फोटोग्राफी : कॅमेरा खरेदी

Submitted by सावली on 16 June, 2010 - 22:32

अग मी दोन आठवड्यांनी स्कीइंगला जाणार आहे. मला कॅमेरा घ्यायचाय. चलशील का माझ्या बरोबर?
२ महिन्यापूर्वीच जपान मध्ये आलेला माझा एक ऑफिसमधला एक सहकारी विचारात होता.
कॅमेऱ्याच्या दुकानात जायच म्हटल्यावर मी एका पायावर तय्यार. तरी त्याला एकदा विचारलं कसला कॅमेरा घ्यायचा विचार करतोयस. माझ्या अपेक्षेप्रमाणे तो डीजीकॅम घेईल असे वाटले मला होते.
आता एसेलारच घेईन म्हणतो.एसेलारने कसले छान फोटो येतात. बाकी कॅमेऱ्याना काही मजा नाही.

आतापर्यंत कुठलाच कॅमेरा कधीही न वापरता त्याच अगदी ठाम मत होत. मी त्याला पॉईंट एन्ड शूट किंवा डीजीकॅम कडे वळवायचा केविलवाणा प्रयत्न फुकटच गेला.
दुसऱ्या दिवशी आम्ही लंच टाईममध्ये बिक कॅमेरा म्हणून एका मोठ्या दुकाना जाऊन कॅननचा डिजीटल एस एल आर घेऊन आलो.
त्याच्या पुढच्या आठवड्यात एक दिवस ऑफिस मध्ये जरा कॅमेरा शिकवणी पण करून झाली. नंतर तो स्कीइंगला जाऊन वैगेरे आला.
परत ऑफिसला आल्यावर त्याला फोटोबद्दल विचारलं तर अगदी वैतागलेला.
अग कसल काय सगळे फोटो नुसते गडद आलेत. आणि माझा एकपण फोटो नाहीये त्यात.
अरे मग काढायला द्यायच ना कोणालातरी म्हणजे तुझा फोटो पण आला असता. इति मी
हो ना पण तो नवीन कॅमेरा कोणालाच धड माहीत नाही कसा वापरायचा तो, मग नाहीच काढले फोटो. परत तो गळ्यात अडकवून मला स्कीइंग पण करता येईना. शेवटी ठेवूनच दिला बेगेत.
माझ्या अगदी मनात येऊन सुद्धा आधीच वैतागलेल्या त्याला "तरी मी तुला सांगत होते..." प्रकारचा डायलॉग मारून अजून त्रस्त केला नाही. फार जवळचा मित्र असता तर अशी संधी अजिबात सोडली नसती हे हि खरं.
याच मित्राने आणखी तीन चार वेळा तो कॅमेरा कुठे कुठे घेऊन जायचा प्रयत्न केला. याच्या आवडी भन्नाट होत्या ट्रेकिंग, कयाकिंग, हायकिंग वैगेरे. प्रत्येक ठिकाणी त्याला तो कॅमेरा म्हणजे गळ्यात लोढणच वाटल. शेवटी त्याने एक छोटासा डीजीकॅम घेतला जो आता त्याच्या स्पोर्ट्स मध्ये त्याला साथ देतो.

पण हे बऱ्याच वेळा घडत कि नाही? आपल्याला कुठेतरी नवीन ठिकाणी जायचं असतं आणि अगदी शेवटच्या क्षणी आपण कॅमेरा खरेदी करतो. मग कॅमेरा वापरायचा माहीत नसला तर मनस्ताप होतो, नवीन ठिकाणाचे धड फोटोही येत नाहीत आणि वर स्कीइंग वैगेरे सारख्या गोष्टीमध्ये तर त्याची अडचणच होते.
कपडे विकत घेताना पण आपण बघतो ना आपल्याला काय शोभेल? काय वापरता येईल? मग कॅमेरा खरेदी करताना सुद्धा या गोष्टी बघायला नको का? आता माझ्या सांगण्याचा उद्देश एस एल आर कॅमेरा घेऊ नये असा नाहीये. तर आपल्याला वापरता येईल असा सुयोग्य कॅमेरा घ्यावा असा आहे.
म्हणजे या माझ्या मित्रासारख जर तुम्हाला कुठे नवीन ठिकाणी नवीन गोष्ट स्पोर्ट्स इ. करायला जायचं असेल तर तेव्हा नवीन एस एल आर कॅमेरा घेऊन जाऊन निराशाच पदरी येणार. त्यापेक्षा मग डीजीकॅम घेतलेला केव्हाही चांगला.
तुमची मुळात जर फोटोग्राफीची आवड नसेल तर एक कॅमेरा त्याच्या लेन्स, आणि अजून जे काय साहित्य लागत ते सगळ घेऊन प्रवास करणे हायकिंग करणे हा एक त्रास होऊन बसतो.
म्हणून कॅमेरा घ्यायचा ठरवताय मग जरा या बाबींकडे लक्ष द्या

