अदभुत आणि अविश्वसनीय, पण मानवीय सत्यघटना!

मला वाटते किमान १०-१२ किमी प्रतितास तरी वेग असावा तिचा. कमाल २०.

चालण्याचा वेग असलेली सायकल कोणीतरी दहा-बारा वर्षाचा मुलगा चालवेल का>>>> रस्त्यावर चालण्याच्या कमाल आणि किमान वेगाच्या रेंजमधे फारसे अंतर नसते त्या बाबतीत आपण कुणाचेही चालणे हे एकसमान वेगाने( जोवर थकत नाही अथवा जास्त उतार चढाव नसतील तर) होते असे म्हणू शकतो.... पण कोणत्याही चाके असलेल्या वाहनाच्या कमाल व किमान वेगामधे मोठे अंतर असू शकते आणि ते अंतर वाहन, रस्त्याची स्थिती आदी गोष्टींवर देखील अवलंबून असते....मी जो ५-६ किमी प्रती तास वेग सांगितला आहे तो ताशी सरासरी वेग आहे.....याचा अर्थ असा होत नाही की ती सायकल फक्त ५-६ किमी प्रती तास याच एकसमान गतीने चालवली जाऊ शकते.... एक्स्प्रेस वे वर ७०-८० km/h च्या सरासरीने जी गाडी अंतर कापते ती ड्रायव्हरने काही सेकंदांसाठी १२०-१३०km/h च्या वेगाने देखील हाकलेली असते आणि तुम्ही म्हणता ते बरोबर आहे, खरं थ्रिल ड्रायव्हर १२० च्या वेगाने गाडी हाकतानाच घेतात....पण थ्रिल घेण्यासाठी किंवा गाडी त्या वेगाने पळू शकते म्हणून १२० च्या वेगाने तासभर गाडी हाकणे कधीच शक्य नसते, कारण ईथे गाडी गाठू शकत असलेला कमाल वेग, ड्रायव्हरची इच्छा या व्यतिरिक्त बरीच सारी व्हेरीएबल्स ते साध्य करण्यासाठी सोईची असावी लागतात आणि तुम्ही सांगीतलेल्या कथेत इतर बरीचशी व्हेरीएबल्स विपरीच होती असं दिसतं...असो, इथेच थांबतो.

मला वाटते किमान १०-१२ किमी प्रतितास तरी वेग असावा तिचा. कमाल २०.>>>> असहमत, On flat ground, a normal cyclist can reach speeds of around 20-30 km/h हे फॅक्ट आहे. पॅडल वाल्या दुचाकी सायकल वेग झाला आणि या लहान मुलांच्या पायाने ढकलायच्या सायकलचा कमाल वेग २० किमी प्रती तास??

दहा वर्षाच्या मुलाचा धावण्याचा वेग: ८-१०.
ही सायकल चालवणाऱ्याला धावुन पकडता येत नसे तेव्हा त्या पेक्षा जास्त १०-१२.
कमाल म्हणजे अगदी थोड्या वेळेला एखाद्या सुदृढ बालकाने गाठलेला स्पीड. तो कदाचित जास्तीत जास्त २० असेल.

विक्रोळी-दादर रस्त्यावर मेन्टेन केलेला स्पीड नव्हे.

रस्त्यात खाच खळगे, फुटपाथ कुठे आहे कुठे नाही, आहे तिथे कुणीतरी व्यापलेला, नाही तिथे अशी सायकल दामटवण्या एवढा गुळगुळीत नाही, रस्त्यावर ९० मध्येही हेवी ट्राफिक, रस्त्यातले चढ उतार, एक्जर्शन मुळे आणि तशात एप्रिल -मे महिना यामुळे सतत लागणारी तहान, ईस्टर्न एक्स्प्रेस हाय वे ला त्याकाळी असणारा पाणपोयांचा अभाव, खास करून सायन सर्कल पुढे ट्राफिक अतीच. तशात आधीच कुर्ल्यातील स्वस्तिक चेंम्बर्सचा चौक ओलांडणे एक दिव्यच.

