डाळ/तांदूळ ढोकळा

सहि मस्तच

मस्तच!
आई यात लसूण नाही घालत, आले, मिरच्या, धने, कोथिंबीर वाटून लावते.

वाचून लग्गेच उठून तांदूळ-डाळी भिजत घातल्या.

ढोकला ज्या पातेल्यात करतात त्याबद्दल कोणी लिहू शकेल का जास्त...

माझ्याकडे राइस कुकर आहे.
मोठ्या पातेल्यात पाणी घालून त्यात भांडं ठेवूनही वाफ आणतात ना बरेच जण...की ही चुकीची माहिती आहे.

मला हा ढोकळा जमला ना सिंडे, तर तुला मोदक पाठवणार...मला कधी मेला जमत नाही. तोंडात मारल्यासारखा होतो...फुलत नाही अजाबात. गिट्सचा केला तरी जमत नाही. थकलेय मी एकदम ढो च्या रेसिपीला. ही तुझीवाली रेसिपी हात देईल अशी आशा आहे. उद्या काय ते सांगण्यात येईल.

चिवा, मी साध्या प्रेशर कुकरमध्ये कुकरच्या भांड्यात करते. शिट्टी काढून टाकायची वाफवताना.

मी सांगते त्याप्रमाणे बघ जमतोय का ते. वरचा डाळ्+तांदूळ असो की गिट्स, दीप, चितळे पाकिटांचा असो.

सगळ्यात पहिलं म्हणजे कुकरमध्ये खालची जाळी बुडेल इतकं पाणी घालून अगदी बारीक गॅसवर ठेवून दे.
कुकरच्या भांड्यात ही ढोकळा मिक्स काढून घे. हाताने गुठळ्या मोडून घे. हे पाणी घालायच्या आधीच कर कारण पाणी घातल्यावर पटापट फेटायला हवा हाताने.
पाकिटावर जर १.५ कप पाणी लिहिलं असेल तर त्यापेक्षा जरा कमी पाणी घे. सव्वा कप वगैरे. आता हे हळूहळू घालत पटापट फेट हाताने. सगळं फेटून झालं की त्या मिश्रणात तेल घाल. दोन तीन मोठे चमचे साधारण. पुन्हा एकदा मिक्स कर आणि कुकरला शिट्टी काढून लाव. गॅस मिडीयम हवा. जर पधरा मिनिटं वाफवा म्हटलं असेल तर तू सतरा मिनिटं वाफव. गॅस बंद केलास की कुकर बंद ठेवून तसंच पाच मिनिटं आत असू देत मिश्रण. कुकरचा डबा बाहेर काढलास की दोन तीन ठिकाणी सुरी घालून नीट झालाय ना बघ आणि गार होईपर्यंत तसाच डब्यात असू देत. मग वड्या काप.

ओके ओके...आता असं करून बघते...आणि सांगते कसा झाला ते... ठांकू गं.

सिंडे मस्त रेसिपी. मी पण सकाळी सकाळी भिजत घालतेय अत्ता, बघु या कसा जमतोय करायला,

व्वा मस्त रेसिपी आणि फोटोज पण.. मी तर MTR / gits चे करुन वाहवा मिळवते.. आता हे नक्की करुन बघेल . धन्स....

ढोकळा हा मला कधिही न जमणारा आणि म्हणूनच माझा ऑल टाईम फेवरिट पदार्थ आहे. हे नक्के करून पहाणार आहे. चिवा, तुझ्या ढोकळ्याचं काय झालं? हिट की मिस?
सिंडीबाय थांकू.

अगं केलाच नाही... पालक घालून धिरडीश काहीतरी केलं.
आंबलं नव्हतं. घरी सोडा नव्हता.

काल इनो आणला...आता करणारे. या विकएन्डला...नक्क्की...

सिंडरेला,
मस्त आहे की तुझी पाकृ. मला ढोकळा खूप आवडतो.
पण तु साखर घातली नाहीस का अज्जिबात?
मला गोड ढोकळा आवडतो...

चिवा मुंबईत असतेस ना तू? इथे हे पीठ इडलीसारखंच छान आंबतं. मस्त होतोत ढोकळा एकदम. सोडा न घालता कर शक्यतो... पण मुंबई सोडून कुठे असशील तर आंबण्याबद्दल काही नाही सांगणार

सिंडरेला, तुझ्या आईला माझे आभार सांग आणि तुलाही. कालच केला होता आज डब्यातपण आणलाय. फक्त कॅमेर्‍याने माझ्यापासुन घटस्फोट घेऊन लेकिशी घरोबा थाटल्याने मला फोटु डकवता आलेले नाहीत.
पण चविला अतिषय अप्रतिम झाला होता म्हणुन लगे हाथ हापिसात पण आणला. आता माझं कौतुक करणारी चार माणसं अजुन वाढतील. धन्यवाद ग तुला.

मी पुन्हा भिजवलं पीठ. पण ते नाहीच्चे आंबत...काय करू आता...मी त्यात इनो (खास आणला परवा ढोकळ्यांसाठी) घालून पाहिला, ताक घालून पाहिलं...पण पीठ जैसे थे...प्लीज मदता.