तुमच्या कडे कॅमेरा कधीच नव्हता आणि आता पहिल्यांदाच घ्यायचाय
मग साधा फिल्मचा पॉईंट एन्ड शूट कॅमेरा सुद्धा चालेल. कोणत्याही घरगुती प्रसंगाचे ट्रीपचे फोटो नीट काढता येतात वापरायला सोपा एकदम. फिल्म असल्याने फोटो काढून झाले कि फिल्म डेव्हेलेप्मेंटला स्टुडीयोमध्ये दिली कि काम झालं.
तुम्हाला कॉम्प्युटर वापरता येत नसला तर फिल्मवाला कॅमेरा उत्तमच.फक्त फिल्मवाला कॅमेरामध्ये काढलेले फोटो डेव्हेलप झाल्याशिवाय कसे आलेत ते कळत नाही.
डीजीकॅम सुद्धा पॉईंट एन्ड शूट भागातच येतो. पण डीजीकॅम घेतलात तर तुमच्याकडे कॉम्प्युटर असणे आणि तो नीट वापरता येणे जरुरीचे आहे. डीजीकॅम मध्ये काढलेले फोटो मागेच डीजीकॅमच्या स्क्रीन वर बघता येतात हा सगळ्यात महत्वाचा फायदा. नवीन डीजीकॅममध्ये बरयाच सोई पण असतात. म्हणजे टच स्क्रीन, ओटो फोकस,ऑतो फ्लाश इ. बरेच काही.
Canon Cybershot,Sony ixy, Nikon Coolpix, Casio यातले नवीन मॉडेल बघुन घेता येईल. घेताना जरा मेमरी कार्डकडे लक्ष द्या. सोनी साठी स्पेशल कार्ड लागतात ते महाग असतात. बटरीकडे लक्ष द्या, काही काही मध्ये आपले पेन्सिल सेल पण चालतात. त्याना वेगळा चार्जर लागत नाही.
अजून वरच्या ऑप्शन मध्ये एस एल आर लाईक कॅमेरा पण येतो. हा एस एल आर सारखा दिसतो. पण याच्या लेन्स बदलता येन नाहीत. हलका असतो. तरीही याची रेंज बरीच असते म्हणजे जवळचे लांबचे असे फोटो काढता येतात (10X zoom, 18x zoom etc). हे कॅमेरे जरा महाग असतात.
यातहि बरीच नवीन मॉंडेल असतात याची काही उदाहरणे म्हणजे Panasonic Lumix, Panasonic FZ,Canon S5 IS,Canon PowerShot, Nikon P80,Sony H50,Olympus SP-590

तुमच्या कडे पॉईंट एन्ड शूट कॅमेरा आहेच पण एक एस एल आर पण घ्यायचाय, असाच केव्हातरी वापरायला.
नक्की घ्याच कारण हौसेला मोल नसत. एस एल आर कि डिजीटल एस एल आर हे सर्वस्वी तुमच्या कॉम्प्युटर वापरता येण्यावर,आणि बजेटवर अवलंबून आहे. कॅनन कि निकॉन हा वादहि व्यर्थ आहे. दोन्ही मध्ये चांगले कॅमेरे आहेत आणि लेन्स पण आहेत तुम्ही शक्यतो कंझ्युमर सिरीज# मधले कॅमेरे बघा. हे सगळ्यात स्वस्त रेंज मध्ये उपलब्ध असतात. कंझ्युमर सिरीजमध्ये कॅमेऱ्याबरोबर एक लेन्सहि किट मध्ये असते त्यामुळे खरेदी सोपी आणि स्वस्त पडते.
साधारण कॅनन नवीन मॉडेल अशी आहेत canon EOS 350D /EOS Rebel(अमेरिकन मॉडेल )/EOS Kiss(जपान मॉडेल), EOS 300X, EOS 1000D
निकॉन Nikon F आणि Nikon D सिरीज मध्येपण बरेच आहेत Nikon F6,Nikon F75,Nikon D3000,Nikon D60

तुमची मुळ आवड फोटोग्राफी नाही पण कॅमेरा तुमच्या छंदामध्ये उपयोगी आहे
ट्रेकिंग, कयाकिंग, हायकिंग अस काही छंद असेल तर डीजीकॅम बेस्ट आहे. तो इतका लहान असतो ती बाळगण्याचा त्रास होत नाही.
पण जर झूम वैगेरे हवे असेल तर वर सांगितलेल्या प्रमाणे एस एल आर लाईक कॅमेरा घेता येईल. हलका असल्याने नेणे खूप त्रासाचे नाहीये, आणी लेन्सचा पसारा पण न्यायला लागत नाही.