किस्से सांगण्याची स्टाइल असते लोकांची, एकाने विक्रोळी ते घाटकोपर संगीतले, दुसऱ्याने विद्याविहार, तिसऱ्याने कुर्ला.
इथ पर्यंतही चालले असते.

अन्यथा दहा वर्षाच्या मुलाने गुळगुळीत रस्त्यावर वर उल्लेखल्या प्रमाणे अडथळे नसताना २० किमी अंतर तीन तास आसपास कापणे शक्य आहे.

कन्नमवार नगर ते दादर टीटी १६ किमी दाखवतंय. ते या स्कूटर वरुन १० च्या वेगाने दीड तासात विना वाहक, विना थांबा गाठता येईल. इथे वाचलं त्या प्रमाणे मुलाला अडीच तीन लागले असं दिसतंय. त्यामुळे सरासरी वेग कमीच झाला आहे.
त्यात अविश्वसनीय काय वाटतंय? १० वर्षांच्या पोट्ट्यांच्या मनात आलं तर सकाळ काय आणि दुपार काय आरामात कापतील अंतर. किमान यात अविश्वसनीय काही वाटत नाही.
तुम्ही लहान असताना मे महिन्यात असे सकाळ पासून रात्री पर्यंत जेवणाचा ब्रेक घेऊन उन्हात खेळला नाहीत का? किंवा सायकल चालवली नाहीत का? इथे फक्त एक दिवस तीन तास चालवायची आहे.
ह्या हल्लीच्या आई-बापांचा आपल्या मुलांना छत्रछायेत वाढचून सगळेच असे लेचेपेचे असतात असा समज असतो का?

सातवीत असतानाची म्हणजे १३ वर्षाचा असतानाची गोष्ट.
मोठी सायकल आम्हाला सीटवरून येत नव्हती कैची(मधुन पाय घालुन) किंवा दांड्या वरून चालवायचो पण बहुत करून कैची. मी आणि माझा मित्र १३-१४ किमी लांब मंगरूळ-दस्तगीर नामक एका खेड्यावर त्याच्या आत्याकडे गेलो. फेब्रुवारी/मार्च असावा.
मध्ये बरेचदा तहान फार लागली. रस्त्यात किमान दोन तीनदा तरी मळ्यात विहिरीवरून पाणी शेंदून (दोरी-बादली तिथे लागलेली असे) पिऊन गेलो. दोन तास लागले असावेत.
त्याच्या आत्याने रागावले एवढ्या लांब पोरं सायकल ने आलीत म्हणुन. तिथे दही साखर पोळी खाल्ली, आत्ते भावडां सोबत पत्ते खेळलो तासभर. मग तिथुन एक ट्रॅक्र्टर आमच्या गावच्या अर्ध्या पेक्षा जास्त वाटे पर्यंत जात होता. त्यात आमच्या सायकली घालुन आम्हाला पाठवले. तिथे उतरून दिल्यावर परत येताना एक ओळखीच्यांची वाडी होती तिथे चौथी पर्यँत आमच्या वर्गात असलेली त्यांची मुलगी होती, आम्हाला पाहुन तिने हाक मारली. मग आम्ही जरा वाडीत उंडारलो पेरू, बोरं खाल्ली. तिच्या वडिलांनी मग आम्हाला सोलाणे गठ्ठा बांधुन दिले घरी न्यायला. ते कॅरीअरवर लावुन घरी आलो. घरी एवढा वेळ कुठं गायब विचारल्यावर पराक्रम सांगितला, बोलणी खाल्ली आणि ताकीद मिळाली परत विचारल्या शिवाय गावाबाहेर जायचं नाही. आणि काही दिवस सायकलीला हात लावु दिला नव्हता.

