नावगुंफण अर्थात उखाणा स्पर्धा क्र. १

उखाणा...
मराठी परंपरेतील एक गोड् रिवाज!
(सध्या ज्याच पेटंट बांदेकरांच्या होम मिनिस्टर कडे आहे )
कसा बर झाला असेल या प्रकाराचा जन्म?... कुणाच्या सुपीक डोक्यातुन निघाली असेल ही कल्पना?
एकमेकांनाना "अहोजाहो" करणार्‍या किंवा त्याच्याही आधी "इकडुन बोलावण झालय", "तिकडच येणं झालय" अश्या जमान्यात नवराबायकोला या निमित्ताने का होइना एकदुसर्‍याच "नाव" घ्यायची संधी देण्यासाठी झाला असावा बहुदा उखाण्याचा जन्म!
एकमेकांना उठ्सुट नावानं हाका मारणार्‍या आजच्या कपल्सना त्यात काय अप्रूप... आपल्यासाठी तो एक टाइमपास किंवा आपल्या अर्ध्या अंगाला टोमणे मारायची ऑफिशियल संधी!
तुमच्या काउंटरहाफ च "नाव" तस तुम्ही बर्‍याच वेळा घेतल असेल (किंवा घ्यावं लागल असेल अस म्हणू) आता जरा चेंज...
इथे तुम्हाला देण्यात येइल एका जोडीच नाव/चित्र आणि तुम्हाला त्या दोघांच्याही भुमिकेत शिरुन एकदुसर्‍याच्या नावाने शंख करायचा आहे ... नाही म्हणजे एकदुसर्‍याचे नाव गुंफुन उखाणे घ्यायचे आहेत

जमेल ना!
(न जमायला काय झाल म्हणा... एखाद्याची खेचायची संधी तुम्ही थोडीच सोडणार.. पण नुसती खेचू नका फोर अ चेंज कौतुक केल तरी चालेल... खेचायला आहेच की आपली घर की मुर्गी! )
तर असो...
समोरच्या कोनाड्यात उभ्या असलेल्या हिंदमातेच स्मरण करा आणि होउन जाउ द्या!

अरे हो हो ... जरा दमानं!
नियम तरी वाचा....

जोडी चे नाव/चित्र

नियमः
१) जोडीतल्या दोघांच्याही तोंडचा एकेक उखाणा लिहावा.
२) एकाच्याच तोंडचा उखाणा लिहला असेल तर तो ग्राह्य धरला जाणार नाही.
३) एका आयडीवरुन तुम्ही कितीही प्रवेशिका टाकू शकता फक्त त्या वेगवेगळ्या पोस्टमध्ये पोस्ट कराव्यात.
४) उखाणा मुख्यतः मराठी भाषेतच असावा... एखाददुसरा अमराठी शब्द चालू शकेल
४) विजेत्याची निवड जनमत चाचणी (पोलिंग) नुसार होइल.

आजची जोडी :
युवराजसिंग - दिपीका पदुकोन

उदा :

युवराज :
ओम शांती ओम
म्हणत करतो मी दंगा
दिपिकाच नाव घेउन
कॅप्टन (धोनी)शी पंगा

दिपिका :
स्टंपामाग धोनी आणि
युवराज उभा कव्हरला
कुणाची करू निवड
चिंता रणवीरच्या लव्हरला

लोकाग्रहास्तव सर्व स्पर्धांची अंतिम तारीख रविवार (१४ सप्टेंबर) ऐवजी सोमवार (१५ सप्टेंबर) केली आहे.