तुम्हाला फोटोग्राफीची खूप हौस आहे आणि फोटोग्राफी शिकायची आहे. सध्याचा पॉईंट एन्ड शूट ने क्रिएटिव्ह फोटोग्राफी करता येत नाहीये.
तुमच्याकडे जर आधीच एक एस एल आर असेल तर तुम्हाला सुरुवातीला काहीही घ्यायची गरज नाही.
नसेल तर मात्र आधी बजेट ठरवा. जर ते खूप कमी असेल तर फिल्म एस एल आर घेणे उत्तम. काही जुने मॉंडेलचे पूर्ण मेकॅनिकल कॅमेरे खुप स्वस्त मिळू शकतात. यात सगळे कंट्रोल तुम्हालाच ठरवायला लागतात यामुळे सुरुवातीला चांगले फोटो येणे जड जाते. फोटोग्राफीची खरच आवड आणि लाईट, शटरस्पीड याबद्दल खूप काही शिकावं लागत पण जे शिकाल ते अगदी पक्क होऊन जाईल.
मी जवळपास अकरा वर्षापुर्वी याच वळणावर होते. मला तस यात काही सांगणार कोणीच नव्हत. पण मी ठरवल होत कि नोकरी लागल्यावर जेव्हा एका महिन्याच्या पगारात कॅमेरा बसेल एवढा पगार होईल तेव्हा एस एल आर घ्यायचाच. आयटी भाग्यामुळे तो योग लगेचच आला. पण त्यावेळी इंटरनेटवर शोधणे वगेरे काहीच धड माहित नव्हते. मी आणि चुलत दादा दोघ मिळून बॉम्बेसेंट्रललं गेलो पैसे घेऊन. एका दुकानात जाऊन त्याने जे दोन चार कॅमेरे दाखवले त्यातला एक घेऊन आलो. तो कॅननचा होता. मी बहुतेक इतक्या मठ्ठपणे कॅमेरा घेतला कि त्या दुकानदाराला मी अगदी लक्षात राहिले. १०वर्षानी माझा लहान भाऊ त्याच दुकाना गेल्यावर नावावरून त्याने ओळखले आणि भावाला विचारले होते कि तुमच्या बहिणीने इथूनच घेतला होता न कॅमेरा!
मी घेतलेला ऑटो आणि मन्युअल दोन्ही मोड वाला होता. आता जवळपास सगळे एस एल आर कॅमेरे असेच असतात. यामुळे अगदी काही येत नसेल तरी ऑटो मोड मध्ये फोटो काढता येतात. पण असा केला तर खरतर यात आणि पॉईंट एन्ड शूट मध्ये मग फार फरक रहातच नाही.
फिल्म कॅमेऱ्याचा एक तोटा असा कि फिल्म डेव्हलपमेंटचा खर्च, आणि ठेवायची जागा. मी फिरायला गेल्यावर इतके फोटो काढायचे कि प्रत्येक ट्रीपवरून आल कि ५/६ रोल असायचेच. ते घरात ठेवायला जागा पण होईना.
सहसा या वेळी जो कॅमेरा घेतला जातो तोच ब्रांड नंतरहि वापरण चालू राहत. कारण त्या अनुषंगाने आपण इतर लेन्स इ. हळूहळू खरेदी करतोच. त्यामुळे तुमचा काही चोइस असा असेलच तर त्या कंपनीचा घ्या. पण जर पुढे तुम्हाला काही स्पेशालिटी करावीशी वाटली तर ब्रांड बदलताही येतो त्यामुळे खूप काळजी करून नका.
बजेट जास्त असेल तर डिजीटल एस एल आर घेता येईल
Nikon D3000,Nikon D90, Nikon D6,
canon EOS 20D, 30D, 40D, 5D, 350D
असे बरेच ऑप्शन आहेत आणि दरवर्षी नवीन येत असतात.

डिजीटल एस एल आर घेताना लक्षात ठेवायची एक खूप महत्वाची गोष्ट म्हणजे तुम्ही फोटो काढलेत कि ते कॉम्प्युटरवर डाउनलोड करावे लागतात. त्यानंतर ते प्रोसेस म्हणजे raw format मधून jpg मध्ये convert करावे लागतात.
हे त्रासदायक वाटत असेल तर फोटो काढतानाच jpg काढण्याचा एक ऑप्शन असतो कॅमेऱ्या मध्ये तो चालू करून ठेवावा.