मानव, तुम्हाला उद्देशुन न्हवतं लिहिलं.
आणि शेवटी ऋन्म्याचा धागा आहे. उन्नीसबीस तर असणारच ना! किस्से सांगायची पद्धत हे ही आहेच. मला प्रश्न पडलेला स्कूटर पीक आवरला विक्रोळी स्टॉपिंग तेज लोकल मधुन आणली का स्टॉपिंग अ‍ॅट ऑल? लोक बोंबलले नाहीत का? का सामानाच्या डब्यात शिरुन आणली? सामानाच्या डब्याला मधला बार नसतो तर मुलाला दारात उभं केलं असेल तर ते काही बरोबर नाही. पण दार उभं रहायचं की एक थ्रिल असतं. १० वर्षांचा मुलगा उभा राहू शकेलच.

मानव, तुम्हाला उद्देशुन न्हवतं लिहिलं.>> हो, मी अशीच आठवण लिहीली. त्यात अजुन गमती जमती आहेत.
मध्ये काही नाले होते आणि सडक झाली असली तरी एकदम उतार आणि वर चढाव होता काही ठिकाणी.
त्यात एके ठिकाणी मधल्या खोलगट भागात पायवाट येऊन मिळत होती, आणि आमच्या सायकली उताराला लागल्या तेवढ्यात एक आजी पायवाटेने रस्त्यावर मोळी घेऊन आल्या डोक्यावर. आम्ही करकचून ब्रेक दाबत पुढे उतरून पायाने वेग कमी करत ओय आजे आजे करत ओरडलो. तिने थांबुन मान इकडे वळवुन बघितले आम्ही कसे बसे धापा टाकत थांबलो तिला धक्का न मारता. आणि ती " माय वं, काय इचिन पोट्टे! बरं झालं दोघाईच्या ढुंगनात बिरेक हुते!" असे म्हणुन सरळ नाल्याच्या पुढच्या पायवाटेने तरा तरा निघुन गेल्या.

<< १० वर्षांच्या पोट्ट्यांच्या मनात आलं तर सकाळ काय आणि दुपार काय आरामात कापतील अंतर. किमान यात अविश्वसनीय काही वाटत नाही. >>

<< तुमचे अश्या प्रकाराच्या सायकल बद्दलचे ज्ञान अपुरे आहे. आणि हे तुम्हाला स्वीकारता येत नसेल तर चर्चेला अंत नाही >>

<< कन्नमवार नगर ते दादर टीटी १६ किमी दाखवतंय. >>
ते अंतर अजून कमी समजू १५ किमी आणि ते सुद्धा ५ तासात पूर्ण केले असे समजू. म्हणजे वेग झाला ३ किमी म्हणजे ३,००० मीटर्स प्रति तास. म्हणजे ५० मीटर प्रत्येक मिनिटाला. चाकाची त्रिज्या (radius) समजू अर्धा फूट म्हणजे १५ सेंटीमीटर्स. मग परीघ (circumference) झाला 2 x पाय x r = २ x ३.१४ x १५ = ९४.२ सेंटीमीटर. The formula for the circumference of a circle is C=2πr

आता rpm किती होतील ते काढा. ५००० भागिले ९४.२ = ५३.०८ इतके rpm शक्यच नाहीत त्या स्कूटरला. आता म्हणाल की स्कूटरचे चाक तर १ फूट व्यासाचे नसतेच मुळी. बरोबर आहे, पण मग rpm अजूनच वाढेल. ५३ शक्य नाही तिथे १०० शक्य होईल का? या rpm ने तुम्ही तरी न थांबता, न थकता इतके अंतर जाऊ शकाल का याचा विचार करा. झालं का आतातरी दूध का दूध, पानी का पानी? पुढच्या वेळी विचार करून थापा मारा.

आर पी एम काढल्याने दूध का दूध कसं झालं हे समजलं नाही.
इतके आर पी एम शक्य का नाहीत हे पण कळलं नाही.

@उबो: स्केट्सने किती स्पीडने जाऊ शकतात मुले?
त्यांच्या चाकांचा व्यास किती, आणि मग rpm किती करा बरं गणित.

