पाउले चालती - मराठी भाषा गौरव दिन उपक्रम २०२३

पाउले चालती....

आपल्या माय मराठीचे कौतुक करावे तेवढे थोडेच! जशी आपली बोलीभाषा दर बारा कोसांवर बदलते आणि या प्रत्येक बोलीभाषेची काही वैशिष्ट्ये आहेत ; तसेच दर बारा कोसांवर आपला महाराष्ट्र देखील रूप बदलतो. कुठे सह्याद्रीच्या कुशीत तो हिरवागार तर कुठे दूरदूर पर्यंत ओसाड!
आपला वारसा जपून ठेवलेली खेडी , गावे, नगरे , शहरे महाराष्ट्रभर आहेत.

चला तर मायबोलीवर साजर्‍या होत असलेल्या 'मराठी भाषा गौरव दिवस २०२३' च्या निमित्ताने आपण जागवूया मराठी मातीतल्या आठवणी !

उपक्रमाचे नाव- पाउले चालती...

१. आपल्या गावाबद्दल किंवा आपण स्वतः भेट दिलेल्या महाराष्ट्रातील गाव,शहर,स्थळ याबद्दल लिहिणे अपेक्षित आहे. गावाची सांस्कृतिक, ऐतिहासिक, पौराणिक, भौगोलिक अशी खास ओळख असेल तर त्याबद्दल लिहा. गावाच्या तुमच्या आयुष्यातील, मनातील स्थानाविषयी लिहा.
२. लिखाण स्वतः केलेले हवे. पूर्वप्रकाशित नसावे.
३. ह्या उपक्रमात सहभागी होण्यासाठी आपल्याला 'मराठी भाषा गौरव दिवस २०२३' ह्या ग्रूपचे सदस्यत्व घ्यावे लागेल.
४. शीर्षक -" मराठी भाषा गौरव दिन - पाउले चालती - तुमचे नाव /मायबोली सदस्यनाम" असे द्यावे
४. या उपक्रमातील धागे २५ फेब्रुवारी २०२३ ते १ मार्च २०२३ या दिवसांत काढावेत.