तुमच्या कडे एक एस एल आर कॅमेरा आहेच पण आता अपग्रेड करायचाय
इथे मात्र तुम्हाला बराच विचार करावा लागेल. सगळ्यात महत्वाच म्हणजे तुम्हाला अपग्रेड का करायचंय?
म्हणजे "माझ्या मित्राकडे हा नवीन कॅमेरा आहे त्याने मस्त येतात त्याचे फोटो. माझ्या कॅमेऱ्याने येत नाहीत म्हणून मला त्याच्याकडे असलेलाच कॅमेरा घ्यायचा आहे" अस काहीस वाटत असेल तर ते म्हणजे नाचता येईना... अस आहे.
जर तुम्हाला तुमचे फोटो चांगले येत नाहीत असे वाटत असेल तर कॅमेरा बदलून काहीच उपयोग नाही. कारण त्या नवीन कॅमेऱ्याच्या मागे उभे रहाणारे तुम्ही जुनेच असणार. त्यापेक्षा ते पैसे फोटोग्राफीच्या कोर्स किंवा पुस्तकांसाठी साठी घाला. तुमच नक्की कुठे चुकत ते माहिती करा.
जर तुम्हाला तुमच्या कॅमेर्यामधल्या त्रुटी जाणवायला लागल्यात आणि त्यामुळे फोटो काढताना अडचण होतेय असा वाटल कि मात्र बदलण गरजेच ठरत.अशा वेळी नवीन कॅमेरा म्हणजे नवीन बाजारात आलेल मॉंडेलच असेल असा नाही. तुमच्या गरजेला जे योग्य असेल ते मॉंडेल घ्याव.
म्हणजे तुम्हाला स्पोर्ट्स फोटोग्राफी आवडते आणि तुमच्याकडे कॅनन 10D आहे. छान फोटो येतात पण बऱ्याचवेळा नेमका हायलाईट निसटून जातोय कारण कॅमेरा एवढा चपळाईने (३ फ्रेम पर सेकंद) फोटो काढू देत नाही. मग तुम्हाला ज्या कॅमेऱ्या मध्ये जास्त फ्रेम पर सेकंद असतात असा कॅमेरा घेणे उपयुक्त ठरेल.
किंवा तुम्हाला बर्ड फोटोग्राफी आवडते तुमच्या कडे एक निकॉन कॅमरा आहे. याने हि फोटो मस्त येतायेत. पण तुमचा फोकस खूप वेळा बरोबर येत नाही. नीट फोकस राहिला तर अजून छान फोटो येतील अशा वेळी नवीन आलेला 51 point focus आणि focus followup वाला कॅमेरा घेण फायद्याच होईल.
अगदी तुम्हाला खांद्याला इजा झालीये आणि तुम्ही जड कॅमेरे उचलू शकत नाही अशावेळी वजनाने हलके असलेले कंझ्युमर कॅमेरा घेताना वाईट वाटू नये.
असे अपग्रेड करताना बहुतेकदा प्रोझ्युमर कॅमेरे# किंवा प्रोफेशनल कॅमेरे# मध्ये केले जाते.
अजून एक अपग्रेड करायचं कारण म्हणजे डीजीटल वर्ल्ड मधले मेगापिक्सेल
बरेचजण या रेस मध्ये धावताहेत. नवीन १०मेगापिक्सेल कॅमेरा आला कि आधीचा ८चा सोडून तो घ्यायचा मग १२ चा आला कि परत बदलायचा. खरतर तुम्ही तुमचे फोटो कुठेही विकत नसाल, किंवा A4 पेक्षा मोठ प्रिंटहि काढत नसाल तर ८ मेगापिक्सेल च्या वर धावायची गरज नाहीये. या मेगापिक्सेल रेस आणि प्रिंट बद्दल पण सांगेनच मी नंतर केव्हातरी.

एस एल आर च्या पेक्षा अजून एक वेगळ जग सुद्धा आहे बर का. ते म्हणजे मिडीयम फॉर्मेट आणि लार्ज फॉर्मेट फोटोग्राफी. आपल्या एस एल आर च्या निगेटिव्ह किंवा सेन्सर ची साईज ३५मिमि अशी (खरतर 24x36mm) म्हटली जाते. मिडीयम फॉर्मेट ची फिल्म साईज असते 4x5इंचापेक्षा कमी पण ३५मिमि पेक्षा जास्त. तर या लार्ज फॉर्मेट ची फिल्म साईज असते 4x5इंच किंवा 8x10इंच किंवा मोठीच.
मोठे मोठ बिलबोर्ड, जाहिराती यासाठी लार्ज फॉर्मेट फोटोग्राफी वापराली जाते पण याविषयावर अजून काही माहिती देण्याची माझी अजूनतरी पात्रता नाहीये. हा एक फॉर्मेट मला पण हाताळून बघायचाय कधीतरी.

आता हे एवढ लिहण्याने तुमच्या ज्ञानात भर पडली कि गोंधळात ते माहीत नाही. पण हि माहिती कुठेतरी, कोणालातरी उपयोगी होईल हि अपेक्षा.
कुठलाही कॅमेरा घ्या,पण तो हातात आल्यावर पहिली गोष्ट कुठली कराल तर त्याचे manual किमान चार वेळा वाचून काढा. आगदि पाठ केलात तरी चालेल.
त्यानंतर काय कराल तर कॅमेऱ्याची सगळी बटन कुठे कुठे आहेत ते नीट बघा. हे इतक छान आलं पाहिजे कि अंधारात कॅमेरा हातात असेल तरी न बघता नुसत हातांना कळल पाहिजे कुठच बटन कुठ आहे ते.

#कंझ्युमर कॅमेरा म्हणजे जे सगळे सहज वापरू शकतील, वजनाला हलके ( plastic body) कॅमेरे. यात सर्वसामान्य ग्राहकांच्या गरजा पूर्ण करण्याचा प्रयत्न असतो. सेन्सर साईज छोटा असतो त्याला APS-C किंवा Crop body (कॅमेर्याचा बोलीभाषेत ) अस पण म्हणतात. (या सेन्सर साईज बद्दल पुन्हा केव्हातरी लिहेन)
#प्रोझ्युमर कॅमेरा म्हणजे ज्यांना फोटोग्राफीची खूप हौस आहे थोडीफार फोटोग्राफीची येतेही. हे अगदीच नवशिके नसतात अशांसाठी असलेले कॅमेरे. यातले कॅमेरे जड Magnesium alloy body असलेले, थोडफार weather sealing असलेले, सहसा जास्त फ्रेम पर सेकंद असलेले असे असतात.फुल फ्रेम सेन्सर किंवा APS-C. किमतही जास्त असते.
#प्रोफेशनल कॅमेरा म्हणजे ज्यांचा फोटोग्राफी हाच व्यवसाय आहे त्यांच्यासाठीचे कॅमेरे. किमत खुपच जास्त असते. Magnesium alloy body, weather sealing असतेच. पण आणखी स्पेशालिटीसुद्धा असतात (vertical grip, १००% viewfinder, फुल फ्रेम सेन्सर ).