स्कूटरच्या चाकाचा डायमीटर ८ इंच असतो. जुन्या स्कूटरचा किंचित जास्त असेल. १० इंच समजा.
तरी पण ती स्कूटर इतक्या आर पी एम ने जाईल किंवा जाणार नाही हे कसं ठरवायचं ?

नॉर्मल माणूस ताशी पाच किमी वेगाने चालू शकतो. शहरी माणसाचा वेग निम्मा समजा. स्कूटर त्या पेक्षा दुप्पट वेगाने जाईल कि नाही जाणार ?
ताशी पाच किमी वेग धरला तरी नॉर्मल माणसाच्या चालण्याच्या वेगाइतका आहे.

तासाला पाच हजार मीटर धरावे लागेल.
दहा इंच चाकाचे गणित केलं तर चुकीचं होईल का ?

हिशोब कसा करायचा ते सांगितले आहेच. अजून आयती उत्तरे देऊ शकत नाही. मायबोलीवर अजून स्पून फिडिंग करायचा उत्साह नाही.
८ इंच व्यास असेल, तर ५००० ÷ (३.१४ x 20 cm) = ७९.६२ rpm
हा व्हिज्युअलायझर वापरून बघू शकता की चाक किती जोरात जायला हवे ( सायकलप्रमाणे या जुन्या स्कूटरला बॉल बेअरिंग नसतात, हा पण मुद्दा आहे. शिवाय स्कूटर सतत पायाने ढकलावी लागते.) आणि याच rpm ने सलग ५ तास न थांबता, न थकता, ७-८ वर्षांचा मुलगा भर मे महिन्यात दुपारी मुंबईच्या रस्त्यांवर इतके अंतर जाऊ शकेल का याचा विचार करा. तुलनेसाठी १०० rpm सुद्धा करून बघा.
(तरीही सरांच्या थापांवर विश्वास ठेऊन, कदाचित शक्य झाले असेल असे वाटत असेल तर शुभेच्छा.)

वरती ५००० मीटर आहेत ना ? त्याला सेंटीमीटर ने थेट कसं काय ड्डिव्हाईड केलं ?

माझं गणित चुकीचं असेल कदाचित. पण
८ इंच = ०.२०३२ मीटर * ३.१४ = ०.६३८०४८
५००० / ०.६३८०४८ = ७८३६ ( रेव्होल्युशन्स पर अवर )
७८३६ / ६० = १३०.६ आर पी एम

प्रत्यक्षात पायाने ढकलायची स्कूटर चालण्याच्या वेगापेक्षा बर्‍यापैकी जास्त वेग पकडते. सहा किमी पेक्षा जास्तच.

थापांवर विश्वास असं काही नाही. माझा एक मामेभाऊ होता.
त्याला थापा मारायची सवय असल्याने त्याचं नाव कानफाट्या पडलं होतं.
नंतर नंतर या कानाने ऐकायचं त्या कानाने सोडून द्यायचं ही सवय झाली होती.
पण त्याने काही खरं सांगितलं तरी कुणी विश्वास ठेवत नव्हतं.
तो जे काही सांगेल त्याचा एकमेव साक्षीदार, पोलीस आणि जज्ज तोच सबकुछ असे.
अशा वेळी विश्वास ठेवायचा कि नाही हा ऑप्शनच नसे.

इथे गणित मांडून तुम्ही चांगला अ‍ॅप्रोच दाखवलात. पण त्या गणितात काही तरी खटकलं म्हणून विचारलं.
अशी स्कूटर चालण्यापेक्षा थोडी तरी वेगात जाईल हा अंदाज आहे. चालण्याच्या वेगापेक्षा जास्तच वेग असेल.

इथे नॉन मोटराइज्ड किक स्कूटरचा ताशी वेग (मैलांमधे) दिला आहे. बेअरींग नसणे, क्वालिटी खराब म्हणून कमी असेल थोडासा.
https://www.levyelectric.com/resources/unlocking-the-speed-potential%3A-....

