तु

बहरलेला गुलमोहोर मी पाहिलाय
तुझ्या गोड हसण्यातून

बरसलेला आषाढ मी पाहिलाय
तुझ्या अथक बोलण्यातून

बहकलेला मेघ मी पाहिलाय
तुझ्या पाठीवर सोडलेल्या मुक्त केसांतून

गरजणारा सागर मी ऐकलाय
तुझ्या किणकिण करणार्‍या कंकणातून

प्रतिध्वनी प्रेमाचा मी ऐकलाय
तुझ्या नाजुक अनावृत्त मनातून

नाचणारा मोर मी पाहिलाय
तुझ्या सुंदर मोहक पदलालीत्यातून

शामरंगी रंगलेली राधा मी पाहिलीय
तुझ्या शीतल,गंधीत,लाघवी रुपातून

भावविश्वात ईश्वर मी पाहिलाय
तुझ्या मनभावी अस्तित्वातून