आधिचे लेखः
फोटोग्राफी: कॅमेर्‍याची काळजी भाग २
फोटोग्राफी: कॅमेर्‍याची काळजी

शब्दखुणा: 
Group content visibility: 
Public - accessible to all site users

सावली,
खुपच उपयोगी माहिती. मी अगदी अगदीच ढ होतो पण वापरुन वापरुन शिकलो. आता प्रत्यक्ष फोटो कसे काढायचे यावद्दल पण वाचायला आवडेल.

सावली, अप्रतिम....... कुठचाही पॉईंट सोडला नाहीयेस आणि नवशिक्यांना फटकवायचही. Wink

हो ना पण तो नवीन कॅमेरा कोणालाच धड माहीत नाही कसा वापरायचा तो, मग नाहीच काढले फोटो. परत तो गळ्यात अडकवून मला स्कीइंग पण करता येईना. शेवटी ठेवूनच दिला बेगेत.>>>>अगदी बरोब्बर लिहीलयस गं. माझंही असं व्हायचं बर्‍याचदा, कारण एस.एल.आर सगळ्यांना ऑपरेट नाहीच करता येत, त्यामुळे आपला मात्र एकही फोटो येत नाही.

पण आता मात्र जरा बरं वाटतं. नवर्‍याकडे एसएलआर लाईक टाईपचा कॅमेरा आहे, Sony H50. झूम अप्रतिम. फुलांचे क्लोजअप्स मात्र गंडतात त्याने. पण माझ्या एसएलआर मुळे ते काम होऊन जातं.

सावली आणि कोणते पॉईंट्स कव्हर करायचं ठरवलं आहेस. जेवढं लिहीता येईल तेवढं लिही गं.
माझ्या निवडक १० मध्ये आहेत तुझे लेख. Happy

चांगला लेख.
माझ्या मते फिल्म कॅमेरा/फिल्म SLR घेणे आता शक्यतो टाळावे. फिल्म च्या आणि डीजीटल च्या एक्स्पोजर लॅटीट्युड मधे फरक आहे त्यामुळे फिल्म वरुन डीजीटल कडे वळताना एक्स्पोजर बद्दल परत काही गोष्टी नव्याने शिकाव्या लागतात (Thumb rule- for film you should expose for shadows where as for digital expose for highlights). तसेच सेम ब्रँड असला तरी sensor size किंवा मोटर च्या मेकॅनिझम च्या फरका मुळे काही लेंस पुढे डिजीटल वर वापरता येत नाहित किंवा त्या मॅन्युअल लेंसेस म्हणुन वापराव्या लागतात. हल्ली बहुतेक फोटो एडीटर मधे raw plugins असतात त्यामुळे RAW conversion बरेच सोप्पे झाले आहे. त्यामुळे डीजीटल SLR घेवुन डी़जीटल फोटोग्राफी, डीजीटल वर्क फ्लो शिकणे जास्त योग्य असे मला वाटते. फिल्म वर्क फ्लो मधे बहुतेक काम लॅब मधेच होते आणि खर तर फोटोग्राफर स्वतः फार कमी कंट्रोल करु शकतो.त्यामुळे लॅब प्रमाणे रीझल्ट्स बदलु शकतात.
मी बरीच वर्ष NIKON FM10 वापरत होतो आणि डीजीटल SLR कडे वळताना आलेल्या अनुभवा वरुन हे लिहलेय. ( मला स्वतःला अजुनही फिल्म फोटोग्राफी जास्त आवडते पण नविन कॅमेरा घेताना डीजीटल कॅमेरा घ्या असाच सल्ला देइन)
कॅमेरा घेताना आणि येक गोष्ट बघुन घेतली तर नक्किच मदत होते. आपण कोणते क्रियेटिव्ह कंट्रोल्स जास्त वापरतो आणि ते किती हँडी आहेत ते बघुन घ्यावे. घ्यायच्या आधी कॅमेरा हाताळुन , टेस्ट रिझल्ट्स बघुन घ्यावेत.

सावली- लेंसेस सिलेक्शन वर , पोस्ट प्रोसेसींग वर अजुन लेख येउद्यात

मस्तच लेख आहे !! डीएसएलआर उगीचच खुणावत असतो. पण इतक्यात तरी नको असंच ठरवलंय!
पण तुझा लेख उपयोगी आहे !

सावली/पाटिल धन्यवाद माहितीबद्दल.

सावली- लेंसेस सिलेक्शन वर , पोस्ट प्रोसेसींग वर अजुन लेख येउद्यात>>>>अगदी अगदी

सगळ्याना धन्यवाद. तुमच्या प्रोत्साहनामुळे अजुन लिहायचा हुरुप येतो.