फक्त तासभर ही स्कूटर कुणी लहान मुलगा चालवेल का याबद्दल शंका आहेच. पण ती बोलून दाखवून काय फायदा ?
तुम्हाला त्रास झाला असेल तर क्षमस्व.

<<हिशोब कसा करायचा ते सांगितले आहेच. अजून आयती उत्तरे देऊ शकत नाही. मायबोलीवर अजून स्पून फिडिंग करायचा उत्साह नाही.>>

लोक हो, गुगल शोध, लिनीयर स्पीडचा rpm वगैरे थांबवा.
आम्ही नाही पाहिली तेव्हाची ती किक स्कुटर, आम्हाला नाही माहीत किती वेगाने ती जाऊ शकत होती एवढे म्हणा, झालं.

ऋनम्या स्वतःच शीर्षकात लिहायचं अविश्वसनीय आणि लोकांनी अविश्वास दाखवला की त्यांना खरं आहे म्हणून पटवत बसायचं.
काय मिळतं तुला असं करून

सराना माझा पूर्ण आणि बिनशर्त पाठींबा जाहीर करताना मला अतीव आनंद होत आहे. सर, ह्या जगात विश्वास ठेवणारे आणि न ठेवणारे असे दोन्ही प्रकारचे लोक असतात. त्यांच्यासाठी म्हणून शेक्स्पिअऱ्याने लिहून ठेवले आहे,
"There are more things in heaven and earth, Horatio,
Than are dreamt of in your philosophy. "
सर आपल्यासाठी म्हणून मराठी भाषांतर करतो.
" स्वर्गात आणि पृथ्वीवर अश्या अनेक गोष्टी आहेत ज्याची , हे उपाशी बोक्या, किंवा इथे कुणाचेही नाव टाका, तुम्ही स्वप्नात देखील कल्पना करू शकणार नाही."
किंवा असे पण आहे की
मूकं करोति वाचालं पंगुं लंघयते गिरिम् । यत् कृपा तमहं वंदे परमानंद माधवम्
हपा ह्याचा अर्थ सांगतील.
विरोधकांच्या तोंडावर फेकायला एव्हढे पुरेसे आहे.

धाग्यावरचे प्रतिसाद वाचुन छान करमणुक झाली. ऋन…चीही झाली असावी…

कर मुक्त करमणूक.
सर त्यासाठीच तर धागे काढतात, आणि लोक अल्लद जाळ्यात फसतात.

सर त्यासाठीच तर धागे काढतात, आणि लोक अल्लद जाळ्यात फसतात.>>> खरचं बोललात...मलाही हळू हळू आता याची जाणीव होऊ लागली आहे की वास्तवात सरांचा भाऊ दुपारभरात अगदी गेट वे ऑप इंडिया च्या टोकाला जाऊन अखेरीस खुणावत असलेल्या क्षितीजावरचा रस्ताच खुंटल्याने निरुपाय होऊन माघारी फिरला, आणि माघारीच्या 'सफरी' मधे तो दादरला त्या ओळखीच्या व्यक्तीला गावला असण्याची शक्यता जास्त आहे. आता त्या पामराला त्याच्या अल्प-स्वल्प बुद्धीने वाटले असावे की मी याला दादरला पकडला. असो लोकं एखाद्याच्या achivement ची रेष कळत नकळत छोटी करतात (ईथे तर लोकं त्याला दादर पर्यंत ही जाऊ देत नाही आहेत... काय म्हणाव याला.. ) ती अशी.

अरे येवढे काय अवघड वाटतय तुम्हा लोकांना. मी तर आजकाल एक पावशेर इंधन टाकले की घरबसल्या पार चंद्रावर पण जाऊ शकतो.
तसच कुणालाही मुंबईच्या गर्दीत कुठून कुठेही कसाही पोचवू शकतो. पण लिहिता येत नाही. इंधन बदलून बघतो.