ईमु पालन-(शेती)

माहिती बद्दल धन्यवाद विक्रांत!!

मला काही प्रश्न आहेत. तसेच सवडीने तुम्हाला फोन करेनच.

१. ह्या अंडी कुठे विकत घेतली जातात? विकत घेणारे व्यापारी असतात की एन्ड युजर? आणि मुख्य म्हणजे ह्या अंड्यांचे काय करतात?
२. अंडी पाठवायचे साधन काय? विशिष्ट प्रकारचे क्रेट वगैरे लागतात का? अंडी फुटु नये म्हणुन काय काळजी घ्यावी लागते? दळणवळणात अंडी फुटण्याचे प्रमाण काय? अंडी किती दिवसात बाजारात पोचवावी लागतात (किंवा बाजारपेठेपासून कमाल किती दिवसाच्या अंतरावर जमीन पाहिजे?)
३. मीठ फुटलेल्या जमिनीवर इमु पालनाची शेड उभी करता येईल का?
४. नदीच्या पाण्यावर पक्षी वाढतात का? की पाण्यावर प्रक्रिया करुन (क्षारता वगैरे वाढवून वा कमी करुन गरजेनुसार) मग ते द्यावे लागेल?
५. पक्षांचे खाद्य कोंबडी खाद्यासारखे तयार मिळते की काही ताजे खाद्य (चार्‍यासारखे) घालावे लागते?
६. शेड बंदिस्त बांधावी लागते की फक्त छप्पर? फक्त छप्पर असेल तर जागेला चेन-लिंक वगैरेचे कांपाउंड किती उंचीचे बांधावे लागेल?

माझ्याकडे साधारण एकर-दीड एकर मीठ फुटलेली जमीन आहे. पण आता त्या जमिनीवर पाणी साचत नाही. प्यायला पाणी मुबलक आहे. पावसाळ्यात जमिनीत चांगल्यापैकी चिखल होतो (नदीकाठची काळी माती असल्याने). पक्क्या सडकेपर्यंत साधारण १ किमी अंतर आहे. आणि पुण्यापासून २५० किमी.

विक्रांत,

माहितीबद्दल धन्यवाद. आपला प्रोजेक्ट बघायला येता येईल का ?

छान माहिति ... धन्यवाद

अहो त्यांनी मुख्य हिशोबातली चूक दुरुस्त केली आहे, त्याच्या वरचे समजून घ्या.

विक्रांत , माहीती बद्दल धन्यवाद ,

१) जेंव्हा पक्षी विकत आणतो तेंव्हा ते साधारणता ३ महिन्याचे असतात, प्रती जोडपे रु. १८००/- पर्यंत आजचा भाव आहे. >>> इथे बहुतेक तुम्हाला १८०००/- म्हणायचं असेल .
२) टण्याने विचारलेल्या प्रश्नांची उत्तरं देणार का ? त्यामुळे सगळ्यांनाच माहीती होईल .
३) काही ठिकाणी वाचलं होतं की ह्या पक्षाचं सरासरी वय २०-२२ वर्ष असतं , कदाचीत ते चुकीचही असु शकेल .

या पक्ष्यांच्या आजारपणाबद्दल माहिती लिहीणार का?

इमुपालनावर माहिती देणार्‍या काही वेब्साइट्स खाली दिल्यात. :

इमुइंडीया फार्म अँड हॅचरी
इमु पक्षांचे रोग
इथे इमुपक्षांच्या पालनाबाबत चर्चा दिसली.

हा प्रकार खोल बुडलाय म्हणे आजकाल?

इब्लिस, खरं आहे हे. आता इमूपालन हा स्कॅम आहे हे दिसून आले आहे. माझ्या एका मित्राचा पण इमू फार्म होता, तोही तोट्यात गेला आहे.

बाबु आणि किरु ने ह्याविषयात पीएचडी केलीय.

विक्रांत, तुम्हाला संपर्कातून मेल केली आहे. बघणर का?

सिन्धुदुर्गात ईमु पालनाचा अनुभव खुपच वाइट आहे..
टण्या यांनी विचार्ल्रेल्या प्रश्नाणंचि उत्तरे अनेकांना मिळालिच नाहित. /आज ईमु शोभेचे ठरले आहेत..लाखो रुपयांचे शो 'पिस'

एक बातमी :

कणकवली-
सिंधुदुर्ग जिल्ह्यातील इमू पालन करणा-या शेतक-यांनी उद्योगमंत्री व सिंधुदुर्गचे पालकमंत्री नारायण राणे यांची भेट घेऊन व्यवसायात होणा-या नुकसानाबाबत कैफियत मांडली. तसेच बँक कर्ज माफ करावे व इमूच्या अंड्यांना शेतक-यांना परवडेल असा दर मिळावा, अशी मागणी केली.
इमू व्यवसायात फायदा असल्याची खोटी माहिती देऊन आमची फसवणूक झाली. बँकेचे अधिकारी, इमूची अंडी विकणारे व्यापारी यांनी अनेक वेळा आम्हाला या व्यवसायात गुंतवणूक करण्याचे सांगितले. शेतीपूरक व्यवसाय असल्याने आम्ही गुंतवणूक केली. इमूच्या अंडय़ांना मिळणारा दर आणि खाद्य यांची गोळाबेरीज करून काही दिवस चांगल्या प्रकारे व्यवसाय चालला. मात्र काही वर्षापासून अंडी विकणारा दलाल आणि बँकांचे अधिकारी यांच्यातील खोटेपणा उघड झाला. व्यावसायिकांनी इमू पक्ष्यांच्या जोडय़ा विक त घेण्यास आम्हाला भाग पाडले. पण, नर इमूचा काहीच उपयोग नसतो. त्यामुळे नरांची जोपासना करून खाद्यापोटी खर्च वाढवला जातो. अंडय़ांचे पूर्वीचे दर आणि आता मिळणारे दर यांच्यातील तफोवत लक्षात घेता इमू व्यावसायिक शेतक-यांना वेठीस धरले जात असल्याचे व्यावसायिकांनी सांगितले.
इमू व्यवसायातील नफा-तोटा लक्षात घेता अन्य शेतक-यांची फसवणूक होऊ नये, अशी व्यवस्था सरकारस्तरावरून व्हावी, शेतक-यांनी इमू व्यवसायासाठी घेतलेली कर्ज माफ व्हावीत किंवा काही टक्के अनुदान मिळावे, अशी मागणी यावेळी करण्यात आली.

छान माहिती.