कथाशंभरी- मगल- शर्मिला आर.

कथाशंभरी- मगल- शर्मिला आर.

बर्‍याच दिवसांनी दोघींना मोकळा वेळ मिळाला होता. नाही म्हटले तरी काही वर्षे लोटली होती. पुलाखालून बरेच पाणी वाहून गेले होते. अचानक एकीचे लक्ष तिकडे गेले. अरे हे काय .......

“अजूनही कुठे कोपर्‍यात झाडू दिसला, की तो घेऊन उडावसं वाटतं नं..? विसरायला होतं.. व्होलडयामोर्ट च्या पाडावानंतर आपण सगळ्यांनी मगलचं आयुष्य स्वीकारलेय.. पण ह्या बेशिस्त वाहतुकीत गाडी चालवायला अगदी नको नको वाटतं....”

“हो ना.. ह्या नवीन आयुष्याशी जुळवून घेण्यात इतकी वर्षे कशी सरली ते कळलंच नाही. हे मोबाइल येईपर्यंत तर संपर्कही बंदच झाला होता आपला.. ते घुबडही नव्हतं पटकन निरोपा निरोपी करायला.. ”

हरमिओनी आणी जिनीच्या नजरेसमोर हॉगवऱ्ट्स चे दिवस तरळत होते..

*************