आऊटडोअर्स,
सध्या तरि काहि विषय आहेत डोक्यात.
आधि फोग्रा. काहि बेसिक.
म्ग लेन्सेस, फिल्टर्स आहेच

पोस्ट प्रोसेसींगबद्द्ल पण लिहायचय वेल लागेल त्याला जरा.

पाटील धन्यवाद. कॅमेरा हाताळायचा सल्ला चांगला आहे. रहुन गेला होता. ज्यांना शक्या आहे त्यांनि नक्कि करावे.
DSLR चाहि तुमचा सल्ला चांगला आहे. पण ज्यांचे बजेट नाहि, Computer निट वापरता येत नाहि याच्यासाठि फिल्म कॅमेरा/फिल्म SLR बेस्ट आहे. कधिच काहि केल नसेल तर Computer वापरायला शिकणे त्रास्दायक होते.

तुम्हाला माहित आहेच पण बाकिच्यां साठि सांगते इथे. फिल्म कॅमेरा म्हणजे जुने पुराणे , वाईट असे काहि नाहि. वर सांगितल्याप्रमाणे आपल्याला वापरायला सोईचा असणे महत्वाचे आहे. बर्‍याच लोकांना डिजिट्ल पोस्ट प्रोसेसिंग चि हौस, वेळ असतोच अस काहि नाहि. फिल्म सरळ लॅब मधे दिलि कि कट्कट नसते. लॅबनुसार फरक पड्तोच पण आपल्या आस्पासचे जवळपास सगळे लॅबवाले साधारण कसेहि फॉटो असले तरि चांगले प्रिण्ट काढु शकतात. स्पेशालिटि लॅब जिथे प्रो जातात तिथे प्रत्येक फिल्म साठि वेगळे इंस्ट्र्क्श्न देता येतात.
फिल्म SLR मधे स्लाइड वर एक्स्पोजर शिकणे काहि वेळा फायद्याचे असते. त्यामुळे लाईट चा अंदाज चांगला येतो.

चांगले लिहिले आहे.

गेले १० वर्षे २ मेगापिक्षेलचा (पण ऑप्टीकल झुम १० असलेला) ऑलिंपसचा कॅमेरा वापरतो आहे. २ मेगापिक्षेल सुद्धा तसे पुरेसे होतात. फोकस/फ्रेम्स करता मात्र (लेखात म्हंटल्याप्रमाणे) DSLR घ्यायचा विचार सुरु आहे. लवकरच ...

सावली, नवीन माय्क्रो फोर्/थर्ड्स बद्दल काही अनुभव/सल्ला? (उदा. पॅनॅसोनीक व ऑलंपस मॉडेल्स)

सगळ्याना धन्यवाद. Happy

अनिल,
हा तुमचा पहिलाच कॅमेरा आहे अस मी समजते. मी वर म्हटल्याप्रमाणेच कॅनन की निकॉन या वादाला फार काहि अर्थ नाहि. दोन्हि कंपन्या खुप रिसर्च करतात, दोघीचे कॅमेरे अगदि अद्ययावत असतात. मी स्वतः कॅनन वापरते कारण माझा पहिला कॅमेरा कॅनन होता. तो जर निकॉन असता तर मी नंतरहि निकॉनचाच खरेदि केला असता. त्यामुळे तुमच्या किमतीमधे बसणारा आणि सर्विस सेंटर जवळपास असणारा कॅमेरा घ्या.
मला भारतातल्या कींमतीचा अंदाज नाहि. पण तरि मला वाटते ८/१० हजारात एस एल आर येणार नाहि.डिजिटल एस एल आर तर नक्कीच नाहि. पुर्ण मेकॅनिकल फिल्म मॉडेल / सेकंडहॅन्ड मिळेल. पण डिजिटल कॅमेरा सेकंडहॅन्ड घेउ नका. त्याच्या सेंन्सरची गॅरेंटी नाहि. (मेकॅनिकल फिल्म मॉडेल सेकंडहॅन्ड चालतो. माहितिच्या माणसाकडुन एकदा चेक करुन घ्या.)
माझ्या माहितीप्रमाणे निकॉन लेन्स थोड्या वार्म कलर्स दाखवतात. पण डिजिट्ल वर्ल्ड मधे याने काहिच फरक पड्णार नाहि. तुम्हि कलर्स कॉम्प्युटर वर करेक्ट करु शकता.

aschig ,

माय्क्रो फोर्/थर्ड्स मी वापरले नाहियेत. पण थोड्क्यात सांगायचे तर हे डिजिकॅम पेक्षा बेटर, थोडेसे मोठे, जरा महाग आहेत. डिजिकॅम पेक्शा हा चांगला पर्याय असु शकतो ( एस एल आर लाइक सारखा, तरिहि लेन्स बदलता येतात हा प्लस पॉईंट).
ऑलिंपस आणी कोडॅक कंपन्यानी बनवलेले हे ओपन स्टँडर्ड आहे. या मधे या दोन्हि कंपन्यांच्या लेन्स एकमेकाला चाल्तात. हे ओपन स्टँडर्ड ज्या कंपन्यांनि मान्य केल असेल त्या सगळ्या कंपन्यांच्या लेन्स पण वापरता येतात. त्यामुळे लेन्सचा ऑप्शन जरा जास्त होतो.
या कॅमेर्‍यात प्रिझम, मिरर (बहुतेक मी यावर नंतर लिहेन) नसतो त्यामुळे ते हलके असतात. पण यांचा व्ह्यु फाईंडर डिजिटल (डिजिकॅम सारखा) असतो. एस एल आर सारखा रिअल लाइफ लेन्स मधुन नसतो. (थ्रु द लेन्स)
यामधे सेन्सर छोटा (डिजिकॅम पेक्षा मोठा) असतो. आणि लेन्स बहुतेक करुन कॉम्प्युटराईज्ड असतात, त्यामुळे छोट्या (कॉम्पॅक्ट) असतात.

