Submitted by पुरंदरे शशांक on 2 October, 2026 - 00:10
अजून काही अजून काही
पहाटवेळी आभाळभाळी
लख्ख चमकली शुक्र चांदणी
शिरशिर अंगी वाढत सांगे
अजून काही अजून काही
बिंब रवीचे ढगात लपते
पुन्हा झळकते उन सोनेरी
शिडकावा येताच ओंजळी
अजून काही अजून काही
मंद मोगरा ग्रीष्मी उधळत
गुलाब फुलला पानोपानी
आम्रतरुचा मोहर सांगे
अजून काही अजून काही
शरद चांदणे हळु पसरले
वेलि बागा मना बिलगले
तरुतळीची वाट अंथरे
अजून काही अजून काही
लिहिता लिहिता विसरुन जाते
लिहायचे ते हरवून काही
मनात उरते सांगायाचे
अजून काही अजून काही
अजून काही अजून काही.......
विषय:
Groups audience:
Group content visibility:
Public - accessible to all site users
शेअर करा
खूप छान.
खूप छान.
सुंदर कविता! "अजून काही" ही
सुंदर कविता! "अजून काही" ही ओळ कमतरतेची किंवा अतृप्ततेची नाही, तर आनंदाची आणि अनुभवांची सतत समृद्ध होत जाणारी साखळी वाटली.
खूप छान.. नितनवे ह्यांना
खूप छान.. नितनवे ह्यांना अनुमोदन
मला तरी या कवितेचा अर्थ -
मला तरी या कवितेचा अर्थ - कितीही शब्दात मांडा, काहीतरी दिव्य असे निसटू पहाते - असा लागला. प्रत्यक्ष निसर्ग - लॉस्ट इन ट्रान्स्लेशन.
फार सुंदर!
फार सुंदर!
सुंदर!
सुंदर!
छान कविता.
छान कविता.
अजून काही अजून काही..हे फार सटली आले आहे.. ( सॉरी. सटली ला समर्पक मराठी शब्द सापडत नाहीये) ..त्यातून हाव जाणवत नाही...
सटल - फुलपाखराच्या पंखांवरील
सटल - फुलपाखराच्या पंखांवरील वर्खासम
पण होय, शब्द नाही सापडत.
----------------
वर्ख सटल नसतो म्हणा. पण तितकं हळूवार आणि अध्धर, नाजूक.
सटलला "अलवार" कसा आहे ?
सटलला "अलवार" कसा आहे ?
अस्मिता,
अस्मिता,
छान आहे.
अलवार शब्द मराठी आहे का मूळचा? फारसी वाटतो!