी-जप आणि त्याच्या अवस्था यांचा ज्यांना मुळातून अभ्यास करायचा आहे आणि तशी आवड असेल तर प्रत्यगात्मानंद सरस्वतींच्या "'जपसुत्रं'' ह्या खण्डात्मक कृतीचा आस्वाद घ्यावा. चौखम्बाने काही खंड प्रकाशित केलेत पण उरलेला भाग प्रकाशित होऊ शकला नाही जो मूळ बंगालीतकृतीत आहे उपलब्ध.

Submitted by जिद्दु on 22 November, 2020 - 09:18

जिद्दु , मला प्लीज

जिद्दु , मला प्लीज ब्रुहदारण्यका बद्दल काही माहिती सांगा... किडा वळवळतोयं....

Submitted by अस्मिता. on 22 November, 2020 - 09:23

अस्मिता, आम्ही पडलो शाक्त....

अस्मिता, आम्ही पडलो शाक्त.... अमुकतमुक करा असा ''आदेश'' आल्यावर तीच कृती करतो आणि प्रचिती घेतो. वेद, वेदांत, उपनिषदे वगैरे मृगजळांपासून चार हात लांब राहतो. नाही म्हणायला अथर्ववेदाच्या क्रियात्मक पक्षाचा थोडाफार अभ्यास आणि किंचित अनुभव आहे. त्याच्याबद्दल काही असेल तर सांगू शकतो.

Submitted by जिद्दु on 22 November, 2020 - 09:53

आम्ही पडलो शाक्त..

आम्ही पडलो शाक्त..
हे त्या कुळाप्रमाणे ठरते की स्वतःच्या कलाने... >>

कारण मी जन्माने वैष्णव (देव / शाळीग्राम) डब्यात आहे आणि आराध्य पण चतुर्भुज नारायणच आहे (तो कल आहे/आवड का कंडिशनिंग कळत नाही, आईला देवीची उपासना आवडते मला नारायण कृष्ण याशिवाय काही सुचत नाही. सक्ती कशाचीच नव्हती. हे कसे ठरते. )

थोडाफार अभ्यास आणि किंचित अनुभव आहे. त्याच्याबद्दल काही असेल तर सांगू शकतो.>>>

तुम्ही जरूर सांगा...

Submitted by अस्मिता. on 22 November, 2020 - 10:00

आता इथेच थांबू. परवा रात्री

आता इथेच थांबू. परवा रात्री नक्की मेल करतो

Submitted by जिद्दु on 22 November, 2020 - 10:04

बरं बरं , खूप आभार...

Submitted by अस्मिता. on 22 November, 2020 - 10:20

जिद्दु, लिंकबद्दल आभार. परंतु

जिद्दु, लिंकबद्दल आभार. परंतु मला त्यातलं फारसं पटलं नाही. '‘आधी’ म्हणजे पाया' - असा अर्थ बरोबर आहे का? मग आणखी कुठे आधी हा शब्द पाया ह्या अर्थाने वापरला गेला आहे? आणि 'राम आधी वदावा' म्हणजे काय 'राम पाया वदावा'? छे! काहीतरीच वाटतं ऐकायला. नुसता 'आधी' हा शब्द सुटा काढून त्याचा 'पाया' हा अर्थ लावून उपयोग नाही, तो त्या वाक्यात तिथे का आला आहे, पुढचे-मागचे शब्द असे का आहेत, हे कळल्याशिवाय नक्की अर्थ उमगणार नाही.

शिवाय प्रभाते मनी राम चिंतीत जावा, पुढे वैखरी - इथपर्यंत त्यांचा अर्थ बरोबर लागतो (आणि तो मला आधीही तसाच वाटला होता), पण त्यानंतर 'राम आधी वदावा' हे आलं आहे. आधीच्या ओळीत 'राम चिंतीत जावा' हे आल्यावरही पुढच्या ओळीत 'राम आधी वदावा' ही वेगळी कृती समर्थ इतक्या अघळपघळ अर्थाने वापरतील हे पटत नाही.

Submitted by हरचंद पालव on 23 November, 2020 - 02:19

प्रभाते मनी राम चिंतित जावा

प्रभाते मनी राम चिंतित जावा
>> प्रभातकाळी/ पहाटे , जाग आल्यावर सर्वात आधी रामाला आठवावा (इतर काही करायच्या आधी)

पुढे वैखरी राम आधी वदावा
>> आणि नंतर आपल्या वाणीनं/मुखानं सर्वात आधी रामनाम घ्यावं (इतर काही बोलायच्या आधी)

Submitted by अर्पणा on 23 November, 2020 - 05:29

मुखानं सर्वात आधी रामनाम

मुखानं सर्वात आधी रामनाम घ्यावं >> मुखाने नाम घेतलं म्हणजे ते पण वैखरीच झालं ना?

Submitted by हरचंद पालव on 23 November, 2020 - 07:13

Pages