ओरिगामी सुशी विथ मिंट डिपींग सॉस

सहीच. ही सुशी करुन बघायला ( आणि खायलाही ) आवडेल

मस्त आहे गं हि सुशी
जपान्यांना एकदा खायला घालायला हवी (कदाचित जपानी लोक जीव देतील भातात दही मिसळल्यामुळे )

ला>>>>>जो...... सह्हीये.. लग्गेच माझ्या डायरीत उतरून घेतली .. एक्दम तोंपासु..
माझ्याकडे राईस पेपर चं पॅकेट आहे.. त्यातील काही मी विएटनामीज रोल्स साठी वापरले पण नीट गुंडाळण्याची प्रक्रिया तुझ्या लेखातून आताच समजली.नाहीतर मी नुस्त्या पुरचुंड्या करून खाऊन टाकत असे.. सर्व्ह करण्यालायक गुंडाळताच येत नव्हत्या
टुमॉरो इज सुशीताई डे

@ वर्षू

नाहीतर मी नुस्त्या पुरचुंड्या करून खाऊन टाकत असे..

तूच लिहावीस ही वाक्य!! आमच्या घरी थाई स्प्रिंग रोल हा "स्टेपल" असतो. आता लाजो चा प्रकार करून बघते. जबरा वाट्तोय. थँक यू लाजो!

लाजो, वाचल्यावर माझ्याआत अगदी खोलखोल दडलेल्या किंचित सुगरणीला साद घातली गेली. काल जाऊन लगेच सीवीड रोल (सुशी नोरी) आणि राईसपेपर आणले. वासाबी आणली. आताच करून खाऊनही टाकले. मस्तच लागली. सीवीड रोल मुळे आणखीनच ओरीजिनल चव आली. सीफूड नव्हतं तरी चालवून घेता आलं.

सीवीड रोल वापरला तर गुंडाळी करताना शेवटी कसं काय चिकटवायचं बुवा? भातही जरा चिकट हवा ना?

सुशी मला अतिशय आवडते. (उत्साह टिकला तर) आता घरीही करता येईल त्यामुळे आनंद वाटतोय.

भारी दिसतेय रेसिपी लाजो...करून बघायचा मोह होतोय...

आजच लेकीच्या आग्रहाखातर आज डिनरला केली. या आधीही दोनदा करून झालीये पण त्यावेळी फोटो काढले नव्हते.

काकडी, गाजर, आव्हाकाडो सुशी:

लाजो, या रेसिपीकरता पुन्हा एकदा धन्यवाद.

सुशी सही दिसतेय मामी

भारी जमलीये मामी. उजवीकडच्या प्लेटमध्ये सॉय सॉस आणि वासाबी आहे का?

मामी, ती नोरी आहे का? नोरी कुठे मिळते इथे (मुंबई / ठाण्यात) ?
दुसर्‍या डिश मधे वासाबी आहे का? ती कुठे मिळाली?

तुम्ही नोरी वापरुन भातात दही वापरलं का?

धन्यवाद लोक्स.

हो सायो. वासाबी आणि सॉय सॉस.

सावली, नोरी म्हणजेच सीवीड ना? गोदरेजच्या नेचर्स बास्केटमध्ये नोरी, वासाबी मिळाली. तिथे राईसपेपर आणि इतरही अनेक जॅपनीज खाद्यपदार्थ मिळतात.

भाताला दही, आलं-हिरवी मिरची वाटून लावलं आहे. चव फारच छान आली होती.

हो हो. नोरी म्हणजे सीविड. विसरलेच सिविड लिहायला.
गोदरेज नेचर्स बास्केट कुठे आहे ते शोधते आता थँक्यु.

दही आणि नोरी हे एकत्र जरा कठीण आहे माझ्यासाठी.

वॉव सापडलं ठाण्यात आहे त्यांचे दुकान. सिविड ऑनलाईन शॉप मधे दिसलं नाही पण जाऊन विचारते.
महत्वाचं म्हणजे मिसो पेस्ट पण दिसली
थँक्यु मामी.

दही आणि नोरी हे एकत्र जरा कठीण आहे माझ्यासाठी. >>> का? का? विरुध्द आहार की काय ते नाही ना? एकत्र चव आवडत नाही का? दह्याच्या ऐवजी लिंबू पीळ.

विरुद्धाहार नसावा पण मलाही दही-भात घालून सुशी ही कल्पना जरा विचित्र वाटतेय. इथे जी व्हेज सुशी मिळते त्यात
दही नसतं मग त्याचं प्रयोजन काय?

इथे जी व्हेज सुशी मिळते त्यात दही नसतं मग त्याचं प्रयोजन काय>>>> लाजोची सुशी भारतीय चवीची आहे. त्यामुळे भाताला बाईंडींग म्हणून घातलं असेल. भातात आलं मिरचीची पेस्टपण आहे.
लाजोला विचार.

हो, तिचं भारतीय वर्जन आहे त्यामुळे घटकही नेहमीच्या वापरातले आहेत. पण जर चिकट जॅपनीज राईस वापरला तर कदाचित दह्याची गरज भासणार नाही.

दही नावाला गं. भात एकत्र रहायला. मी चांगली आंबेमोहराच्या भाताची सुशी केलीये. तोही तसा चिकट होतोच पण तरीही.

विरुद्धान्न वगैरे नाही. पण दही आणि नोरी एकत्र चव आवडणार नाही.
मुळ सुशी रेसिपी मधे मिरीन ( विनेगर सदृश्य पण बहुतेक याला राईस वाईन म्हणतात. नक्की माहित नाही) घालतात त्याआधी एखादा चिकट वासरहीत तांदुळ आणावा लागेल.

त्याचं प्रयोजन काय >> लाजोची रेसिपी भारतीय आहे म्हणुन त्यापद्धतीने केल्यास दही चालेल.

मुळ सुशी रेसिपी मधे मिरीन >>> इकडे त्याला राईस विनीगर म्हणतात. सुशीचा वेगळा तांदूळही मिळतो.