पुन्हा एकदा... उत्तम माहिती.
माझ्याकडे फिल्म SLR आहे, पण भारताबाहेर त्याचा उपयोग नाही... सध्या Sony Cybershot W55 वर काम चालवतोय. Digital SLR-like कॅमेरा घ्यायचा विचार आहे (Digital SLR परवडत नाही Sad ... आणि खरच त्याची गरज आहे का ते कळत पण नाही Happy )
कॅमेराच्या specs मधे कंपन्या झुमचे आकडे देताना काहितरी लबाडी करतात... जसं optical आणि digital झुम मिळुन मोठ्ठा आकडा सांगायचा... optical झुम मधेपण माझा गोंधळ होतो.. आता हे 35mm equivalent झुमचे आकडे बघ,
Canon PowerShot SX20 IS : Zoom wide (W) = 28 mm : Zoom tele (T) = 560 mm (20 x)
माझ्या समजुतीनुसार, 50 mm म्हणजे normal... म्हणजे 500 mm म्हणजे 10 x... पण ही लोकं सरळ Tele/Wide करुन झुम सांगतात 20x. पण खरं म्हणजे हा कॅमेरा वस्तु जास्तित जास्त ११ पटच मोठ्ठी करु शकेल, बरोबर ना?

सॅम
<<माझ्याकडे फिल्म SLR आहे, पण भारताबाहेर त्याचा उपयोग नाही>> अस का म्हणताय ते कळल नाही.
जर क्वालिटि हवी असेल तर डिजिटल झुम आहे ते विसरुन जा. त्याचा काहिहि उपयोग नाही.

10x 20x हे नंबर म्हणजे लॉन्गेस्ट फोकल लेन्ग्थ आणि शॉर्टेस्ट फोकल लेन्ग्थ याचा रेशो असतो. म्हणजे
PowerShot SX20 IS मधला 560 / 28 = 20 म्हणुन 20X कॅमेरा.
अजुन कुठला कॅमेरा 700/35 = 20X असला तरि पहिल्यपेक्षा याचा टेली झुम खुप जास्त आहे (560 आणि 700)
अशा टर्म्स एस एल आर मधे वापरत नाहीत. कारण त्याला काहीच अर्थ नाही शेवटी लेन्स किती टेली आहे किंवा किती वाईड आहे हे महत्वाच.
पण सर्वसाधारण पणे लोकांना हे टेली / वाईड प्रकरण कळत नाहि, त्यामुळे कंपन्या X फॅक्टर सांगतात. हे पुर्ण मार्केटींग टेक्निक आहे.
टेली / वाईड वर लिहिन मी नंतर.

सावली,
सॅम म्हणतोय त्यात मला तथ्य वाटते. मध्यंतरी मी माझा फिल्म एस एल आर विकण्यासाठी चौकशी केली असता मला सुताराकडून योग्य असा stand बनवुन शोकेस मध्ये ठेवा असा सल्ला मिळाला. अगदी नगण्य किम्मत मिळालि मला त्याची. आता kodak किंवा इतर पण म्हणे रोल बनविणे बंद करता आहेत अस ऐकल आहे. तू जास्त जाणून असशील !
म्हणून पाटील साहेब म्हणतात तसं एकदाच SLR मध्ये इनवेस्ट केला कि पुढे नुकसान नको.
मला एखादा आखूड शिंगी बहु दुधी Happy SLR कोणता ते सांगशील?

आपले साधे एस एल आर रिसेल च्या किमतीचे कधिच नसतात. रिसेल व्हॅल्यु एकदम हाय एन्ड प्रो मॉडेलला असतात.
फिल्म रोल बनवायचे पुर्ण बंद व्हायला अजुन खुपच वेळ आहे, कदाचित होणार सुद्धा नाहि बंद.
खरतर तुम्ही दोन चार महिन्यातुन काहीच फोटो काढत असल तर असलेला फिल्म कॅमेरा तसाच वापरायला हरकत नाही. डि एस एल आर किंमत बघता फक्त त्याच्याच मागे लागण्यात काही अर्थ नाही. शक्य असेल हौस असेल तर चांगलच आहे.
आणी तसही डि एस एल आर एकदा घेतला कि लाईफटाईम इन्व्हेस्टमेंट झालि असच काही नाही,तुमच्या गरजा बर्‍याच कारणाने बदलु शकतात. कंझ्युमर ग्रेड डि एस एल आर ही ला रिसेल व्हॅल्यु काहीच नाहिए.

