काळजाच्या या तळाशी राहशी तू.

Submitted by deepak_pawar on 20 February, 2023 - 10:31

काळजाच्या या तळाशी राहशी तू
सारखी स्वप्नात माझ्या नांदशी तू.

मागणे ते,"विसरुनी जावे मला तू!"
काय सांगू? प्राण माझा मागशी तू.

प्रेम ना माझे तुझ्यावर सांगताना
का गं आता? या टिपाना ढाळशी तू?

एवढी आता कशी ही बदलली तू
वेचुनी काटे, फुलांशी भांडशी तू.

आठवू मी का तुला? म्हणतेस आणिक
चांदण्या मोजीत का या जागशी तू.

विषय: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा

व्हॅलंटाईन डेच्या नंतर आठवड्याभरात ही दर्दभरी कविता!

छान लिहिली आहे.
'वेचुनी काटे, फुलांशी भांडशी तू' >> प्रियकाराचा सात्विक संताप चपखलपणे व्यक्त होतो आहे ह्या शब्दांत.

Submitted by हरचंद पालव on 20 February, 2023 - 22:35