मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by desh_ks on 26 February, 2008 - 06:33
कधी काळजाचा तुझ्या ठाव होते,
कधी पैलतीरी उभी नाव होते ।
कधी निग्रही मौन, केव्हां दुरावा,
कधी आर्जवी लीनसा भाव होते ।
कधी जीत उन्मत्त द्वंद्वातली, तर
कधी हारला पूर्ण पाडाव होते ।
कधी तृप्त मौनातला शब्द होते,
इरेला कधी पेटला डाव होते ।
कधी मुक्त निर्लेप यात्री, तसे मन
स्मृतींचा कधी जागता गाव होते ।
-सतीश
गुलमोहर:
शेअर करा
सुंदर
आवडली
मस्त
कधी मुक्त निर्लेप यात्री, तसे मन
स्मृतींचा कधी जागता गाव होते ।
मस्त आहे कविता
सुधीर