वळण

Submitted by हर्षल_चव्हाण on 30 July, 2010 - 12:10

पुन्हा तेच वळण येऊ दे, मी तिथेच उभा असेन...
तुझा हात हाती घ्यायला,
मागच्या वळणावर निसटलेल्या क्षणांना,
पुन्हा भेटायला...
नकळत झालेल्या स्पर्शांनी मोहरूनही,
डोळ्यांत सारे दाटूनही,
कधीच वाहून गेलो नाही...
आता वाटतंय, "... सारं राहूनच गेलं, नाही!"
पण ओळख पुसलेल्या चेहेर्‍यावरती, अनोळखी हसू घेऊन
नको वाटतंय इथे वावरायला...
कुणीतरी हवं आहे, स्वतःचीच ओळख पटवायला...
प्रश्न फक्त एवढाच आहे, वळण आहे की गोलातच झालंय हरवायला?

गुलमोहर: 
कविता
शेअर करा

मला मायबोलीचे नियम अजून व्यवस्थित माहीत नाहीत.

पण बहुधा हे लिखाण कथा विभागातही चालावे.

-'बेफिकीर'!

Submitted by बेफ़िकीर on 18 August, 2010 - 13:44

धन्यवाद बेफिकीरजी, नि गिरीशजी... बेफिकीरजी आपल्या सांगण्याचा अर्थ नाही लागला...

Submitted by हर्षल_चव्हाण on 23 August, 2010 - 11:06

कधीच वाहून गेलो नाही...
आता वाटतंय, "... सारं राहूनच गेलं, नाही!"
प्रश्न फक्त एवढाच आहे, वळण आहे की गोलातच झालंय हरवायला?

मोजक्या शब्दात कितीतरी....अहाहा!

Submitted by भरत. on 24 August, 2010 - 01:42

मस्तच रे मित्रा !
माफ करा बेफिकीरजी पण आपल्याशी सहमत होता येत नाहीये. कविता छंदातच असायला हवी हा नियम असेलही कदाचीत पण प्रत्येक वेळी तो लागु होइलच असे नाही. Happy

Submitted by विशाल कुलकर्णी on 25 August, 2010 - 03:43