शेतकरी गीत: आज सण हाय बैलपोळा
शिंगे घासली
बाशींगे लावली
माढूळी बांधली
म्होरकी आवळली
तोडे चढविले
कासरा ओढला
घुंगुरमाळा वाजे खळाखळा हो खळाखळा
आज सण हाय बैलपोळा ||१||
गोंडे बांधले
वेसनी घातल्या
छमच्या गाठल्या
चवर ढाळली
शिक्के उठविले
गेरू फासला
घुंगुरमाळा वाजे खळाखळा हो खळाखळा
आज सण हाय बैलपोळा ||२||
नाव लिहीले
झेंडूहार घातला
झुली चढविल्या
पैंजण घातले
पट्टा आवळला
फुगे बांधले
घुंगुरमाळा वाजे खळाखळा हो खळाखळा
आज सण हाय बैलपोळा ||३||
घुंगरू वाजविले
बेगड चिकटवली
माठोठ्या बांधल्या
गाववेस फिरवीले
गोडधोड केले
सासुसुनाने ओवाळले
नैवेद्य दावला
घुंगुरमाळा वाजे खळाखळा हो खळाखळा
आज सण हाय बैलपोळा ||४||
- पाषाणभेद (दगडफोड्या)
०८/०९/२०१०
धन्य आहात राजे तुम्ही, आमच्या
धन्य आहात राजे तुम्ही, आमच्या घरच्या आणि बालपणीच्या आठवणी डोळ्यापुढे आल्या.
-हरीश
छान कविता.
छान कविता.
मित्रा मुंबेला पोळा सन कुठला
मित्रा मुंबेला पोळा सन कुठला ???
माझ्या गावची आठवण करून दिलीस.
मला रंगीत रंगीत बैल दिसू लागलेत बघ
छान
छान
लै झ्याक भौ..., गावची आटवन
लै झ्याक भौ..., गावची आटवन जाली बगा