मंजूडी, मी सध्या डॅलसमध्ये...

चिवा, घरात एसी असेल ना ? पीठ ३-४ तास बाल्कनीत, गराजमधे ठेवता येईल का ? मस्त आंबेल तिथे .

चिवा, सोडा घातला तर जोडीला काहीतरी आंबट घालायला हवं फसफसायला. लिंबूरस / सायट्रिक अ‍ॅसिड यांपैकी काहीतरी चमचाभर घालून बघ. सोडा+आंबट घातल्यावर मिश्रण फेसाळेल, हा फेसच उकडत लावायचा आहे. (म्हणजे फेसाळल्यावर वेळ जाऊ द्यायचा नाही.) त्यासाठी कुकरला पाणी उकळत ठेवून मगच सोडा घालायचा.
सोडा घालून केला तर फोडणीत हळद घालायची नाही. लाल होते.

माझे तर ढोकळ्यांच्या ऐवजी हमखास ठोकळे होतात. आता या पध्दतीने करून बघेन.

मामी

मेधा, गराज नाही गं...अपार्टमेंट हाये.

स्वाती, मी अगदीच चुका -खिळे करून ठेवलेत म्हणजे. सकाळी सोडा घातला...मेलं काहीच होताना दिसत नाही म्हणून मीठ, हळद घालून ठेवली. म्हटलं संध्याकाळी तुम्हा लोक्स ना विचारून काय ते करू...

आता काय करू....आता तांबडा होईल का ढोकळा...ताक घालून ठेवलय शिवाय...एडिबल तरी राहील ना हे सर्व...

संध्याकाळी गेल्यावर एक चमचा लिंबूरस घालून बघ. फेसाळलं तर ढोकळा होईल, नाहीतर या वेळी पाटवड्या म्ह्णून खा.
पुढच्या वेळी सोड्याचं लक्षात ठेव. नक्की चांगला होईल.

चिवा, मला बिघडलेला ढोकळा पण खूप आवडतो. माझ्याकडे घेवून ये.
आता हे ढोकळा प्रकरण करायलाच हवं ह्या विकांताला.

आज डाळी भिजत टाकायचा प्लॅन आहे..

हां...शुम्पे, चलेगा...त्या निमित्तानं भेटूया...
स्वाती, ट्राय मारते...

नाही जमला.

स्वाती, लिंबू आणि सोडा घातला घरी गेल्यावर, ते फसफसलं पण सगळं नाही. आणि हे घातल्यावर ढवळायचं की नाही. मी काहीतरी फारच चूक केलं बहुधा.

मग खरंच पाटवडीश काहीतरी करून चेपलं. चव चांगली होती पण ढोकळा कधी जमणार मला?

चिवा नॉट टु वरी. मी अत्ताच ब्रेक फास्ट म्हणुन ते ठोकळे खाल्ले. अगदीच वाईट नाही लागत. ईडली आवडेश तर हे खपेल. अगदिच नाही पण थोडासाच फुलला ढोकळा. सकाळि मी मजेत 'फुलले रे पीठ ढोकळ्याचे फुलले रे' म्हणत होते पण शिजल्यावर तो ईडलीचे अपर व ढोकळ्याचे लोअर वर्जन झाला.

भारताबाहेर पीठ आंबवतांना कस लागतो. त्याला फसफसायला हवे ते तापमान मिळणे जरा ट्रीकी असते.
मी कुठलेही पीठ आंबवायचे असेल तर ओव्हन आधी २०० फॅ. ला प्रिहीट करून घेते व मग त्यात पीठ ठेवते रात्रभर. सकाळी एकदम मस्त फुगलेले असते.

छान टिप्स आहे ढोकल्याला मोहरी, हिंगाची फोडणी झाल्यावर
त्यात थोडे पाणी घालावे व मग ढोकाळ्यावर घालावी ढोकला
हलका आणि जाळीदार होतो .

त्यात थोडे पाणी घालावे व मग ढोकाळ्यावर घालावी ढोकला
हलका आणि जाळीदार होतो .>> मी एकदा हा प्रकार केला, ढोकळा ओला झाला हलका नाही.

मोनाली, तू ह्या ढोकळ्यासाठी काय काय कसे कसे केलेस ते लिहीशील का इथे? मी कुठे काय कसे करायला हवे होते ते सांगू शकेन. कदाचित चिवालाही उपयोग होऊ शकेल त्याचा...

सकाळी डाळ तांदुळ भिजत टाकले, रात्री बारिक केले, त्यात आले, लसुण, मीठ, मीरची टाकले.
सकाळी बरे फसफसले असल्याने सोडा टाळला. व कुकर ला लावले जसे ईडली लावतो.

हळद, लसूण, मिरची इत्यादी ढोकळा वाफवायच्या आधी पिठात मिसळ. आणि रात्री पीठ वाटशील ते हाताने चांगले फेटून घे आणि मग झाकण ठेवून आंबवायला ठेऊन दे.