कॅनन आणि निकॉन दोन्हीचे तुझ्या बजेटमधले लेटेस्ट मॉडेल्स बघ. चांगलेच आहेत. दोनचार मॉडेल शॉर्ट्लिस्ट केलेस तर मी रिव्ह्यु करु शकेन .

Happy

माझ्या कडे canon 1000S होता. जो तू म्हणतेस तसं अंधारात पण मला पाठ होता. त्यावर मी Tamron 200mm ची लेन्स पण घेतली होती.

आता Canon EOS 1000D kit, 50D kit III किंवा Nikon D90, D3S यापैकी कोणता योग्य राहील? आणि का?
साधारण किंमत काय असेल?

खालील मुद्देसुद्धा खूप महत्वाचे आहेत -
१. माझ्याकडे कॅनन Powershot G5 आहे (होता). त्यावर मी १२-१३ हजार फोटो काढले. खूप छान फोटो आले. सर्वसाधारणपणे ५ मे.पि. हून जास्त resolutionची आवश्यकताच पडत नाही. ५ मे.पि.मधे १०" x १२" आकाराचे प्रिन्ट उत्तम होतात (अर्थात् फोटो चांगला घेतला असेल तरच.)
२. डीजीकॅम मध्ये "डिजीटल झूम" हा एक बकवासआहे, त्याचा काहीही विशेष उपयोग नसतो. "ऑप्टिकल झूम" मह्त्वाचे आहे.
३. तसेच, "ऑप्टिकल झूम" 4X पेक्षा जास्त असेल तर "lens diameter"सुद्धा जास्त असणे आवश्यक आहे. जवळपास सर्व डीजीकॅम मध्ये 10X झूम फोटोचा दर्जा खूप खराब आसतो.
४. आजकाल डीजीकॅम दुरुस्त करुन वापरणे "कॅमेरा बनवणार्‍या कंपन्यांना" नको असते. उदा. माझा कॅनन Powershot G5 ची "लेन्स असेंब्ली" बदलण्याचा खर्च "कॅननच्या सर्वीस केन्द्राने" रु. ९००० /- सान्गीतला ! आता नवा कॅमेरा घेणे भागच आहे.
५. वरील कारणासाठी - कॅमेरा (डीजीकॅम) विकत घेतल्यावर ३-४ वर्षांत भरपूर वापरुन फेकून देण्याची मनाची तयारी असावी.

मस्त माहिती. तुमच्या वरील माहिती व सल्ल्यांशी सहमत. मी पण बर्‍याच वेळा लोकांना पॉइंट अँड शूट कॅमेरा सुचवतो तो त्याच्या सोयीमुळे पण एस एल आर मुळे तुम्हाला जे प्रयोग करता येतात ते त्यावर जमतीलच असे नाही.
नुसता एस एल आर असल्यामुळे फोटो चांगले येतात हे म्हणणं चुकीचं वाटते, जर निट वापरला तर नक्कीच चांगली चित्रे मिळवता येतात. तसेच एस एल आर मध्येही तुम्ही कुठल्या प्रकारची लेन्स वापरता यावरही चित्राचा दर्जा ठरतो. वेगवेगळ्या उपयोगासाठी वेगवेगळ्या लेन्सेस असतात. तसा हा छंद जरा खर्चीकच म्हणावा लागेल.

प्रतिसादाबद्दल सगळ्यांचे आभार Happy
पंकज शुक्ल, तुम्हाला कसले फोटो काढायला आवडतात? तुम्ही तुमचा एक कॅमेरा विकण्याच काही टेक्निकल कारण होत का? (म्हणजे, फोटो चांगले येत नाहीत इ. अस काही.) तुमच्या कडे आधिच कोणती लेन्स वगैरे आहे का?

अतिशय उपयु़क्त आणि आज सर्वांनाच हवी असलेली माहीती देणारा लेख, धन्यवाद.

मला वाटतं, डिजीटल एस एल आर वापरण्यात येणारी अडचण म्हणजे, मोठा आकार अधीक किंमत ह्या बरोबरच, धुळीचा उपद्रव! लेन्स बदलताना सेन्सरवर जमणारी धुळ काढायला दिड एक हजार रुपये खर्च येतो. त्यामुळे फिक्स लेन्स कॅमेरा वापरायला, संभाळायला सोपा, स्वस्त, आणि विचारपुर्वक समजुन वापरला तर फोटोची क्वालीटीही उत्तम मिळु शकते, ( अर्थात एस एल आर एवढी नाही).
२५ वर्षा पुर्वी घेतलेले फिल्म एस एल आर, चांगले काम करत असुनही निरुपयोगी झालेले पहाताना वाईट वाटत.

मी हा पहिलाच लेख (प्रतिसाद!) लिहित आहे. सावली, तू फार छान लिहिले आहेस क्याम्येर्यान्बद्दल. मी तसा नव्-शिका आहे, पण काही फोटोज जरा बरे येतात. माझ्याकडे Canon SX 20 IS हा लेटेश्ट digital/SLR-like क्यमेरा हाय. आणि मी तो तुम्हा सगळ्याना सुचवु इच्छितो. माझे काही फोटोज इथे पहा .... http://picasaweb.google.com/amit.kalekar.
अमित

Pages