शशक स्पर्धा _ मी स्वच्छंदी _मायलेक ३

“थांब जरा, या वर्षी नाही गेलास तर..”

“तर.. माझे करोडो भक्त निराश होतील“

“होऊ दे झाले तर.
तिकडे स्पीकरच्या भिंती लोकांचे कान फाडतायत म्हणे!
तुझे तर एव्हढे मोठे कान..! मी काही पाठवायची नाही तुला यंदा.
आणि शिवाय ते अचकट विचकट नाचणं..
उगा बिघडवतील ती भुतं तुला”

“माते, एका हाताची बोटंसुद्धा सारखी नसतात.
तसंच कित्येक भक्त रात्रंदिवस राबून उत्कृष्ट देखावे तयार करतात, वर्षभर माझ्या वाटेकडे डोळे लावून असतात.
मी भावाचा भुकेला..!

मनी नाही भाव,
आणि देवा मला पाव
आपण नसतोय जात तिथं..” गणू हसत म्हणाला.

तेवढ्यात, झांजा आणि गणरायाच्या भजनाने त्यांचे लक्ष वेधले.

“आता तूच सांग,
मी कसा नको जाऊ..?”

----

रस - वात्सल्य, भक्ती, करुण, हास्य

अलंकार - दृष्टांत, रूपक, अतिशयोक्ती, यमक, प्रश्नालांकर/ काकू

मायलेक २

मायलेक १