गगनावरी तिरंगा ....!!

Submitted by अभय आर्वीकर on 14 August, 2010 - 15:53

Indian_Flag_Pole.gifगगनावरी तिरंगा ....!!

गगनावरी तिरंग्या फ़डकत असेच जावे
ओलांडुनी नकाशे तू ब्रह्मस्थान घ्यावे ....!!

तू प्राण भारताचा, शक्‍ती ध्वजा-पताका
संगे हिमालयाला येण्यास मार हाका
समवेत घे सह्यांद्री, मेरूस ये म्हणावे
ओलांडुनी नकाशे तू ब्रह्मस्थान घ्यावे ....!!

साथीस ब्रम्हपुत्रा, गोदावरी नि यमुना
धारा तरंग स्फ़ूर्ती, देईल पावलांना
कन्या भगीरथाची, रस्ते तिला पुसावे
ओलांडुनी नकाशे तू ब्रह्मस्थान घ्यावे ....!!

तारांगणे उद्याची, कक्षा तुझी असावी
ही मान भारताची, सर्वत्र उंच व्हावी
आता अभय मनाच्या धुंदीस या जपावे
ओलांडुनी नकाशे तू ब्रह्मस्थान घ्यावे ....!!

गंगाधर मुटे
................................................

गुलमोहर: 

वा ! आल्या आल्या राष्ट्रध्वजाच दर्शन घडल .कविता पण छान.

छान!

मुटे सर, एकदम सुंदर. खूप आवडली Happy

फक्त एकच सुधारणा अपेक्षित....

"ब्रम्हस्थान" आणि "ब्रम्हपुत्रा" यातला "ब्रम्ह " हा शब्द "ब्रह्म " असा लिहावा.

छान Happy

भारतमाता की जय...!
स्वातंत्र्यदिन चिरायू होवो...!
बलसागर भारत होवो
विश्वात शोभुनी राहो...

भारतमाता की जय...!
स्वातंत्र्यदिन चिरायू होवो...!
बलसागर भारत होवो
विश्वात शोभुनी राहो...
------------------------